ಬೆಂಗಳೂರು: ನಟ ಪುನೀತ್ ರಾಜ್ಕುಮಾರ್ ‘ಯುವರತ್ನ’ ಚಿತ್ರೀಕರಣ ಮುಗಿಸಿ ಜೇಮ್ಸ್ ಚಿತ್ರೀಕರಣಕ್ಕೆ ಪ್ರವೇಶ ಮಾಡಿದ್ದಾರೆ. ಇದರ ಬೆನ್ನಲ್ಲೇ ಈ ಚಿತ್ರಕ್ಕೆ ನಾಯಕಿ ಆಯ್ಕೆಯು ಫಿಕ್ಸ್ ಆಗಿದೆ.
ಅಪ್ಪು ನಟನೆಯ ಮೋಸ್ಟ್ ಅವೈಟೆಡ್ ‘ಯುವರತ್ನ’ ಸಿನಿಮಾದ ಶೂಟಿಂಗ್ ಮುಗಿಸಿ, ಪವರ್ಫುಲ್ ಜೇಮ್ಸ್ ಅಡ್ಡಕ್ಕೆ ಪವರ್ ಸ್ಟಾರ್ ಎಂಟ್ರಿ ಕೊಟ್ಟಿದ್ದಾರೆ. ಈಗಾಗಲೇ ಮೋಷನ್ ಪೋಸ್ಟರ್ನಿಂದಲೇ ಗಾಂಧಿನಗರದಲ್ಲಿ ಕಿಕ್ ಏರಿಸಿರೋ ‘ಜೇಮ್ಸ್’ ಶೂಟಿಂಗ್ ಹೊಸಪೇಟೆಯಲ್ಲಿ ಶುರುವಾಗಿದೆ.
ಈಗಾಗಲೇ ಭರದಿಂದ ಸಾಗುತ್ತಿರುವ ಜೇಮ್ಸ್ ಶೂಟಿಂಗ್ಗೆ, ಒಬ್ಬೊಬ್ಬರಾಗಿ ಕಲಾವಿದರು ಎಂಟ್ರಿ ಕೊಡ್ತಿದ್ದಾರೆ. ಹೌದು ‘ದಿ ವಿಲನ್’ ಸಿನಿಮಾದಲ್ಲಿ ಮಿಂಚಿರುವಂತಹ ಟಾಲಿವುಡ್ ಶ್ರೀಕಾಂತ್, ಅಪ್ಪು ಜೊತೆ ಮೋಡಿ ಮಾಡಲಿದ್ದಾರೆ . ಇದಲ್ಲದೇ ಬಹುಭಾಷಾ ನಟ ಆದಿತ್ಯ ಮೆನನ್, ಅನು ಪ್ರಭಾಕರ್ ಸೇರಿದಂತೆ ಅನೇಕ ಕಲಾವಿದರು ಲಿಡ್ ರೋಲ್ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
‘ಭರ್ಜರಿ’ ಚೇತನ್ ಕುಮಾರ್ ಸಾರಥ್ಯದಲ್ಲಿ ಮೂಡಿಬರ್ತಿರುವ ಸಿನಿಮಾದಲ್ಲಿ, ಅಪ್ಪುಗೆ ನಾಯಕಿ ಫಿಕ್ಸ್ ಆಗಿದ್ದಾರೆ. ಯೆಸ್ ಪುನೀತ್ ಜೊತೆ ‘ರಾಜಕುಮಾರ’ ಸಿನಿಮಾದಲ್ಲಿ ಕಮಾಲ್ ಮಾಡಿರುವಂತಹ ಪ್ರಿಯಾ ಆನಂದ್, ‘ಜೇಮ್ಸ್’ ಸಿನಿಮಾ ಮೂಲಕ ಮತ್ತೆ ಅಪ್ಪು ಜೊತೆ ಡುಯೇಟ್ ಹಾಡಲು ರೆಡಿಯಾಗಿದ್ದಾರೆ.
ಸದ್ಯ ಜೇಮ್ಸ್ ಶೂಟಿಂಗ್ ಶುರುವಾಗಿದ್ದು, ಸದ್ಯದಲ್ಲಿಯೇ ಪ್ರಿಯಾ ಆನಂದ್ ಜೇಮ್ಸ್ ಸೆಟ್ಗೆ ಸೇರಿಕೊಳ್ಳಲಿದ್ದಾರೆ. ಈ ವಿಷಯ ಕೇಳಿದ ಅಪ್ಪು ಫ್ಯಾನ್ಸ್ ಫುಲ್ ಥ್ರಿಲ್ ಆಗಿದ್ದು, ಇವರಿಬ್ಬರ ಜೋಡಿಯನ್ನ ಮತ್ತೆ ತೆರೆ ಮೇಲೆ ನೋಡಲು ಸಖತ್ ಎಕ್ಸೈಟ್ ಆಗಿದ್ದಾರೆ. ಎನಿ ವೇ ಮತ್ತೆ ಅಪ್ಪು-ಪ್ರಿಯಾ ಜೋಡಿ ಬಿಗ್ ಸ್ಕ್ರೀನ್ ಮೇಲೆ ಮೋಡಿ ಮಾಡುತ್ತಾ ಅಂತ ಕಾದುನೋಡಬೇಕಾಗಿದೆ.
Comments are closed.