‘ಕಿತ್ತಳೆ ಮಂಡಿ’ ಟಾಸ್ಕ್ ಎರಡು ತಂಡಗಳಾದ ಸಪ್ತಾಶ್ವ ಹಾಗೂ ಸಿಡಿಲು ತಂಡದ ನಡುವೆ ನಡೆಯಿತು. ಈ ಟಾಸ್ಕ್‌ನಲ್ಲಿ ಕಿತ್ತಳೆ ಹಣ್ಣುಗಳನ್ನು ಮಹಿಳಾ ಸ್ಪರ್ಧಿಗಳು ತಮ್ಮ ಟೀ ಶರ್ಟ್‌ನಲ್ಲಿ ಬಚ್ಚಿಟ್ಟುಕೊಂಡಿದ್ದರು. ಅದನ್ನು ಕಿತ್ತುಕೊಳ್ಳಲು ಹೋದಾಗ ಹಲವಾರು ಮಾತುಗಳು ದೀಪಿಕಾರ ಬಾಯಿಂದ ಬಂತು.
ಹೆಣ್ಣು ಮಕ್ಕಳು ನೀವು ಆ ಜಾಗದಲ್ಲಿ ಬಚ್ಚಿಟ್ಟುಕೊಂಡು ಅಡ್ವಾಂಟೇಜ್ ತಗೊಳ್ತಿದ್ದೀರಾ ಎಂದು ಪೃಥ್ವಿ ಹೇಳಿದರು. ಟೀ ಶರ್ಟ್ ಮುಟ್ಟಿದರೆ ನಾವು ಸುಮ್ಮನಿರಲ್ಲ. ಆ ರೀತಿ ಮಾಡಿದರೆ ನಮಗೆ ಈ ಆಟವೇ ಬೇಡ ಎಂದು ಇನ್ನೊಂದು ಕಡೆ ದೀಪಿಕಾ ಜೋರು ಧ್ವನಿಯಲ್ಲಿ ಮಾತನಾಡಿದರು.
ಗುಪ್ತಾಂಗ ಮುಟ್ಟುವ ಹಾಗಿಲ್ಲ ಎಂದ ದೀಪಿಕಾ
ಕಡೆಗೆ ದೀಪಿಕಾ ತನ್ನ ಟೀ ಶರ್ಟ್ ಒಳಗೆ ಬಚ್ಚಿಟ್ಟುಕೊಂಡಿದ್ದ ಕಿತ್ತಳೆ ಹಣ್ಣನ್ನು ಕುರಿ ಪ್ರತಾಪ್ ಕಿತ್ತುಕೊಳ್ಳಲು ಬಂದಾಗ, ಗುಪ್ತಾಂಗವನ್ನು ಮುಟ್ಟುವ ಹಾಗಿಲ್ಲ. ನಾವು ಹುಡುಗೀರು ಬಿಚ್ಚಿಕೊಂಡು ನಿಲ್ಲೋಕೆ ಬಂದಿಲ್ಲ ಇಲ್ಲಿ ಎಂದಿದ್ದಾರೆ.
ದೀಪಿಕಾ ಎಲ್ಲಾ ಕಿತ್ತಳೆ ಹಣ್ಣುಗಳನ್ನು ತನ್ನ ಟೀ ಶರ್ಟ್‌ನ ಮೇಲ್ಭಾಗದಲ್ಲಿ ಬಚ್ಚಿಟ್ಟುಕೊಂಡಿದ್ದರು. ಟೀ ಶರ್ಟ್ ಎತ್ತಿ ಎಂದು ಕುರಿ ಪ್ರತಾಪ್ ಹೇಳಿದರು ಅಂತ ದೀಪಿಕ ಸಿಕ್ಕಾಪಟ್ಟೆ ಗರಂ ಆದರು. ಆದರೆ ನಾನು ಆ ರೀತಿ ಹೇಳಿಯೇ ಇಲ್ಲ ಎಂದು ಪ್ರತಾಪ್ ಸಮರ್ಥಿಸಿಕೊಂಡರು.
ಕಿತ್ತಳೆ ಮಂಡಿ ಟಾಸ್ಕ್ ಅತಿರೇಕಕ್ಕೆ ಹೋಗಿ ಕೊನೆಗೆ ಕಿತ್ತಾಟ, ಕೈ ಕೈ ಮಿಲಾಯಿಸುವ ಹಂತವನ್ನೂ ತಲುಪಿತು. ಇದೇ ವಿಚಾರವಾಗಿ ಜೈ ಜಗದೀಶ್ ಹಾಗೂ ಭೂಮಿ ನಡುವೆ ವಾಗ್ವಾದ, ಕಿರುಚಾಟವೂ ನಡೆಯಿತು.
ನಿನ್ನದು ನಾಯಿ ಬುದ್ಧಿ ಎಂದು ಚಂದನ್ ಆಚಾರ್‌ರನ್ನು ಬೈದರು ರಾಜು ತಾಳಿಕೋಟೆ. ತನ್ನ ಕೈ ಕಚ್ಚಿದ ಎಂಬ ಕಾರಣಕ್ಕೆ ರಾಜು ಗರಂ ಆಗಿದ್ದರು. ಕಡೆಗೆ ಹೊಡೆದೇ ಬಿಡುತ್ತೀನಿ ಅಂತ ಚಂದನ್ ಹೇಳಿದ್ದು ರಾಜು ಅವರನ್ನು ಇನ್ನಷ್ಟು ಕೆರಳಿಸಿತು. ಒಟ್ಟಾರೆ ಇದು ಟಾಸ್ಕ್ ಎಂಬುದನ್ನು ಮರೆತ ಮನೆಯ ಸದಸ್ಯರು ಕಿತ್ತಾಟ, ಕೂಗಾಟದಲ್ಲೇ ಹೆಚ್ಚು ಹೊತ್ತು ಕಳೆದರು.
ಕಿತ್ತಳೆ ಮಂಡಿ ಟಾಸ್ಕ್‌ನಲ್ಲಿ ಗೆದ್ದ ಸಿಡಿಲು ತಂಡ
ಟಾಸ್ಕ್‌ನ ವಿಚಾರವಾಗಿ ನೀನೊಬ್ಬ ಕೇಡಿ ಎಂದು ಹರೀಶ್‌ರನ್ನು ಬೈದರು ಜೈ ಜಗದೀಶ್. ಕೊನೆಗೆ ಈ ಸವಾಲಿನಲ್ಲಿ ಸಿಡಿಲು ತಂಡ ಗೆದ್ದಿದ್ದು ಮೂಲ ಮನೆ ಪ್ರವೇಶಿಸಿದೆ. ಸಪ್ತಾಶ್ವ ತಂಡ ಸವಾಲಿನಲ್ಲಿ ಸೋತಿದ್ದು ಹೊಸ ಮನೆಯಲ್ಲೇ ವಾಸ ಮಾಡುವಂತಾಯಿತು.
ಸಿಡಿಲು ತಂಡ ತುಂಬಾ ಕಚಡವಾಗಿ ಆಡಿದರು, ಚೆನ್ನಾಗಿ ಆಡಿದ ನಾವು ಸೋತೆವು, ಹರೀಶ್ ರಾಜ್ ಒಬ್ಬ ರೋಗ್ ತರಹ ಆಡಿದ್ದಾನೆ ಎಂದು ಜೈ ಜಗದೀಶ್ ಮತ್ತು ಸುಜಾತಾ ಮಾತನಾಡಿಕೊಂಡರು. ನಾನು ಮನೆಯಿಂದ ಹೋಗಬೇಕು. ಇಲ್ಲಿ ಸಾಕಾಯ್ತು ಎಂಬ ಮಾತು ಜೈ ಜಗದೀಶ್ ಹಾಗೂ ಸುಜಾತಾ ಅವರ ಬಾಯಿಂದ ಬಂತು.
ಕೈ ತುತ್ತು ಸವಿದ ಮನೆಯ ಸದಸ್ಯರು
ಹೊಸ ಮನೆಯ ಸದಸ್ಯರಿಗೆ ಬಿಗ್ ಬಾಸ್ ಹೊಸ ಚಟುವಟಿಕೆಯನ್ನೂ ನೀಡಿದರು. ಅದರ ಪ್ರಕಾರ ಕೈತುತ್ತು ತಿನ್ನುತ್ತಾ ತಮ್ಮ ಜೀವನದ ಬೆಸ್ಟ್ ಕೈತುತ್ತಿನ ವಿಚಾರವನ್ನು ಹೇಳಬೇಕಿತ್ತು. ಅದರಂತೆ ಚಂದನಾ, ಪ್ರಿಯಾಂಕಾ ತಮ್ಮ ಕೈತುತ್ತಿನ ಅನುಭವ ಮೆಲುಕು ಹಾಕಿದರು.
Comments are closed.