‘ಜೊತೆ ಜೊತೆಯಲಿ’ ಧಾರಾವಾಹಿ ಹಿಂದಿಕ್ಕಿ ಪ್ರಥಮ ಸ್ಥಾನ ಪಡೆದ ಇನ್ನೊಂದು ಧಾರಾವಾಹಿ!

ಈ ವಾರದ ಕನ್ನಡ ಧಾರಾವಾಹಿಗಳ ಟಿಆರ್‌ಪಿಯಲ್ಲಿ ದೊಡ್ಡ ಬದಲಾವಣೆ ಆಗಿದೆ. ಈ ಹಿಂದಿನ ವಾರ ಇದ್ದ ಟಾಪ್ 5 ಧಾರಾವಾಹಿಗಳ ಸ್ಥಾನ ಬದಲಾಗಿದೆ. ‘ಜೊತೆ ಜೊತೆಯಲಿ’ ಧಾರಾವಾಹಿಗೆ ಮತ್ತೆ ಸೋಲು ಸಿಕ್ಕಿದಂತಾಗಿದೆ. ಇದಕ್ಕೆ ಸೋಲುಣಿಸಿದ ಧಾರಾವಾಹಿ ಯಾವುದು?

‘ಜೊತೆ ಜೊತೆಯಲಿ’ ಧಾರಾವಾಹಿಗೆ ಮತ್ತೆ ಸೋಲಿನ ರುಚಿ ತೋರಿಸಿದ ಇನ್ನೊಂದು ಧಾರಾವಾಹಿ ಯಾವುದು?
ಕನ್ನಡ ಧಾರಾವಾಹಿಗಳ ಟಿಆರ್‌ಪಿ ಹೊರಬಿದ್ದಿದೆ. 2020ರ ಆಗಸ್ಟ್ 1 ರಿಂದ 7ರವರೆಗಿನ ಎಪಿಸೋಡ್‌ಗಳ ಟಿಆರ್‌ಪಿ ಇದಾಗಿದೆ. ಪ್ರತಿ ವಾರ ಕೂಡ ಧಾರಾವಾಹಿಗಳ ಸ್ಥಾನದಲ್ಲಿ ಬದಲಾವಣೆ ಆಗುತ್ತಿರುತ್ತದೆ. ಅಂತೆಯೇ ಈ ಭಾರಿ ಟಾಪ್ 5 ಧಾರಾವಾಹಿಗಳ ಮಧ್ಯೆ ದೊಡ್ಡ ಬದಲಾವಣೆ ಆಗಿದೆ

ಮೊದಲ ಸ್ಥಾನದಲ್ಲಿ ‘ಗಟ್ಟಿಮೇಳ’
‘ಗಟ್ಟಿಮೇಳ’ ಧಾರಾವಾಹಿ ಮತ್ತೆ ಮೊದಲ ಸ್ಥಾನವನ್ನು ಬಿಟ್ಟುಕೊಟ್ಟಿಲ್ಲ. ವೇದಾಂತ್ ಸುತ್ತವೇ ಹಲವು ದಿನಗಳಿಂದ ಕಥೆ ಸಾಗುತ್ತಿದೆ. ಆಸ್ಟ್ರೇಲಿಯಾಕ್ಕೆ ವೇದಾಂತ್ ಯಾಕೆ ಯಾರಿಗೂ ತಿಳಿಸದೆ ಹೋದ? ಒಂದುವೇಳೆ ಹೋದಮೇಲೆ ಯಾಕೆ ಯಾರಿಗೂ ಫೋನ್ ಕರೆ ಮಾಡಲಿಲ್ಲ? ಅಮೂಲ್ಯಗೆ ಒಂದುಸಲವಾದರೂ ಆತ ಫೋನ್ ಮಾಡಬೇಕಿತ್ತು? ಹೀಗೆ ಹಲವು ಪ್ರಶ್ನೆಗಳ ಸುತ್ತವೇ ಎಪಿಸೋಡ್‌ಗಳು ಪ್ರಸಾರವಾಗುತ್ತಿತ್ತು. ಇನ್ನೊಂದು ಕಡೆ ಸಾಹಿತ್ಯ, ಸುಹಾಸಿನಿ ಕುತಂತ್ರ ಕೂಡ ನಡೆಯುತ್ತಿತ್ತು. ಇದರಿಂದಾಗಿ ಧಾರಾವಾಹಿ ನೋಡಲು ಪ್ರೇಕ್ಷಕರು ತುಂಬ ಉತ್ಸುಕರಾಗಿದ್ದರು

ಎರಡನೇ ಸ್ಥಾನದಲ್ಲಿ ‘ಜೊತೆ ಜೊತೆಯಲಿ’ ಧಾರಾವಾಹಿ
‘ಜೊತೆ ಜೊತೆಯಲಿ’ ಧಾರಾವಾಹಿ ಮತ್ತೆ 2ನೇ ಸ್ಥಾನದಲ್ಲಿದೆ. ‘ಗಟ್ಟಿಮೇಳ’ ಮತ್ತು ‘ಜೊತೆ ಜೊತೆಯಲಿ’ ಧಾರಾವಾಹಿ ನಡುವೆ ಟಿಆರ್‌ಪಿಯಲ್ಲಿ ಯಾವಾಗಲೂ ಪೈಪೋಟಿ ಇದ್ದೇ ಇರುತ್ತದೆ. ಆರ್ಯನನ್ನು ಒಲಿಸಿಕೊಳ್ಳಲು ಅನು, ಅನು ಜೊತೆ ಸಮಯ ಕಳೆಯಲು ಆರ್ಯ ಇದರ ಬಗ್ಗೆಯೇ ಎಪಿಸೋಡ್ ಪ್ರಸಾರವಾಗುತ್ತಿದೆ. ಇದರ ಜೊತೆಗೆ ಟ್ರೆಡಿಶನ್ ಡೇ ಕೂಡ ಆಚರಿಸಲಾಗಿತ್ತು. ಆರ್ಯನನ್ನು ಪಡೆದುಕೊಳ್ಳಲು ಮೀರಾ ಕೂಡ ಪ್ರಯತ್ನಪಡುತ್ತಿದ್ದಾಳೆ.

ಮೂರನೇ ಸ್ಥಾನದಲ್ಲಿ ‘ಪಾರು’ ಧಾರಾವಾಹಿ
ಪಾರು ಮತ್ತು ಆದಿ ಗೊತ್ತೋ ಗೊತ್ತಿಲ್ಲದೆ ಒಂದಾಗುತ್ತಿದ್ದಾರೆ. ಜನನಿ ಅರಸನಕೋಟೆ ಅಖಿಲಾಂಡೇಶ್ವರಿ ಮನೆ ಪ್ರವೇಶ ಮಾಡಲು ಸಿದ್ಧತೆ ನಡೆಯುತ್ತಿದೆ. ಆದರೆ ಈ ಧಾರಾವಾಹಿಯಲ್ಲಿ ಕುತೂಹಲಕಾರಿ ಹೊಸ ದೃಶ್ಯಗಳು ಯಾವುವು ಪ್ರಸಾರವಾಗುತ್ತಿಲ್ಲ

ನಾಲ್ಕನೇ ಸ್ಥಾನ ಮತ್ತು ಐದನೇ ಸ್ಥಾನದಲ್ಲಿ ಯಾವ ಧಾರಾವಾಹಿಯಿದೆ?
ನಾಲ್ಕನೇ ಸ್ಥಾನದಲ್ಲಿ ಸೂಪರ್ ನ್ಯಾಚುರಲ್ ಧಾರಾವಾಹಿ ‘ನಾಗಿಣಿ 2’ ಇದೆ, ಹಲವು ದಿನಗಳ ನಂತರ ‘ಕಮಲಿ’ ಧಾರಾವಾಹಿ 5 ನೇ ಸ್ಥಾನ ಪಡೆದಿದೆ.