ಪತ್ನಿ ಅನುಷ್ಕಾ ತಬ್ಬಿಕೊಂಡ ವಿರಾಟ್; ಹೊಸ ವ್ಯಾಲೆಟ್, ಟ್ಯಾಟೂ..!

ಹೊಸದಿಲ್ಲಿ: ಮೈದಾನದಲ್ಲಿ ದಾಖಲೆಗಳ ಮೇಲೆ ದಾಖಲೆಗಳನ್ನು ಸ್ಥಾಪಿಸುತ್ತಲೇ ಇರುವ ರನ್ ಮೆಷಿನ್ ಖ್ಯಾತಿಯ ವಿರಾಟ್ ಕೊಹ್ಳಿ ಏನೇ ಮಾಡಿದರೂ ಸುದಿಯಾಗುತ್ತಾರೆ.

ಅದು ಮೈದಾನದ ಒಳಗೆ ಆಗಿರಬಹುದು ಅಥವಾ ಹೊರಗೆ. ಮಾಧ್ಯಮದ ಪಾಲಿಗಂತೂ ವಿರಾಟ್ ಹಾಟ್ ವಿಷಯವಾಗಿದ್ದಾರೆ.

ಇದೀಗ ವಿಮಾನ ನಿಲ್ದಾಣದಲ್ಲಿ ಧರ್ಮಪತ್ನಿ ಹಾಗೂ ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಅವರನ್ನು ಪಿಕ್ ಮಾಡಲು ಹೋಗಿರುವ ವಿರಾಟ್ ತಮ್ಮ ಪತ್ನಿಯನ್ನು ಅಪ್ಪಿಕೊಳ್ಳುವ ಕ್ಷಣಗಳು ಕ್ಯಾಮೆರಾ ಕಣ್ಣುಗಳಿಗೆ ಸೆರೆಯಾಗಿದೆ.

ಈ ಮೊದಲು ವಿರಾಟ್ ಕೊಹ್ಲಿ ಅವರು ಅತಿ ದುಬಾರಿ ವ್ಯಾಲೆಟ್‌ನೊಂದಿಗೆ ಪತ್ತೆಯಾಗಿದ್ದರು. ಲೂಯಿಸ್ ವಿಟಾನ್ ಜಿಪ್ಪಿ ಪರ್ಸ್ ಬರೋಬ್ಬರಿ 81,144 ರೂ.ಗಳಷ್ಟು ಬೆಲೆ ಬಾಳುತ್ತದೆ.

ಅಂದ ಹಾಗೆ ಕ್ರಿಕೆಟ್‌ನಿಂದ ಬಿಡುವಿನ ವೇಳೆಯಲ್ಲಿ ಕೊಹ್ಲಿ ಹೊಸ ಟ್ಯಾಟೂ ಹಚ್ಚಿಕೊಂಡಿದ್ದಾರೆ. ಬಹಳ ಹಿಂದಿನಿಂದಲೇ ವಿಭಿನ್ನ ಟ್ಯಾಟೂಗಳ ಮೇಲೆ ವಿರಾಟ್ ಹೆಚ್ಚಿನ ಆಸಕ್ತಿ ತೋರಿದ್ದಾರೆ.

ಏತನ್ಮಧ್ಯೆ ದಕ್ಷಿಣ ಆಫ್ರಿಕಾ ವಿರುದ್ಧದ ಏಕದಿ ಹಾಗೂ ಟ್ವೆಂಟಿ-20 ಸರಣಿಗಳ ಗೆಲುವಿನ ಉಲ್ಲಾಸದಲ್ಲಿರುವ ಕೊಹ್ಲಿಗೆ ಮುಂಬರುವ ಶ್ರೀಲಂಕಾದಲ್ಲಿ ನಡೆಯಲಿರುವ ಟ್ವೆಂಟಿ-20 ತ್ರಿಕೋನ ಸರಣಿಯಿಂದ ವಿಶ್ರಾಂತಿ ನೀಡಲಾಗಿದೆ.