ಪರ್ಥ್: ಆಸ್ಟ್ರೇಲಿಯಾದಲ್ಲಿ ನಡೆಯುತ್ತಿರುವ ಬಿಗ್ಬ್ಯಾಶ್ ಟಿ20 ಲೀಗ್ ದಿನದಿಂದ ದಿನಕ್ಕೆ ರೋಚಕತೆ ಪಡೆಯುತ್ತಿದೆ. ಪರ್ಥ್ ಸ್ಕಾರ್ಚೆರ್ಸ್ ವಿರುದ್ಧದ ಪಂದ್ಯದಲ್ಲಿ ಬ್ರಿಸ್ಬೇನ್ ತಂಡದ ನ್ಯೂಜಿಲೆಂಡ್ ಆಟಗಾರ ಬ್ರೆಂಡಬ್ ಮೆಕಲಮ್ ಅವರ ಫೀಲ್ಡಿಂಗ್ ವಿಡಿಯೋ ಸಾಮಾಜಿಕ ತಾಣಗಳಲ್ಲಿ ಸಂಚಲನ ಮೂಡಿಸಿದೆ.
ಪರ್ಥ್ ತಂಡ ಬ್ಯಾಟಿಂಗ್ ಮಾಡುವವೇಳೆ 14ನೇ ಓವರ್ನ ಜೋಶ್ ಲಾಲುರ್ ಅವರ ಓವರ್ನಲ್ಲಿ ಮಿಚೆಲ್ ಮಾರ್ಶ್ ಅವರು ಚೆಂಡನ್ನು ಸಿಕ್ಸ್ಗೆ ಅಟ್ಟಲು ಯತ್ನಿಸುತ್ತಾರೆ. ಈ ಸಂದರ್ಭ ಲಾಂಗ್ ಆಫ್ನಲ್ಲಿ ಕ್ಷೇತ್ರ ರಕ್ಷಣೆ ಮಾಡುತ್ತಿದ್ದ ಮೆಕಲಮ್ ಜಾಂಟಿ ರೋಡ್ಸ್ ಮಾದರಿಯಲ್ಲಿ ಮೇಲಕ್ಕೆ ಹಾರಿ ಒಂದೇ ಕೈಯಲ್ಲಿ ಚೆಂಡನ್ನು ಹಿಡಿಯಲು ಪ್ರಯತ್ನಸುತ್ತಾರೆ. ಮೆಕಲಮ್ ಹಿಡಿದ ಕ್ಯಾಚ್ ಶೇ. 99 ರಷ್ಟು ಯಶಸ್ವಿಯಾಗಿದ್ದು, ಆದರೆ ಕೊನೆ ಕ್ಷಣದಲ್ಲಿ ಚೆಂಡು ಮೆಲಕಮ್ ಕೈಯಿಂದ ಜಾರಿ ಕೆಳ ಬಿದ್ದಿದೆ.
ಮೆಕಲಮ್ ಈ ಕ್ಯಾಚ್ ಹಿಡಿದಿದ್ದರೆ ಇದು ಶತಮಾನದ ಅತ್ಯುತ್ತಮ ಕ್ಯಾಚ್ ಆಗಿರುತ್ತಿತ್ತು. ಮೆಕಲಮ್ ಅವರ ಈ ಅದ್ಭುತ ಫೀಲ್ಡಿಂಗ್ ಎದುರಾಳಿಯ ಐದು ರನ್ಗಳನ್ನು ಉಳಿಸಿದೆ.
ಈ ಪಂದ್ಯದಲ್ಲಿ ಮೊದಲಿ ಬ್ಯಾಟ್ ಮಾಡಿದ ಪರ್ಥ್ ತಂಡ ನಿಗದಿತ 20 ಓವರ್ನಲ್ಲಿ 6 ವಿಕೆಟ್ ನಷ್ಟಕ್ಕೆ 135 ರನ್ ಗಳಿಸಿತು. ಇದಕ್ಕುತ್ತರವಾಗಿ ಬ್ಯಾಟಿಂಗ್ ಮಾಡಿದ ಬ್ರಿಸ್ಬೇನ್ ತಂಡ 18.2 ಓವರ್ನಲ್ಲೆ 5 ವಿಕೆಟ್ ನಷ್ಟಕ್ಕೆ 139 ರನ್ ಕಲೆಹಾಕುವ ಮೂಲಕ 5 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿದೆ.
Comments are closed.