ಸಂಯುಕ್ತಾ ಹೆಗಡೆ ಸಿನಿಮಾಗಳಿಗಿಂತ ಹೆಚ್ಚಾಗಿ ತಮ್ಮ ಡ್ಯಾನ್ಸಿಂಗ್ ವಿಡಿಯೋಗಳಿಂದಲೇ ಹೆಚ್ಚು ಖ್ಯಾತರಾದವರು. ಸಾಮಾಜಿಕ ಜಾಲತಾಣದಲ್ಲಿ ಆಗಾಗ ವಿಭಿನ್ನ ಪ್ರಕಾರದ ನೃತ್ಯಗಳ ವಿಡಿಯೋಗಳಿಂದಲೇ ಸದ್ದು ಮಾಡುತ್ತಿರುತ್ತಾರೆ.
‘ಕಿರಿಕ್ ಪಾರ್ಟಿ’ ಸಿನಿಮಾದ ಮೂಲಕ ಕನ್ನಡ ಪ್ರೇಕ್ಷಕರಿಗೆ ಪರಿಚಿತರಾದ ಸಂಯುಕ್ತಾ ಹೆಗ್ಡೆ, ಹಾಟ್ ಹಾಗೂ ಬೋಲ್ಡ್ ಫೋಟೋಶೂಟ್ಗಳಿಂದ ಸುದ್ದಿಯಲ್ಲಿದ್ದರು. ಇನ್ನು ತಮ್ಮ ಬಾಯ್ಫ್ರೆಂಡ್ ಜೊತೆಗೆ ಪ್ರವಾಸದಲ್ಲಿ ತೆಗೆದ ಕಿಸ್ಸಿಂಗ್ ಫೋಟೋ ಸಹ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಈಗ ಈ ನಟಿಯ ಲೆಟೆಸ್ಟ್ ಡ್ಯಾನ್ಸಿಂಗ್ ವಿಡಿಯೋ ಒಂದು ಓಡಾಡುತ್ತಿದೆ.
ಸಂಯುಕ್ತಾ ಹೆಗಡೆ ಹುಲಾಹೂಪ್ ಹಿಡಿದು ಸಖತ್ ಸ್ಪೆಪ್ ಹಾಕಿದ್ದಾರೆ. ಹಲವಾರು ನೃತ್ಯ ಪ್ರಕಾರಗಳನ್ನು ಕಲಿತಿರುವ ನಟಿಗೆ ಹುಲಾಹೂಪ್ ಕಲಿಯುವುದು ಬಹಳ ಕಷ್ಟವೆನಿಸಿಲ್ಲ ಎಂದೆನಿಸುತ್ತದೆ. ಕಳೆದ ಒಂದು ತಿಂಗಳಿನಿಂದ ಹುಲಾಹೂಪ್ ಹಿಡಿದು ಅಭ್ಯಾಸ ಮಾಡುತ್ತಿರುವ ಸಂಯುಕ್ತಾ, ಈಗ ತಮ್ಮ ಡ್ಯಾನ್ಸಿಂಗ್ ವಿಡಿಯೋ ಮಾಡಿ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ತಮಿಳು ನಟ ವಿಜಯ್ ಹುಟ್ಟುಹಬ್ಬದಂದು ಈ ವಿಡಿಯೋ ಮೂಲಕ ವಿಶ್ ಮಾಡಿದ್ದಾರೆ.
ಲಾಕ್ಡೌನ್ನಿಂದಾಗಿ ಬೆಂಗಳೂರಿನಲ್ಲಿರುವ ಅಪ್ಪ-ಅಮ್ಮನ ಬಳಿ ಬಂದ ಸಂಯುಕ್ತಾ ಹೆಗಡೆ, ಮನೆಯಲ್ಲಿ ವ್ಯಾಯಾಮ, ಡ್ಯಾನ್ಸ್, ಯೋಗ ಹಾಗೂ ಫೋಟೋಶೂಟ್ ಅಂತ ಸಖತ್ ಟೈಮ್ಪಾಸ್ ಮಾಡಿದ್ದಾರೆ.
ಸಂಯುಕ್ತಾ ಬೆರಳೆಣಿಕೆ ಸಿನಿಮಾಗಳಲ್ಲಿ ನಟಿಸಿದ್ದರೂ ವಿದೇಶಗಳಲ್ಲಿ ನೃತ್ಯ ಪ್ರದರ್ಶನ ನೀಡುತ್ತಾ ಬ್ಯುಸಿಯಾಗಿರುತ್ತಾರೆ. ತಮ್ಮ ಪ್ರವಾಸದ ನಡುವೆಯೇ ಸಿನಿಮಾಗಳಲ್ಲಿ ಅಭಿನಯಿಸುವ ಆಫರ್ ಬಂದರೆ ಸಾಕು ಅದನ್ನೂ ಒಪ್ಪಿಕೊಳ್ಳುತ್ತಾರೆ.
Comments are closed.