ಬಿ-ಟೌನ್ ಫೇಮಸ್ ಆನ್ ಸ್ಕ್ರೀನ್ ಜೋಡಿಗಳ ಪೈಕಿ ಇವರು ಕೂಡ ಒಬ್ಬರು. ಗ್ಲಾಮರ್ ಮತ್ತು ಡಿ-ಗ್ಲಾಮರ್ ಪಾತ್ರಗಳಿಂದ ಜನರನ್ನ ಮೋಡಿ ಮಾಡಿದ್ದ ಈ ಇಬ್ಬರು ಸ್ಟಾರ್ಗಳು, ಮತ್ತೆ ಒಂದೇ ತೆರೆ ಮೇಲೆ ಮಿಂಚ್ಬೇಕು ಅನ್ನೋದು ಫ್ಯಾನ್ಸ್ಗಳ ಬೇಡಿಕೆಯಾಗಿತ್ತು. ಹೀಗಾಗಿ ಬಾಲಿವುಡ್ನ ‘ಆ’ ಬಾದ್ಶಾ ಮತ್ತು ಮಂಗಳೂರಿನ ಆ ಬೆಡಗಿ ಮತ್ತೆ ಸ್ಕ್ರೀನ್ ಮೇಲೆ ರೊಮ್ಯಾನ್ಸ್ ಮಾಡಲು ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ.
ದೀಪಿಕಾ ಪಡುಕೋಣೆ.. ಕೋಟ್ಯಾಂತರ ಪಡ್ಡೆ ಹುಡುಗರ ನಿದ್ದೆ ಕದ್ದು, ಬಾಲಿವುಡ್ನಲ್ಲಿ ಮಿಂಚು ಹರಿಸುತ್ತಿರುವ ಚೆಂದುಳ್ಳಿ ಚೆಲುವೆ. ಇನ್ನು ಶಾರೂಖ್ ಖಾನ್ ಬಾಲಿವುಡ್ನಲ್ಲಿ ಬ್ಯಾಕ್ ಟು ಬ್ಯಾಕ್ ಹಿಟ್ ಸಿನಿಮಾಗಳನ್ನು ಕೊಟ್ಟು ಬಾಲಿವುಡ್ ಬಾದ್ಶಾ ಅಂತನೇ ಖ್ಯಾತಿ ಪಡೆದಿರುವ ನಟ.. ಇವರಿಬ್ಬರ ಕಾಂಬಿನೇಷನ್ನಲ್ಲಿ ಸಿನಿಮಾ ಬರುತ್ತೆ ಅಂದ್ರೆ ಅದರ ನಿರೀಕ್ಷೆ ಜಾಸ್ತಿನೇ ಇರುತ್ತೆ..
ಶಾರೂಖ್ ಮತ್ತು ದೀಪಿಕಾ ಕಾಂಬೋದಲ್ಲಿ ‘ಓಂ ಶಾಂತಿ ಓಂ’, ‘ಚೆನ್ನೈ ಎಕ್ಸ್ಪ್ರೆಸ್’ ಹಾಗೂ ‘ಹ್ಯಾಪಿ ನ್ಯೂ ಇಯರ್’ ಸಿನಿಮಾಗಳು ಈಗಾಗಲೇ ತೆರೆ ಮೇಲೆ ಅಪ್ಪಳಿಸಿವೆ. ಅದರಲ್ಲೂ ಚೆನ್ನೈ ಎಕ್ಸ್ಪ್ರೆಸ್ ನಲ್ಲಿ ಈ ಜೋಡಿಯ ಕೆಮಿಸ್ಟ್ರಿಗೆ ಅಭಿಮಾನಿಗಳು ಫುಲ್ ಫಿದಾ ಆಗಿದ್ರು. ಇದೀಗ ಸತತ ಐದು ವರ್ಷಗಳ ನಂತರ ಇವರಿಬ್ಬರೂ ಮತ್ತೊಮ್ಮೆ ನಾಯಕ-ನಾಯಕಿಯಾಗಿ ಹೈವೋಲ್ಟೇಜ್ ಆಕ್ಷನ್ ಸಿನಿಮಾ ‘ಪಠಾಣ್’ ಮೂಲಕ ಡ್ಯುಯೇಟ್ ಮಾಡಲಿದ್ದಾರೆ..
ಶಾರೂಖ್-ದೀಪಿಕಾ ಐದು ವರ್ಷಗಳಾದ್ಮೇಲೆ ಒಂದಾಗುತ್ತಿದ್ದಾರೆ ಅನ್ನೋದು ಒಂದು ಕಡೆಯಾದ್ರೆ.. ಶಾರೂಖ್ ಎರಡು ವರ್ಷದ ಗ್ಯಾಪ್ನ ನಂತ್ರ ಗ್ರೀನ್ ಸಿಗ್ನಲ್ ಕೊಟ್ಟಿರುವ ಸಿನಿಮಾವಿದು. ಹೀಗಾಗಿ ಈ ಸಿನಿಮಾದ ಮೇಲೆ ಜಾಸ್ತಿನೇ ನಿರೀಕ್ಷೆ ಇದೆ. ಈ ಹಿಂದೆ ‘ವಾರ್’ ಚಿತ್ರವನ್ನ ನಿರ್ದೇಶಿಸಿದ್ದ ಸಿದ್ಧಾರ್ಥ್ ಆನಂದ್ ಈ ಚಿತ್ರವನ್ನು ಆ್ಯಕ್ಷನ್ ಕಟ್ ಹೇಳ್ತಿದ್ದಾರೆ. ಏನಿವೇ ಇವರಿಬ್ಬರ ಕೆಮಿಸ್ಟ್ರಿಯನ್ನ ಮತ್ತೆ ತೆರೆ ಮೇಲೆ ನೋಡಲು ಫ್ಯಾನ್ಸ್ಗಳು ಕಾತುರದಿಂದ ಕಾಯುತ್ತಿದ್ದಾರೆ.
Comments are closed.