ಒಂದು ಕಾಲದಲ್ಲಿ ಟಾಲಿವುಡ್ನಲ್ಲಿ ಸ್ಟಾರ್ ನಟರೊಂದಿಗೆ ತೆರೆ ಹಂಚಿಕೊಂಡು ಮಿಂಚಿದ್ದ ನಟಿ ಸಿಮ್ರನ್ ವಿವಾಹವಾದ ನಂತರ ನಿಧಾನವಾಗಿ ಸಿನಿಮಾದಿಂದ ದೂರವಾಗಿದ್ದರು. ನಂತರ ಆಗಾಗ ತಮಿಳು ಹಾಗೂ ತೆಲುಗಿನಲ್ಲಿ ಪೋಷಕ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುವ ಸಿಮ್ರನ್ ಈಗ ಟಿಕ್ಟಾಕ್ನಲ್ಲೂ ಧೂಳೆಬ್ಬಿಸುತ್ತಿದ್ದಾರೆ.
ಬಳುಕುವ ಬಳ್ಳಿ ಎಂದೇ ಖ್ಯಾತರಾಗಿದ್ದ ಸಿಮ್ರನ್ ಕನ್ನಡ, ತೆಲುಗು, ತಮಿಳು ಹಾಗೂ ಹಿಂದಿ ಸಿನಿಮಾಗಳಲ್ಲಿ ನಟಿಸಿದ್ದರು. ಆದರೆ ತೆಲುಗು-ತಮಿಳಿನಲ್ಲಿ ಹಿಟ್ ಆದಂತೆ ಬಾಲಿವುಡ್ನಲ್ಲಿ ಅವಕಾಶಗಳು ಸಿಗಲಿಲ್ಲ. ಪೆಟ್ಟಾದಲ್ಲಿ ಸಿಮ್ರನ್ ರಜಿನಿಕಾಂತ್ ಜೊತೆ ತೆರೆ ಹಂಚಿಕೊಂಡಿದ್ದಾರೆ.
ಇಂತಹ ನಟಿ ಈಗ ಅಭಿಮಾನಿಗಳನ್ನು ರಂಜಿಸುವ ಕೆಲಸವನ್ನು ಮತ್ತೆ ಆರಂಭಿಸಿದ್ದಾರೆ. ಅದೂ ಕೂಡ ಟಿಕ್ಟಾಕ್ನಲ್ಲಿ. ಹೌದು, ತಮ್ಮ ಮಗನೊಂದಿಗೆ ಸೇರಿ ಟಿಕ್ಟಾಕ್ ವಿಡಿಯೋಗಳನ್ನು ಮಾಡುತ್ತಿದ್ದಾರೆ.
ಸದ್ಯ ಸಿಮ್ರನ್ ತಮ್ಮ ವಯಸ್ಸಿಗೆ ತಕ್ಕ ಪಾತ್ರಗಳನ್ನು ಆಯ್ಕೆ ಮಾಡಿಕೊಂಡು ನಟಿಸುತ್ತಿದ್ದಾರೆ. ತಮಿಳಿನಲ್ಲಿ ರಾಕೆಟರಿ ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದಾರೆ. ಈ ಸಿನಿಮಾ ಇಸ್ರೊ ವಿಜ್ಞಾನಿ ನಂಬಿ ನಾರಾಯಣ್ ಅವರ ಬಯೋಪಿಕ್ ಆಗಿದ್ದು, ಇದರಲ್ಲಿ ಮಾಧವನ್ ನಾಯಕನಾಗಿದ್ದಾರೆ.
Comments are closed.