ಚೈತ್ರಾ ವಾಸುದೇವನ್ ಮತ್ತು ಚೈತ್ರಾ ಕೊಟ್ಟೂರು ಬಿಗ್ ಬಾಸ್ ಮನೆಯಲ್ಲಿದ್ದಾರೆ. ಈ ವಾರದ ಎಲಿಮಿನೇಶನ್ ನಾಮಿನೇಟ್ ಮಾಡುವ ವೇಳೆ ಚೈತ್ರಾ ಕೊಟ್ಟೂರು ಅವರು ಚೈತ್ರಾ ವಾಸುದೇವನ್ ಅವರನ್ನು ನಾಮಿನೇಟ್ ಮಾಡಿದ್ದರು. ಅವರು ನಾಮಿನೇಟ್ ಮಾಡುವ ವೇಳೆ ನೀಡಿದ ಕಾರಣ ಚರ್ಚೆಗೆ ಘ್ರಾಸವಾಗಿತ್ತು.
“ಇಬ್ಬರ ಹೆಸರು ಚೈತ್ರಾ ಅಂತಲೇ ಇದೆ. ಪ್ರತಿಯೊಬ್ಬರು ಅವರವರ ಐಡೆಂಟಟಿ ಆಧಾರದ ಮೇಲೆ ಬಿಗ್ ಬಾಸ್ ಮನೆಯಲ್ಲಿರುತ್ತಾರೆ. ಚೈತ್ರಾ ಅಂತ ಬೇರೆಯವರು ಕರೆದರೆ ನಾನು ತಿರುಗಿ ನೋಡ್ತೀನಿ. ನನ್ನನ್ನು ಬೇರೆಯವರು ಕರೆದರೆ ಅವರು ತಿರುಗಿ ನೋಡ್ತಾರೆ. ವೈಯಕ್ತಿಕ ಕಾರಣ ಏನೂ ಇಲ್ಲ. ಇಬ್ಬರೂ ಚೈತ್ರಾ ಬೇಡ” ಅಂತ ಚೈತ್ರಾ ಕೊಟ್ಟೂರು ಅವರು ಚೈತ್ರಾ ವಾಸುದೇವನ್ ಹೆಸರನ್ನು ನೀಡಿ ನಾಮಿನೇಟ್ ಮಾಡಿದ್ದರು. ಈಗ ಅದೇ ಹೆಸರು ಇಬ್ಬರ ನಡುವಿನ ಜಗಳಕ್ಕೆ ಕಾರಣವಾಗಿದೆ. ಚೈತ್ರಾ ವಾಸುದೇವನ್‌ಗೆ ಈಗಾಗಲೇ ಮದುವೆಯಾಗಿದೆ. ಚೈತ್ರಾ ಕೊಟ್ಟೂರ್‌ ಅವರು ಶೈನ್ ಶೆಟ್ಟಿ ಹಿಂದೆ ಬಿದ್ದಿದ್ದಾರೆ.
ಶೈನ್ ಶೆಟ್ಟಿ ನೀವು ಇದನ್ನೆಲ್ಲ ಮಾಡುತ್ತಿರುವುದು ಸೀರಿಯಸ್ ಆಗಿಯೋ? ಅಥವಾ ತಮಾಷೆಗಾಗಿಯೋ ತಿಳಿಯುತ್ತಿಲ್ಲ, ಹೇಳಿ ಎಂದು ಚೈತ್ರಾರನ್ನು ಪ್ರಶ್ನಿಸಿದ್ದರು. ಆಗ ಚೈತ್ರಾ ತಮಾಷೆ ಅಂದ್ರೆ ಏನು ಮಾಡ್ತೀರಾ? ಸೀರಿಯಸ್ ಅಂದರೆ ಏನು ಮಾಡ್ತೀರಾ? ಅಂತ ಮರು ಪ್ರಶ್ನಿಸಿದ್ದಾರೆ. ಶೈನ್ ಆಗ ಉತ್ತರ ಹೇಳಿ ಎಂದಾಗಲೂ ಚೈತ್ರಾ ಉತ್ತರಿಸಿಲ್ಲ. ಆ ಬಳಿಕ ಶೈನ್ ನಿಮಗೆ ನನ್ನ ಮೇಲೆ ನಿಜಕ್ಕೂ ಯಾವ ಅಭಿಪ್ರಾಯವಿದೆ ಎಂದು ಗೊತ್ತಿಲ್ಲ, ಆದರೆ ನನಗೆ ನಿಮ್ಮ ಮೇಲೆ ನೀವು ಒಳ್ಳೆಯ ಪರ್ಫಾಮರ್ ಎಂಬ ಗೌರವವಿದೆ ವಿನಃ ಪ್ರೀತಿಯಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಆಗ ಚೈತ್ರಾ ನಾನು ನಿಮಗೆ ನನ್ನನ್ನು ಪ್ರೀತಿಸಿ ಎಂದು ಕೇಳಿಕೊಳ್ಳುತ್ತಿಲ್ಲ ಎಂದಿದ್ದಾರೆ. ಇದನ್ನೆಲ್ಲ ನೋಡುತ್ತಿರುವ, ಸರಿಯಾಗಿ ಗಮನಿಸುತ್ತಿರುವ ಈ ಮನೆಯ ಸದಸ್ಯರು ಇವರಿಬ್ಬರ ಕಾಲೆಳೆಯುತ್ತಿದ್ದಾರೆ.
ಶೈನ್ ಏನೂ ವಿಷಯ ಇಲ್ಲ ಅಂತ ಸ್ಪಷ್ಟಪಡಿಸುತ್ತಿದ್ದರೂ ಕೂಡ ಚೈತ್ರಾ ಲವ್ ಇದೆ ಎಂಬಂತಲೇ ಬಿಂಬಿಸುವಂತೆ ವರ್ತಿಸುತ್ತಿದ್ದಾರೆ. ಶೈನ್ ಶೆಟ್ಟಿ ಬೇಡ ಅಂದರೂ ಕೂಡ ಹೆಡ್‌ ಮಸಾಜ್‌ ಮಾಡಿಕೊಡುವುದಾಗಿ ಚೈತ್ರಾ ಕೊಟ್ಟೂರು ಒತ್ತಾಯಿಸಿದ್ದರು. ಎಲ್ಲಿ ಶೈನ್ ಇರುತ್ತಾರೋ ಅಲ್ಲಿ ಚೈತ್ರಾ ಇರುತ್ತಾರೆ. ಚೈತ್ರಾ ಇಷ್ಟಪಟ್ಟು ಈ ರೀತಿ ಮಾಡುತ್ತಿದ್ದಾರೋ ಅಥವಾ ಬಿಗ್ ಬಾಸ್ ಮನೆಯಲ್ಲಿ ಹೆಚ್ಚು ಕಾಲ ಉಳಿಯಲು ಈ ರೀತಿ ಮಾಡುತ್ತಿದ್ದಾರೋ ತಿಳಿಯತ್ತಿಲ್ಲ. ಆದರೆ ಚೈತ್ರಾ ಅವರು ಶೈನ್ ಶೆಟ್ಟಿ ಹಿಂದೆ ಬಿದ್ದಿದ್ದಾರೆ. ಚೈತ್ರಾ ಕೊಟ್ಟೂರು ನಡೆವಳಿಕೆಯಿಂದ ತನಗೆ ಸಮಸ್ಯೆ ಉಂಟಾಗುತ್ತಿದೆ ಎನ್ನೋದು ಚೈತ್ರಾ ವಾಸುದೇವನ್ ಅವರ ಆರೋಪ. ಈ ಸಮಸ್ಯೆಗೆ ಇಂದು ಕಿಚ್ಚ ಏನು ಪರಿಹಾರ ನೀಡಲಿದ್ದಾರೆ ಎನ್ನೋದು ತಿಳಿಯಲಿದೆ. ಅಷ್ಟೇ ಅಲ್ಲದೆ ಇಬ್ಬರು ಚೈತ್ರಾ ಪರಸ್ಪರ ವಾದ-ವಿವಾದ ಮಾಡಿಕೊಳ್ಳುತ್ತಿರುವುದು ಸುದೀಪ್‌ಗೆ ಅವಮಾನ ಆಗುತ್ತಿದೆ ಎಂದು ಅವರೇ ಹೇಳಿದ್ದಾರೆ.
Comments are closed.