ಬಾಲಿವುಡ್ ನಟ ಅಮಿತಾಭ್ ಬಚ್ಚನ್ ತುಂಬಾನೇ ಸೋಷಿಯಲ್ ಆಗಿದ್ದಾರೆ. ಅನೇಕ ಕಾರ್ಯಕ್ರಮಗಳಲ್ಲಿ ಹಾಗೂ ಅಭಿಮಾನಿಗಳ ಜತೆ ಆರಂಭಿಕ ದಿನಗಳ ನೆನಪುಗಳನ್ನು ಅವರು ಹಂಚಿಕೊಂಡಿದ್ದಿದೆ. ಈಗ ‘ಕೌನ್ ಬನೇಗಾ ಕರೋಡ್ಪತಿ’ ಕಾರ್ಯಕ್ರಮದಲ್ಲಿ ಅಮಿತಾಭ್ ಕಾಲೇಜು ದಿನಗಳನ್ನು ಮೆಲುಕು ಹಾಕಿದ್ದಾರೆ.
ಇಲ್ಲೊಂದು ಅಚ್ಚರಿಯ ವಿಚಾರವಿದೆ. ಅದೇನೆಂದರೆ ಅಮಿತಾಭ್ ಕಾಲೇಜ್ಗೆ ತೆರಳುವ ಬಸ್ನಲ್ಲಿ ಸುಂದರ ಹುಡುಗಿಯರು ಪ್ರಯಾಣ ಮಾಡುತ್ತಿದ್ದರಂತೆ. ಅವರನ್ನು ಹಿಂಬಾಲಿಸುವುದೇ ಅಮಿತಾಭ್ ಕಾಯಕವಾಗಿತ್ತಂತೆ! ವಿಶೇಷ ಎಂದರೆ ಅನೇಕ ಬಾರಿ ಸುಂದರ ಯುವತಿಯರನ್ನು ನೋಡಲೆಂದೇ ಬಸ್ ಏರುತ್ತಿದ್ದರಂತೆ ಅಮಿತಾಭ್.
ನಾನು ನಿತ್ಯ ಕಾಲೇಜ್ಗೆ ತೆರಳಲು ಬಸ್ ಏರುತ್ತಿದ್ದೆ. ವಿಶೇಷ ಎಂದರೆ, ಕೆಲ ಬಸ್ಸ್ಟಾಪ್ಗಳಲ್ಲಿ ಸುಂದರ ಯುವತಿಯರು ಬಸ್ ಏರುತ್ತಿದ್ದರು. ಕೆಲ ಬಸ್ ಸ್ಟಾಪ್ಗಳಲ್ಲಿ ಬಸ್ಗಿಂತ ಹೆಚ್ಚು ಹುಡುಗಿಯರಿಗಾಗಿ ಕಾಯುತ್ತಿದ್ದುದೇ ಹೆಚ್ಚು,” ಎಂದಿದ್ದಾರೆ ಅಮಿತಾಭ್.
ಪದವಿ ಮುಗಿದ ನಂತರ ಅದೇ ಬಸ್ನಲ್ಲಿ ಓಡಾಡಿದ್ದರು ಅಮಿತಾಭ್. ಈ ವೇಳೆ ಕಾಲೇಜು ದಿನಗಳಲ್ಲಿ ಇವರು ಸಂಚಾರ ಮಾಡುತ್ತಿದ್ದ ಬಸ್ನಲ್ಲೇ ಓಡಾಡುತ್ತಿದ್ದ ಯುವತಿಯೊಬ್ಬಳ ಭೇಟಿ ಆಗಿತ್ತು. ಈವೇಳೆ ಅವಳು ಕಾಲೇಜು ದಿನಗಳಲ್ಲಿ ಅಮಿತಾಭ್ ಮೇಲೆ ಕ್ರಶ್ ಇದ್ದ ವಿಚಾರವನ್ನು ಹೇಳಿಕೊಂಡಿದ್ದಳಂತೆ. ಈ ವಿಚಾರ ಅಮಿತಾಭ್ ಖುಷಿಯನ್ನು ಹೆಚ್ಚಿಸಿತ್ತು. ಈ ಬಗ್ಗೆ ಅಮಿತಾಭ್ ಹೇಳಿಕೊಂಡಿದ್ದಾರೆ.
Comments are closed.