ಕ್ರೀಡೆ

ಗೆಲ್ಲಲು ಕೊನೆಯ ಬಾಲ್’ಗೆ 6 ರನ್ ಬೇಕಿತ್ತು.. ಬ್ಯಾಟ್ಸ್​ಮನ್​ ಬಾಲ್’ಗೆ ಹೊಡೆಯದೆಯೇ ಪಂದ್ಯ ಗೆಲ್ಲಿಸಿಕೊಟ್ಟ ! ಈ ರೋಚಕ ವೀಡಿಯೊ ಒಮ್ಮೆ ನೋಡಿ…

Pinterest LinkedIn Tumblr

ಕ್ರಿಕೆಟ್ ಇತಿಹಾಸದಲ್ಲಿ ಅದೆಷ್ಟೊ ಅಚ್ಚರಿಯ ವಿಷಯಗಳು ನಡೆಯುತ್ತಿರುತ್ತವೆ. ಕೊನೆಯ ಒಂದು ಎಸೆತದಲ್ಲಿ ಗೆಲ್ಲಲು 6 ರನ್ ಬೇಕಿದ್ದಾದ ಬ್ಯಾಟ್ಸ್​ಮನ್​​ ಅದ್ಭುತ ಸಿಕ್ಸ್​ ಸಿಡಿಸಿ ಗೆಲುವು ಸಾಧಿಸಿರುವ ಘಟನೆಗಳು ನಡೆದಿವೆ. ಆದರೆ, ಇಲ್ಲಿ ಅಚ್ಚರಿ ಎಂಬಂತೆ ಕೊನೆಯ ಎಸೆತದಲ್ಲಿ ಗೆಲ್ಲಲು 6 ರನ್ ಬೇಕಿದ್ದಾಗ ಎಸೆತ ಪೂರ್ಣಗೊಳ್ಳದೆ ಪಂದ್ಯ ಗೆದ್ದ ಅಪರೂಪದ ಘಟನೆ ನಡೆದಿದೆ.

ಮಹಾರಾಷ್ಟ್ರದಲ್ಲಿ ನಡೆದ ಆದರ್ಶ್​ ಕ್ರಿಕೆಟ್ ಕ್ಷಬ್ ಪಂದ್ಯಾವಳಿಯಲ್ಲಿ ಈ ರೋಚಕ ಘಟನೆ ನಡೆದಿದೆ. 5 ಓವರ್​ಗಳ ಪಂದ್ಯದಲ್ಲಿ ಮೊದಲ ಬ್ಯಾಟ್ ಮಾಡಿದ ಆಂಧ್ರ ಪ್ರದೇಶದ ಜುನಿ ದೊಂಬಿ ತಂಡ 75 ರನ್ ಕಲೆಹಾಕಿತ್ತು. 76 ರನ್​ಗಳ ಗುರಿ ಬೆನ್ನತ್ತಿದ ಮಹಾರಾಷ್ಟ್ರ ತಂಡ 4.5 ಓವರ್​​​ನಲ್ಲಿ 70 ರನ್ ಬಾರಿಸಿತು. ಈ ಮೂಲಕ ಕೊನೆಯ ಎಸೆತದಲ್ಲಿ ಗೆಲ್ಲಲು 6 ರನ್​ಗಳ ಅವಶ್ಯಕತೆಯಿತ್ತು. ಬ್ಯಾಟ್ಸ್​ಮನ್​ ಸಿಕ್ಸ್​ ಸಿಡಿಸಿದರೆ ಮಾತ್ರ ಗೆಲುವು ಮಹಾರಷ್ಟ್ರದ ಪಾಲಾಗುತ್ತದೆ.

ಆದರೆ, ಬ್ಯಾಟ್ಸ್​ಮನ್​ ಬಾಲ್ ಟಚ್ ಮಾಡಲೇ ಇಲ್ಲ. ಆದರೂ, ತಮ್ಮ ತಂಡಕ್ಕೆ ಗೆಲುವು ತಂದುಕೊಟ್ಟ. ಅದು ಕೂಡ ಇದ್ದ ಒಂದು ಬಾಲ್ ಉಳಿಸಿ. ಕೊನೆಯ ಒಂದು ಬಾಲ್ ಎಸೆಯಬೇಕಿದ್ದ ಬೌಲರ್​ ಸತತ ಆರು ವೈಡ್ ಬಾಲ್ ಎಸೆದು ಎದುರಾಳಿ ತಂಡಕ್ಕೆ ಜಯಗಳಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ. ಕೊನೆಯ ಓವರ್​ನ ಐದು ಎಸೆತಗಳನ್ನು ಸರಿಯಾಗೆ ಎಸೆದ ಬೌಲರ್​​ ಕೊನೆಯ ಎಸೆತವನ್ನು ಎಸೆಯಲು ಪರದಾಡಿ ತಮ್ಮ ತಂಡದ ಸೋಲಿಗೆ ಕಾರಣನಾದ.

ಸದ್ಯ ಈ ವಿಡಿಯೋ ಸಾಮಾಜಿಕ ತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿದ್ದು, ಸಾಕಷ್ಟು ಕಮೆಂಟ್​ಗಳು ಬರಲಾರಂಭಿಸಿವೆ. ಕೆಲವರು ಇದೊಂದು ಮ್ಯಾಚ್ ಫಿಕ್ಸಿಂಗ್​ ಪಂದ್ಯವೆಂದರೆ ಇನ್ನೂ ಕೆಲವರು ಒಂದೂ ಬಾಲ್ ಟಚ್ ಮಾಡದ ಬ್ಯಾಟ್ಸ್​ಮನ್​ ಅನ್ನು ಹಾಡಿಹೊಗಳಿದ್ದಾರೆ.

Comments are closed.