ಸುಶಾಂತ್ ಸಿಂಗ್ ಆತ್ಮಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ದಿನೇದಿನೆ ಹೊಸ ಹೊಸ ಬೆಳವಣಿಗೆಗಳು ಎದುರಾಗುತ್ತಿದೆ. ಈ ನಡುವೆ ಮಾಜಿ ಮ್ಯಾನೇಜರ್ ದಿಶಾ ಸಾಲಿಯಾನ್ ಸಾವಿಗೂ ಸುಶಾಂತ್ಗೂ ಸಂಬಂಧವಿದೆಯೇ ಎಂಬ ಪ್ರಶ್ನೆ ಉದ್ಭವ ವಾಗಿತ್ತು. ಇದೀಗ ಆ ಪ್ರಶ್ನೆಗೆ ತಕ್ಕಂತೆ ದಿಶಾ ಮತ್ತು ಸುಶಾಂತ್ ನಡುವಿನ ವಾಟ್ಸಾಪ್ ಚಾಟ್ ಬಹಿರಂಗವಾಗಿದೆ. ಒಂದಷ್ಟು ಅಚ್ಚರಿಯ ಉತ್ತರಗಳು ಲಭಿಸಿದ್ದು, ಕಾಡಿದ್ದ ಪ್ರಶ್ನೆಗಳಿಗೆ ಉತ್ತರವೂ ಸಿಕ್ಕಿದೆ.
ಜೂನ್ 8ರಂದು ದಿಶಾ ಆತ್ಮಹತ್ಯೆ ಮಾಡಿಕೊಂಡರೆ, ಜೂನ್ 14ರಂದು ಸುಶಾಂತ್ ನೇಣಿಗೆ ಶರಣಾಗಿದ್ದರು. ಇದೀಗ ಇವರಿಬ್ಬರ ನಡುವಿನ ವಾಟ್ಸಾಪ್ ಚಾಟ್ ಬಹಿರಂಗವಾಗಿದ್ದು, ಒಬ್ಬ ಮ್ಯಾನೇಜರ್ ಆಗಿ ಏನೆಲ್ಲ ಚರ್ಚೆ ಮಾಡಬಹುದಿತ್ತೋ ಅದಷ್ಟೇ ಇವರಿಬ್ಬರ ಚಾಟ್ನಲ್ಲಿ ಕಾಣಿಸಿದೆ. ಏಪ್ರಿಲ್ನಲ್ಲಿ ಇಬ್ಬರ ನಡುವೆ ಸಿನಿಮಾ ಮತ್ತು ಒಂದಷ್ಟು ಹೊಸ ಪ್ರಾಜೆಕ್ಟ್ ಕುರಿತು ಮಾತುಕತೆ ನಡೆದಿದೆ. ಅದೇ ರೀತಿ ಟಿವಿ ಜಾಹೀರಾತುಗಳಿಗೂ ಆಫರ್ ಬಂದಿದ್ದು, ಆ ವಿಚಾರವೂ ವಾಟ್ಸಾಪ್ ಚಾಟ್ನಲ್ಲಿ ಗೊತ್ತಾಗಿದೆ.
ಇನ್ನು ಇತ್ತ ಸುಶಾಂತ್ ಸಾವಿನ ದಿನ ಕಾಣಿಸಿದ ಅಪರಿಚಿತ ಮಹಿಳೆ ಬಗ್ಗೆಯೂ ದೊಡ್ಡ ಮಟ್ಟದ ಚರ್ಚೆ ನಡೆಯುತ್ತಿದ್ದು, ಪೊಲೀಸ್ ಇಲಾಖೆ ಇನ್ನೂ ಆ ಮಹಿಳೆಯನ್ನು ವಿಚಾರಣೆ ನಡೆಸದೆ ಸುಮ್ಮನೆ ಇರುವುದು ಹಲವು ಅನುಮಾನಗಳಿಗೆ ಕಾರಣವಾಗಿದೆ. ಮುಂಬೈ ಪೊಲೀಸ್ ಇಲಾಖೆಯ ಈ ನಿರ್ಲಕ್ಯಕ್ಕೆ ಬಿಜೆಪಿ ಮುಖಂಡ ಸುಬ್ರಮಣಿಯನ್ ಸ್ವಾಮಿ ಸಹ ಖಂಡಿಸಿದ್ದಾರೆ.
Comments are closed.