ಚೆನ್ನೈ : ಇಲ್ಲಿನ ಎಂ. ಚಿದಂಬರಂ ಕ್ರೀಡಾಂಗಣದಲ್ಲಿ ನಡೆದ ಐಪಿಎಲ್ನ ಮೊದಲ ಪಂದ್ಯದಲ್ಲೇ ರಾಯಲ್ ಚಾಲೆಂಜರ್ಸ್ ತಂಡ ಸೋಲುಂಡಿದೆ. ಧೋನಿ ಪಡೆಯ ಸ್ಪಿನ್ ಬೌಲಿಂಗ್ ದಾಳಿಗೆ ತತ್ತರಿಸಿದ ಕೊಹ್ಲಿ ಟೀಂ ಟೂರ್ನಿಯಲ್ಲಿ ಮತ್ತದೆ ಕಳಪೆ ಆರಂಭ ಪಡೆದುಕೊಂಡಿದೆ. ಬೌಲಿಂಗ್ನಲ್ಲಿ ಮಿಂಚಿದ ಸಿಎಸ್ಕೆ 7 ವಿಕೆಟ್ಗಳ ಜಯದೊಂದಿಗೆ ಭರ್ಜರಿ ಶುಭಾರಂಭ ಮಾಡಿದೆ.
ಟಾಸ್ ಸೋತು ಬ್ಯಾಟಿಂಗ್ ಆರಂಭಿಸಿದ ಆರ್ಸಿಬಿ ನಿಧಾನ ಗತಿಯ ಆಟಕ್ಕೆ ಮುಂದಾಯಿತು. ಆದರೆ, ಆರಂಭದಲ್ಲೇ ಸ್ಪಿನ್ನರ್ಗಳನ್ನು ಚೂ ಬಿಟ್ಟ ಧೋನಿ, ವಿಕೆಟ್ ಪಡೆಯುವಲ್ಲಿ ಯಶಸ್ವಿಯಾದರು. ನಾಯಕ ವಿರಾಟ್ ಕೊಹ್ಲಿ ಕೇವಲ 6 ರನ್ಗೆ ಔಟ್ ಆಗುವ ಮೂಲಕ ಆರ್ಸಿಬಿ ಪರ ಪೆವಿಲಿಯನ್ನತ್ತ ಹೆಜ್ಜೆ ಹಾಕಲಾರಂಭಿಸಿದರು.
ಪ್ರಮುಖ ಸ್ಟಾರ್ ಆಟಗಾರರೆ ಬೇಗನೆ ವಿಕೆಟ್ ಒಪ್ಪಿಸಿದ್ದು ಆರ್ಸಿಬಿಗೆ ತುಂಬಾನೆ ಹಿನ್ನಡೆಯಾಯಿತು. ಇದೆ ಮೊದಲ ಬಾರಿಗೆ ಐಪಿಎಲ್ಗೆ ಕಾಲಿಟ್ಟ ಶಿಮ್ರೋನ್ ಹೆಟ್ಮೇರ್(0) ಹಾಗೂ ಶಿವಂ ದುಬೆ(2) ಅಬ್ಬರಿಸದೆ ನಿರಾಸೆ ಮೂಡಿಸಿದರು. ಆರ್ಸಿಬಿ ಪರ ಪಾರ್ಥಿವ್ ಪಟೇಲ್ ಕೊನೆಯ ವಿಕೆಟ್ಗೆ ಔಟ್ ಆಗುವ ಮೂಲಕ 17.1 ಓವರ್ನಲ್ಲಿ 70 ರನ್ಗೆ ಸರ್ವಪತನ ಕಂಡಿತು. ತಂಡದ ಪರ ಪಾರ್ಥಿವ್ 29 ರನ್ ಗಳಿಸಿದ್ದು ಬಿಟ್ಟರೆ, ಉಳಿದ ಆಟಗಾರರ ಸ್ಕೋರ್ ಎರಡಂಕಿ ದಾಟಲಿಲ್ಲ. ಸಿಎಸ್ಕೆ ಪರ ಹರ್ಭಜನ್ ಸಿಂಗ್ ಹಾಗೂ ಇಮ್ರಾನ್ ತಾಹಿತ್ ತಾಹಿತ್ ತಲಾ 3 ವಿಕೆಟ್ ಕಿತ್ತು ಮಿಂಚಿದರೆ, ಜಡೇಜಾ 2 ಹಾಗೂ ಬ್ರಾವೋ 1 ವಿಕೆಟ್ ಪಡೆದರು.
71 ರನ್ಗಳ ಸುಲಭ ಗುರಿ ಬೆನ್ನಟ್ಟಿದ ಚೆನ್ನೈ ಆರಂಭದಲ್ಲಿ ಆಘಾತ ಅನುಭವಿಸಿತು ಆದರೂ ತದ ನಂತರದಲ್ಲಿ ಸುರೇಶ್ ರೈನಾ(19) ಹಾಗೂ ಅಂಬಟಿ ರಾಯುಡು ಭರ್ಜರಿ ಬ್ಯಾಟಿಂಗ್ ನಡೆಸಿ ತಂಡಕ್ಕೆ ಗೆಲುವು ಹತ್ತಿರ ಮಾಡಿದರು. ಈ ಮಧ್ಯೆ ರೈನಾ ಐಪಿಎಲ್ ಇತಿಹಾಸದಲ್ಲಿ 5 ಸಾವಿರ ರನ್ ಬಾರಿಸಿದ ಸಾಧನೆ ಮಾಡಿ ನಿರ್ಗಮಿಸಿದರು. ರಾಯುಡು 28 ರನ್ಗೆ ಔಟ್ ಆದರು. ಅಂತಿಮವಾಗಿ ಚೆನ್ನೈ 17.4 ಓವರ್ಗಳಲ್ಲಿ 3 ವಿಕೆಟ್ ಕಳೆದುಕೊಂಡು 71 ರನ್ ಗಳಿಸಿ 7 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿದೆ.
ಗೆಲುವಿನ ಮೂಲಕ ಶುಭಾರಂಭ ಮಾಡಬೇಕು ಎಂದಿದ್ದ ಆರ್ಸಿಬಿಗೆ ಹಿನ್ನಡೆಯಾಗಿದ್ದು, ತವರು ನೆಲದಲ್ಲಿ ನಾವೆ ಬಲಿಷ್ಠ ಎಂಬುದನ್ನು ಚೆನ್ನೈ ಮತ್ತೆ ಸಾಭೀತು ಮಾಡಿದೆ. ಉತ್ತಮ ಬೌಲಿಂಗ್ ಪ್ರದರ್ಶಿಸಿದ ಇಮ್ರಾನ್ ತಾಹಿರ್ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಬಾಜಿ ಕೊಂಡರು. ಆರ್ಸಿಬಿ ತನ್ನ ಮುಂದಿನ ಪಂದ್ಯವನ್ನು ಮಾರ್ಚ್ 28 ಗುರುವಾರದಂದು ಬೆಂಗಳೂರಿನಲ್ಲಿ ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ವಿರುದ್ಧ ಆಡಲಿದೆ.
Comments are closed.