ಕೊಹ್ಲಿ ಸೆಂಚುರಿಗೆ ಪಾಕ್​ ಮಹಿಳಾ ಕ್ರಿಕೆಟರ್​ಗಳು ಫಿದಾ..!

ಸೆಂಚುರಿಯನ್: ದಕ್ಷಿಣ ಆಫ್ರಿಕಾ ವಿರುದ್ಧದ 6 ಏಕದಿನ ಪಂದ್ಯಗಳ ಸರಣಿಯ ಕೊನೆಯ ಪಂದ್ಯದಲ್ಲಿ ಭಾರತ ತಂಡದ ನಾಯಕ ವಿರಾಟ್​ ಕೊಹ್ಲಿಯ ಸಿಡಿಲಬ್ಬರದ ಬ್ಯಾಟಿಂಗ್​ಗೆ ಪಾಕಿಸ್ತಾನದ ಮಹಿಳಾ ಕ್ರಿಕೆಟರ್​ಗಳು ಫಿದಾ ಆಗಿದ್ದು, ಕೊಹ್ಲಿ ಆಟವನ್ನು ಹೊಗಳಿದ್ದಾರೆ.

ಪಾಕಿಸ್ತಾನದ ಮಹಿಳಾ ಕ್ರಿಕೆಟರ್​ಗಳಾದ ಸಯೀದಾ ನೈನ್​ ಅಬಿದಿ ಮತ್ತು ಕೈನತ್​ ಇಮ್ತಿಯಾಜ್​ ಅವರು ಕೊಹ್ಲಿಯನ್ನು ಹೊಗಳಿ ಟ್ವೀಟ್​ ಮಾಡಿದ್ದಾರೆ. ಅಬಿದಿ ಅವರು ಕೊಹ್ಲಿ ಏಕಾಗ್ರತೆ ಹೊಂದಿರುವ ಅತ್ಯುತ್ತಮ ಬ್ಯಾಟ್ಸ್​ಮನ್​, ಸೆಂಚುರಿಯನ್​ನಲ್ಲಿ ಅವರ ಬ್ಯಾಟಿಂಗ್​ ಅತ್ಯುತ್ತಮವಾಗಿತ್ತು ಎಂದು ತಮ್ಮ ಟ್ವೀಟ್​ನಲ್ಲಿ ತಿಳಿಸಿದ್ದಾರೆ. ಕೈನತ್​ ಸಹ ಕೊಹ್ಲಿಯನ್ನು ಮುಕ್ತಕಂಠದಿಂದ ಹೊಗಳಿದ್ದಾರೆ.