ನಿಶ್ಚಿತಾರ್ಥ ಮಾಡಿಕೊಂಡ ರಾಣಾ ದಗ್ಗುಬಾಟಿ!

ಮಗನ ನಿಶ್ಚಿತಾರ್ಥ ಆಗಿಲ್ಲ, ಇದಕ್ಕೆಲ್ಲ ಟೈಮ್ ಇದೆ ಎಂದು ರಾಣಾ ದಗ್ಗುಬಾಟಿ ತಂದೆ ಸುರೇಶ್ ಬಾಬು ಕಳೆದ ಒಂದು ದಿನದ ಹಿಂದೆ ಹೇಳಿದ್ದರು. ಆದರೆ ಅವರ ಮಗ ರಾಣಾ ನಿಶ್ಚಿತಾರ್ಥ ಮಾಡಿಕೊಂಡಿರುವ ಫೋಟೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ.

ರಾಣಾ ದಗ್ಗು ಬಾಟಿ ತಂದೆ ನಿನ್ನೆ ಹೇಳಿದ್ದೇನು?

‘ಮಿಹೀಕಾ ಅವರ ತಂದೆ-ತಾಯಿಯನ್ನು ನಾವು ಭೇಟಿ ಮಾಡಿದ್ದೇವೆ ಅಷ್ಟೇ. ರಾಣಾ-ಮಿಹೀಕಾ ನಿಶ್ಚಿತಾರ್ಥ ಇನ್ನೂ ಆಗಿಲ್ಲ. ನಿಶ್ಚಿತಾರ್ಥ, ಮದುವೆ ಮಾಡೋಕೆ ಇನ್ನೂ ಟೈಮ್ ಇದೆ. ಮದುವೆ, ನಿಶ್ಚಿತಾರ್ಥದ ದಿನಾಂಕ ನಾವಿನ್ನೂ ಫಿಕ್ಸ್ ಮಾಡಿಲ್ಲ. ಚಳಿಗಾಲದಲ್ಲಿ ಮದುವೆ ಮಾಡಬೇಕು ಎಂಬ ಪ್ಲ್ಯಾನ್ ಇದೆ. ಆದರೆ ಕೊರೊನಾ ವೈರಸ್‌, ಲಾಕ್ ಡೌನ್ ಕಾರಣಕ್ಕೆ ಎಷ್ಟು ದಿನ ಲೇಟ್ ಆಗತ್ತೋ ಗೊತ್ತಿಲ್ಲ. ಎಲ್ಲವೂ ಫೈನಲ್ ಆದಮೇಲೆ ನಾವು ಅಧಿಕೃತ ಘೋಷಣೆ ಮಾಡುತ್ತೇವೆ’ ಎಂದು ರಾಣಾ ತಂದೆ ದಗ್ಗುಬಾಟಿ ಸುರೇಶ್ ಬಾಬು ಹೈದರಾಬಾದ್ ಟೈಮ್ಸ್‌ಗೆ ನೀಡಿದ್ದ ಸಂದರ್ಶನದಲ್ಲಿ 2020ರ ಮೇ 20ರಂದು ಹೇಳಿದ್ದರು.

ಮಿಹೀಕಾ ಬಜಾಜ್ ಯಾರು?
ಲಾಕ್ ಡೌನ್ ನಡುವೆ ಬುಧವಾರವೇ ರಾಣಾ ಮತ್ತು ಮಿಹೀಕಾ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಈ ಬಗ್ಗೆ ಸೋಶಿಯಲ್ ಮೀಡಿಯಾ ಪೋಸ್ಟ್ ಹಾಕಿರುವ ರಾಣಾ ‘ಈಗ ಇದು ಅಧಿಕೃತ’ ಎಂದಿದ್ದಾರೆ. ಮೇ 12ರಂದು ಮದುವೆಯಾಗುವ ಹುಡುಗಿ ಮಿಹೀಕಾರನ್ನು ರಾಣಾ ಅಭಿಮಾನಿಗಳಿಗೆ ಪರಿಚಯಿಸಿದ್ದರು. ಈ ಖುಷಿ ವಿಷಯ ತಿಳಿದು ಹಲವರು ಇವರಿಗೆ ಶುಭಾಶಯ ತಿಳಿಸಿದ್ದರು. ಮಿಹೀಕಾ ಜೊತೆಗಿನ ಸಂಬಂಧವನ್ನು ಇಷ್ಟುದಿನ ರಾಣಾ ತುಂಬ ಸಿಕ್ರೇಟ್ ಆಗಿಟ್ಟಿದ್ದರು. Dew Drop Design Studio ಎಂಬ ಇವೆಂಟ್ ಮ್ಯಾನೇಜ್‌ಮೆಂಟ್ ಕಂಪನಿಯ ಸ್ಥಾಪಕಿ ಮಿಹೀಕಾ. ಇಂಟಿರೀಯರ್ ಡಿಸೈನ್‌ನಲ್ಲಿ ಡಿಪ್ಲೋಮಾ ಗಳಿಸಿದ ನಂತರದಲ್ಲಿ ಲಂಡನ್‌ನ ಚೆಸ್ಲಿಯಾ ಯುನಿವರ್ಸಿಟಿ ಆಫ್ ಆರ್ಟ್, ಡಿಸೈನ್ ಕಾಲೇಜಿನಲ್ಲಿ ಮಾಸ್ಟರ್ಸ್ ಮಾಡಿದ್ದಾರೆ. ಮುಂಬೈನಲ್ಲಿ ಇಂಟಿರಿಯರ್ ಡಿಸೈನರ್ ಆಗಿ ಒಂದು ವರ್ಷ ಕೆಲಸ ಮಾಡಿರುವ ಮಿಹೀಕಾ, ‘ಡಿಸೈನ್ ಪಟಾಕಿ’ಯಲ್ಲಿ ಬರಹಗಾರ್ತಿಯಾಗಿದ್ದಾರೆ.

ರಾಣಾ ದಗ್ಗುಬಾಟಿ ತಂದೆ ಯಾಕೆ ಸುಳ್ಳು ಹೇಳಿದ್ರು?
ಕಳೆದ ಒಂದು ದಿನದ ಹಿಂದೆ ‘ವಿಜಯ ಕರ್ನಾಟಕ’ ಪತ್ರಿಕೆಯ ಸೋದರ ಪತ್ರಿಕೆ ‘ಟೈಮ್ಸ್ ಆಫ್ ಇಂಡಿಯಾ’ದ ಹೈದರಾಬಾದ್‌ ಟೈಮ್ಸ್‌ ಬಳಿ ಮಾತನಾಡಿ ನಿಶ್ಚಿತಾರ್ಥ, ಮದುವೆ ದಿನಾಂಕ ನಿಗದಿಯಾಗಿಲ್ಲ ಎಂದು ಹೇಳಿದ್ದರು. ಆದರೆ ನಿಶ್ಚಿತಾರ್ಥ ನಿನ್ನೆಯೇ ನಡೆದಿದೆ. ಯಾಕೆ ಈ ರೀತಿ ಸುಳ್ಳು ಹೇಳಿದರು ಎಂಬುದು ಮಾತ್ರ ಬಗೆಹರಿಯುತ್ತಿಲ್ಲ.