ಡ್ಯಾನಿಯಲ್ ಕೊರ್ರೆಯಾ ಬ್ರೇಜಿಲ್ ಫುಟ್ಬಾಲ್ ಆಟಗಾರ. ಆತನ ವಯಸ್ಸು ಕೇವಲ 24 ವರ್ಷ. ಡ್ಯಾನಿಯಲ್ಗೆ ಎಡಿಸನ್ ಬ್ರಿಟರ್ಸ್ ಹಾಗೂ ಆತನ ಪತ್ನಿ ಕ್ರಿಸ್ಟಿಯಾನಾ ಒಳ್ಳೆಯ ಗೆಳೆಯರಾಗಿದ್ದರು. ಈ ದಂಪತಿ ಮಗಳ ಹುಟ್ಟುಹಬ್ಬವನ್ನು ಅದ್ದೂರಿಯಾಗಿ ಆಚರಿಸಿಕೊಳ್ಳಲು ಮುಂದಾಗಿತ್ತು. ಅದಕ್ಕಾಗಿ ಪಾರ್ಟಿ ಏರ್ಪಡಿಸಿದ್ದರು. ಈ ವೇಳೆ ಗೆಳೆಯನ ನಿಜವಾದ ಮುಖವಾಡ ಬಯಲಾಗಿತ್ತು. ಕ್ರಿಸ್ಟಿಯಾನಾ ಜತೆ ಡ್ಯಾನಿಯಲ್ ಯಾವಾಗಲೂ ಆಪ್ತನಾಗಿರುತ್ತಿದ್ದ. ಅವಳ ಕಷ್ಟ-ಸುಖದಲ್ಲಿ ಈತನೂ ಭಾಗಿಯಾಗುತ್ತಿದ್ದ. ಈ ಬಗ್ಗೆ ಎಡಿಸನ್ ಅಸಮಾಧಾನ ಹೊಂದಿದ್ದ. ಆದರೆ ಅದನ್ನು ನೇರವಾಗಿ ಹೇಳಿಕೊಳ್ಳುವುದಾದರೂ ಹೇಗೆ. ಹಾಗೆ ಹೇಳಿದರೆ ಪತ್ನಿ ಬಗ್ಗೆಯೇ ಅನುಮಾನಪಟ್ಟಂತಾಗುತ್ತದೆ ಎಂದು ಸುಮ್ಮನಿದ್ದ. ಪಾರ್ಟಿ ದಿನವೂ ಇಬ್ಬರೂ ಕ್ರಿಸ್ಟಿಯಾನಾ-ಡ್ಯಾನಿಯಲ್ ಕೈಕೈ ಹಿಡಿದುಕೊಂಡು ಮಾತನಾಡಿದ್ದರು. ರಾತ್ರಿಯವರೆಗೂ ಔತಣ ಕೂಟ ನಡೆಯಿತು. ಬಂದ ಅತಿಥಿಗಳಿಗೆ ಆತಿಥ್ಯ ಮಾಡುವುದರಲ್ಲೇ ಎಡಿಸನ್ ಬ್ಯುಸಿಯಾದರು. ಹೀಗಾಗಿ ಹೆಂಡತಿಕಡೆ ಗಮನ ಹರಿಸಲು ಆಗಲೇ ಇಲ್ಲ!
ಮಧ್ಯರಾತ್ರಿ ಆಯಿತು. ಅದಾಗಲೇ ಎಡಿಸನ್ ಗೆಳೆಯರ ಜೊತೆ ಸ್ವಲ್ಪ ಮದ್ಯ ಸೇವನೆ ಮಾಡಿದ್ದರು. ಗೆಳೆಯರ ಜೊತೆ ಕೂತು ಹರಟಲು ತನ್ನ ರೂಮ್ನತ್ತ ಹೊರಟ ಎಡಿಸನ್. ಗೆಳೆಯರು ಅವನನ್ನು ಹಿಂಬಾಲಿಸಿದರು. ರೂಮ್ನ ಬಾಗಿಲು ತೆರೆಯುತ್ತಿದ್ದಂತೆ ಎಡಿಸನ್ಗೆ ಶಾಕ್ ಕಾದಿತ್ತು. ಆತ ಒಮ್ಮೆ ದಂಗಾಗಿ ಬಿಟ್ಟ.
ಹಾಸಿಗೆಯಲ್ಲಿ ಕ್ರಿಸ್ಟಿಯಾನಾ-ಡ್ಯಾನಿಯಲ್ ಒಟ್ಟಿಗೆ ಮಲಗಿದ್ದರು. ಅವರ ಕಿಲ ಕಿಲ ನಗು ಎಡಿಸನ್ ಪಿತ್ತವನ್ನು ನೆತ್ತಿಗೇರಿಸಿಬಿಟ್ಟಿತ್ತು. ಬೇರೆಯವರ ಜೊತೆ ಹೆಂಡತಿ ಇಷ್ಟು ಆರಾಮವಾಗಿ ಮಲಗಿದ್ದಾಳೆ ಎಂಬುದು ಗೆಳೆಯರಿಗೆ ಗೊತ್ತಾದರೆ ಹೇಗಾಗಬೇಡ? ಅದಕ್ಕಾಗಿ ಆತ ಒಂದು ಪ್ಲ್ಯಾನ್ ಮಾಡಿಯೇ ಬಿಟ್ಟ. ಡ್ಯಾನಿಯಲ್ ತನ್ನ ಹೆಂಡತಿ ಮೇಲೆ ಅತ್ಯಾಚಾರವೆಸಗುತ್ತಿದ್ದಾನೆ ಎಂದು ಎಡಿಸನ್ ಅರಚಲು ಆರಂಭಿಸಿದ. ಆತನ ಒಂದೆರಡು ಗೆಳೆಯರು ಇದಕ್ಕೆ ಸಾತ್ ನೀಡಿದ್ದರು.
ಏನಾಗುತ್ತಿದೆ ಎಂದು ತಿಳಿಯುವುದರೊಳಗೇ ಎಡಿಸನ್ ಹಾಗೂ ಅವನ ಗೆಳೆಯರು ಡ್ಯಾನಿಯಲ್ಗೆ ಧರ್ಮದೇಟು ಹಾಕಲು ಆರಂಭಿಸಿದ್ದರು. ನಂತರ ಡ್ಯಾನಿಯಲ್ನನ್ನು ಕಾರಿನಲ್ಲಿ ತುಂಬಿಕೊಂಡು ನಿರ್ಜನ ಪ್ರದೇಶಕ್ಕೆ ತೆರಳಿದರು. ಆತನಿಗೆ ಶಿಕ್ಷೆ ನೀಡುವುದಕ್ಕೆ ಎಡಿಸನ್ ಗೆಳೆಯರು ಕೂಡ ಒಪ್ಪಿದ್ದರು. ಕಾರಣ, ಕ್ರಿಸ್ಟಿಯಾನಾ ಮುಗ್ದೆ, ಆಕೆಯ ಮೇಲೆ ಅತ್ಯಾಚಾರವೆಸಗಲು ಡ್ಯಾನಿಯಲ್ ಪ್ರಯತ್ನಿಸಿದ್ದ ಎಂಬುದನ್ನು ಬಲವಾಗಿ ನಂಬಿದ್ದರು.
ಡ್ಯಾನಿಯಲ್ನನ್ನು ದೂರದ ಕಾಡೊಂದಕ್ಕೆ ಕೊಂಡೊಯ್ಯಲಾಯಿತು. ಈ ವೇಳೆ ಆತನ ಮೊಬೈಲ್ ಪರಿಶೀಲಿಸಿದಾಗ ಕ್ರಿಸ್ಟಿಯಾನಾ ಜೊತೆ ಮಲಗಿದ್ದ ಕೆಲ ಫೋಟೋಗಳನ್ನು ಡ್ಯಾನಿಯಲ್ ಗೆಳೆಯರಿಗೆ ಕಳಹಿಸಿದ್ದ. ಆಕೆ ಫೋಟೋದಲ್ಲಿ ನಗುತ್ತಾ ಇದ್ದಳು. ಇದನ್ನು ನೋಡಿದ ಎಡಿಸನ್ಗೆ ಆಕಾಶವೇ ಕಳಚಿ ಬಿದ್ದಂತಾಗಿತ್ತು. ಕೋಪ ತಡೆಯಲಾರದೇ ಡ್ಯಾನಿಯಲ್ನ ಗುಪ್ತಾಂಗವನ್ನೇ ಕತ್ತರಿಸಿಬಿಟ್ಟ ಎಡಿಸನ್. ರಕ್ತದ ಮಡುವಿನಲ್ಲಿ ಆತ ಹೊರಳಾಡುತ್ತಿದ್ದರೂ ಎಡಿಸನ್ನ ಕೋಪ ಮಾತ್ರ ಚೂರು ಕಡಿಮೆ ಆಗಿರಲಿಲ್ಲ. ನಂತರ ನಾಲಿಗೆಯನ್ನೂ ಕತ್ತಿರಿಸಿದ. ಈ ವೇಳೆ ಡ್ಯಾನಿಯಲ್ ಪ್ರಾಣಪಕ್ಷಿಯೇ ಹಾರಿ ಹೋಗಿಬಿಟ್ಟಿತ್ತು. ಎಡಿಸನ್ಗೆ ಮೈ ಝಲ್ ಎಂದಿತ್ತು. ಕೋಪ ಇಳಿದು ತಾನು ಮಾಡಿದ ತಪ್ಪಿನ ಅರಿವಾಯಿತು. ಅದಾಗಲೇ ಗೆಳೆಯರೆಲ್ಲರೂ ಒಬ್ಬಬ್ಬರಾಗಿಯೇ ಅಲ್ಲಿಂದ ಕಾಲ್ಕಿತ್ತಿದ್ದರು. ಬೇರೆ ದಾರಿ ಕಾಣದೇ ಕಾಡಿನ ಮಧ್ಯವೇ ಹೆಣ ಬಿಸಾಡಿ ಬಂದ ಎಡಿಸನ್. .
Comments are closed.