ಕಳೆದ ಮಾರ್ಚ್ 8ರ ಅಂತಾರಾಷ್ಟ್ರೀಯ ದಿನದಂದು ಫೋಟೋಗ್ರಾಫರ್ ಯಾಮಿ ಅವರು ನಟಿ ಪವಿತ್ರ ಲಕ್ಷ್ಮೀ ಮೊಣಕಾಲಿಗಿಂತ ಮೇಲೆ ಸೀರೆಯುಟ್ಟ ಫೋಟೋಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಅಪ್‌ಲೋಡ್ ಮಾಡಿದ್ದರು. ಈಗ ಈ ವಿಚಾರ ದೊಡ್ಡ ವಿವಾದವನ್ನುಂಟು ಮಾಡಿದೆ.
ಯಾಮಿ ಉದ್ದೇಶವೇನಾಗಿತ್ತು?
ಮೊಣಕಾಲಿನವರೆಗೆ ಸೀರೆಯನ್ನುಟ್ಟು ಮಧುಮಗಳಂತೆ ಪವಿತ್ರ ಲಕ್ಷ್ಮೀ ರೆಡಿಯಾಗಿದ್ದರು. ಇದಕ್ಕೆ ಪದ್ಧತಿ ಮುರಿಯಿರಿ ಎಂದು ಕ್ಯಾಪ್ಶನ್ ನೀಡಲಾಗಿತ್ತು. ಇದಕ್ಕೆ ನೆಟ್ಟಿಗರು ಮನಬಂದಂತೆ ಕಾಮೆಂಟ್ ಮಾಡಿದ್ದರು. ಇದು ಕಳೆದು 6 ತಿಂಗಳಾದರೂ ಕಾಮೆಂಟ್ ನಿಂತಿಲ್ಲ. ಆಮೋಲ್ ಜಾಧವರ್‌ ಫೋಟೋ ಸಿರೀಸ್‌ ನೋಡಿ ಪ್ರೇರಣೆಗೊಂಡು ಯಾಮಿ
ಫೋಟೋಶೂಟ್ ಮಾಡಿಸಿದ್ದರು. ಸೀರೆಯುಡೋದು ಅನೇಕರಿಗೆ ಅಷ್ಟು ಆರಾಮೆನಿಸುವುದಿಲ್ಲ. ಹೀಗಾಗಿ ಮನಬಂದಂತೆ ನಾವು ಸೀರೆ ಉಡಬಹುದು ಎಂಬುದು ಯಾಮಿ ಆಶಯವಾಗಿತ್ತು.
ಲವ್ ಜಿಹಾದ್ ಎಂದು ಹೇಳಿದ ನೆಟ್ಟಿಗರು!
ಈ ಫೋಟೋ ನೋಡಿದ ನೆಟ್ಟಿಗರು ಪವಿತ್ರ ಲಕ್ಷ್ಮೀಯ ಬಾಡಿ ಶೇಮಿಂಗ್ ಮಾಡಿದ್ದರು. ನಟಿಯ ಕಾಲು ಕಪ್ಪಿದೆ, ಯಾಕೆ ಫೋಟೋಶಾಪ್ ಮಾಡಲಿಲ್ಲ ಎಂಬ ಕಾಮೆಂಟ್ ಬಂದಿತ್ತು. ಇದನ್ನು ನೋಡಿ ಇಷ್ಟಪಡದ ಯಾಮಿ ಕಾಮೆಂಟ್ ಸೆಕ್ಷನ್ ಬ್ಲಾಕ್ ಮಾಡಿದ್ದರು. ಇದಾಗಿ 6 ತಿಂಗಳ ನಂತರ ನಾನು ಕಾಮೆಂಟ್ಸ್ ನೋಡಿ ಸೈಬರ್‌ಕ್ರೈಂನಲ್ಲಿ ದೂರು ದಾಖಲಿಸಿದ್ದಾರೆ. ಇದನ್ನೆಲ್ಲ ನೋಡಿದ ಕೆಲವರು ಯಾಮಿ ಕ್ರಿಶ್ಚಿಯನ್, ಹಿಂದೂ ಧರ್ಮವರ ವಿರುದ್ಧ ಇದ್ದಾರೆ ಎಂದು ಆರೋಪಿಸಿದ್ದರು.
ಯಾಮಿಗೆ ಬಂದ ಆಫರ್ ಏನು?
‘ನಾನು ಈ ರೀತಿಯ ಕಾಮೆಂಟ್‌ಗಳಿಗೆ ಮೊದಲೆಲ್ಲ ತಲೆಕೆಡಿಸಿಕೊಳ್ಳುತ್ತಿರಲಿಲ್ಲ. ನನಗೆ ಮೆಸೇಜ್ ಮಾಡಿದ್ದರೆ ನಾನು ಬೇಸರಪಟ್ಟುಕೊಳ್ಳುತ್ತಿರಲಿಲ್ಲ. ನನ್ನ ಕ್ಲೈಂಟ್‌ಗಳಿಗೂ ಅವರು ಮೇಲ್ ಕಳಿಸುತ್ತಿದ್ದಾರೆ. ನನ್ನ ಸಹೋದ್ಯೋಗಿಗಳಿಗೂ, ಸ್ನೇಹಿತರಿಗೂ ಮೆಸೇಜ್ ಮಾಡುತ್ತಿದ್ದಾರೆ. ಇದು ಸರಿಯಲ್ಲ. ನಾನು ವಯನಾಡಿನಲ್ಲಿ ಫೋಟೋಶೂಟ್ ಮಾಡುತ್ತಿದ್ದಾಗ ನನ್ನ ಕ್ಲೈಂಟ್‌ಗಳಿಗೆ ಈ ರೀತಿ ಮೆಸೇಜ್ ಬಂದಿತ್ತು. ನಾನು ಲವ್ ಜಿಹಾದ್ ಬೆಂಬಲ ಮಾಡುತ್ತೇನೆ, ಬೇರೆ ಧರ್ಮದವರ ವಿರೋಧಿ ಅಂತ ಆ ಮೆಸೇಜ್‌ನಲ್ಲಿ ಹೇಳಲಾಗಿತ್ತು. ನನ್ನ ಮೇಲೆ ಆಸಿಡ್ ಹಾಕಲಾಗುತ್ತದೆ. 1 ಲಕ್ಷ ರೂಪಾಯಿ ಕೊಡ್ತೀನಿ, ಫೋಟೋ ಡಿಲಿಟ್ ಮಾಡಿ ಅಂತ ಕೂಡ ಆಫರ್ ನೀಡಿದ್ದರು’ ಎಂದು ಯಾಮಿ ಟೈಮ್ಸ್ ಆಫ್ ಇಂಡಿಯಾಕ್ಕೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ.
ಮಧುಮಗಳ ಡ್ರೆಸ್, ಸೀರೆಯನ್ನು ಪಾಶ್ಚಾತ್ಯ ರೀತಿಯಲ್ಲಿ ಫೋಟೋಶೂಟ್ ಮಾಡಿಸುವ ಪದ್ಧತಿ ಇತ್ತೀಚೆಗೆ ಶುರುವಾಗಿದೆ. ಅರ್ಧ ಭಾರತೀಯ, ಅರ್ಧ ಪಾಶ್ಚಾತ್ಯ ರೀತಿಯಲ್ಲಿ ಮಧುಮಗಳು ಡ್ರೆಸ್ ಮಾಡಿಕೊಂಡು ಫೋಟೋಶೂಟ್ ಮಾಡಿಸುತ್ತಿದ್ದಾರೆ.
Comments are closed.