ಶ್ರೀಲಂಕಾ ಮೂಲದ ಚೆಲುವೆ ಜಾಕ್ವೆಲಿನ್‌ ಫರ್ನಾಂಡಿಸ್‌ ಅವರು ಬಹು ಬೇಡಿಕೆಯ ಬಾಲಿವುಡ್‌ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ. ಸೋಶಿಯಲ್‌ ಮೀಡಿಯಾದಲ್ಲಿ ಅವರು ಸಖತ್‌ ಸಕ್ರಿಯ ಆಗಿರುತ್ತಾರೆ. ದಿನದಿಂದ ದಿನಕ್ಕೆ ಅವರ ಫಾಲೋವರ್ಸ್‌ ಸಂಖ್ಯೆ ಹೆಚ್ಚುತ್ತಲೇ ಇದೆ. ಅದಕ್ಕಾಗಿ ಜಾಕ್ವೆಲಿನ್‌ ಫರ್ನಾಂಡಿಸ್‌ ಸಂಭ್ರಮಪಡುತ್ತಿದ್ದಾರೆ.
ಇನ್‌ಸ್ಟಾಗ್ರಾಮ್‌ನಲ್ಲಿ ಜಾಕ್ವೆಲಿನ್‌ ಫರ್ನಾಂಡಿಸ್‌ ಅವರಿಗೆ ಬರೋಬ್ಬರಿ 46 ಮಿಲಿಯನ್‌ ಮಂದಿ ಫಾಲೋವರ್ಸ್‌ ಇದ್ದಾರೆ. ಅಂದರೆ, ನಾಲ್ಕೂವರೆ ಕೋಟಿಗಿಂತಲೂ ಅಧಿಕ ಜನರು ಅವರ ಪೋಸ್ಟ್‌ಗಳನ್ನು ಫಾಲೋ ಮಾಡುತ್ತಿದ್ದಾರೆ. 46 ಮಿಲಿಯನ್‌ ಫಾಲೋವರ್ಸ್‌ ಸಂಪಾದಿಸಿರುವ ಖುಷಿಗೆ ಜಾಕ್ವೆಲಿನ್‌ ಟಾಪ್‌ಲೆಸ್‌ ಆಗಿ ಪೋಸ್‌ ನೀಡಿದ್ದಾರೆ. ಅಚ್ಚರಿ ಎನಿಸಿದರೂ ಈ ಮಾತು ನಿಜ.
ಟಾಪ್‌ಲೆಸ್‌ ಆಗಿ ಹೂವು, ಎಲೆ, ಹೂಗುಚ್ಛವನ್ನು ಅಡ್ಡವಾಗಿ ಹಿಡಿದುಕೊಂಡು ಫೋಟೋಶೂಟ್‌ ಮಾಡಿಸುವ ಟ್ರೆಂಡ್‌ ಈಗ ಚಾಲ್ತಿಯಲ್ಲಿದೆ. ಜಾಕ್ವೆಲಿನ್‌ ಫರ್ನಾಂಡಿಸ್‌ ಕೂಡ ಅದೇ ರೀತಿ ಫೋಟೋ ಶೂಟ್‌ ಮಾಡಿಸಿದ್ದಾರೆ. ಅದನ್ನು ತಮ್ಮ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಶೇರ್‌ ಮಾಡಿಕೊಂಡು, ಎಲ್ಲ ಅಭಿಮಾನಿಗಳಿಗೆ ಧನ್ಯವಾದ ತಿಳಿಸಿದ್ದಾರೆ. ’46 ಮಿಲಿಯನ್‌. ಲವ್‌ ಯೂ, ಥ್ಯಾಂಕ್ಯೂ’ ಎಂದು ಈ ಫೋಟೋಗಳಿಗೆ ಅವರು ಕ್ಯಾಪ್ಷನ್‌ ನೀಡಿದ್ದಾರೆ.
ಅಚ್ಚರಿ ಎಂದರೆ, ಡಿಜೆ ಸ್ನೇಕ್‌ ಕೂಡ ಈ ಫೋಟೋ ಕಂಡು ಫಿದಾ ಆಗಿದ್ದಾರೆ. ಜಾಕ್ವೆಲಿನ್‌ರ ಪೋಸ್ಟ್‌ಗೆ ಕಿರೀಟದ ಎಮೋಜಿಯನ್ನು ಕಾಮೆಂಟ್‌ ಮಾಡಿದ್ದಾರೆ ಡಿಜೆ ಸ್ನೇಕ್‌. ಒಟ್ಟಿನಲ್ಲಿ ಈ ಟಾಪ್‌ಲೆಸ್‌ ಫೋಟೋಗಳು ಸಿಕ್ಕಾಪಟ್ಟೆ ವೈರಲ್‌ ಆಗಿರುವುದಂತೂ ನಿಜ. 20 ಲಕ್ಷಕ್ಕೂ ಅಧಿಕ ಮಂದಿ ಈ ಫೋಟೋಗಳನ್ನು ಲೈಕ್‌ ಮಾಡಿದ್ದಾರೆ. ಇತ್ತೀಚೆಗೆ ನಟಿಯರಾದ ಆದಾ ಶರ್ಮಾ, ರಶ್ಮಿ ದೇಸಾಯಿ ಕೂಡ ಇದೇ ರೀತಿ ಫೋಟೋಶೂಟ್‌ ಮಾಡಿಸಿಕೊಂಡು ಗಮನ ಸೆಳೆದಿದ್ದರು.
Comments are closed.