‘ರಾಜಾ ರಾಣಿ’ ಖ್ಯಾತಿಯ ಚುಕ್ಕಿ ಎಂದರೆ ಯಾರಿಗೆ ತಾನೇ ಗೊತ್ತಿಲ್ಲ ಹೇಳಿ. ಎಡವಟ್ಟು ಮಾಡೋದರಲ್ಲಿ ಚುಕ್ಕಿ ತುಂಬ ಫೇಮಸ್. ಪಟ ಪಟ ಅಂತ ಮಾತನಾಡುವ ಚುಕ್ಕಿ ಕಂಡರೆ ಪ್ರೇಕ್ಷಕರಿಗೆ ತುಂಬ ಇಷ್ಟ. ಚುಕ್ಕಿ ನಿಜವಾದ ಹೆಸರು ಚಂದನಾ ಅನಂತಕೃಷ್ಣ.
ಖಾಸಗಿ ವಾಹಿನಿಯೊಂದರಲ್ಲಿ ಪ್ರಸಾರವಾಗುತ್ತಿದ್ದ ‘ರಾಜಾ ರಾಣಿ’ ಧಾರಾವಾಹಿಯ ಕೊನೆಯ ಎಪಿಸೋಡ್ ಅಕ್ಟೋಬರ್ 12ರಂದು ಅಂತ್ಯವಾಗಿದೆ. ಈ ಧಾರಾವಾಹಿಯಲ್ಲಿ ತಾರಕ್ ಪೊನ್ನಪ್ಪ ಮತ್ತು ಚಂದನಾ, ಶಶಿ ಹೆಗಡೆ, ಶಿಲ್ಪಾ ಶೆಟ್ಟಿ, ಮಂಜು ಭಾಷಿಣಿ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದರು. ಕಥೆ ಮುಗಿಯಿತು ಎಂಬ ಕಾರಣಕ್ಕೆ ಈ ಧಾರಾವಾಹಿ ಮುಕ್ತಾಯವಾಯಿತು.
ಚಂದನಾ ತುಂಬ ಒಳ್ಳೆಯ ಡಾನ್ಸರ್, ಸಿಂಗರ್ ಕೂಡ. ಧಾರಾವಾಹಿಯ ಕೆಲ ಎಪಿಸೋಡ್‌ಗಳಲ್ಲಿ ಹಾಡಿದ್ದರು. ಅದು ಜನರ ಮನಸ್ಸನ್ನು ಗೆದ್ದಿತ್ತು. ಚುಕ್ಕಿ ಪಾತ್ರಧಾರಿ ಚಂದನಾರಿಗೆ ಸಾಕಷ್ಟು ಅಭಿಮಾನಿಗಳಿದ್ದು, ಇನ್ಸ್ಟಾಗ್ರಾಮ್, ಫೇಸ್‌ಬುಕ್‌ನಲ್ಲಿ ಸಾಕಷ್ಟು ಫ್ಯಾನ್ಸ್‌ಪೇಜ್‌ಗಳಿವೆ.
Comments are closed.