ಮಳೆ ನಿಂತ್ರೂ ಹನಿ ನಿಂತಿಲ್ಲ ಅಂತಾರಲ್ಲ, ಹಂಗೆ ಸ್ಯಾಂಡಲ್ವುಡ್ ಗೇಮ್ ಚೇಂಜರ್ ಕೆಜಿಎಫ್ ಸದ್ದು ಇನ್ನು ಕಮ್ಮಿಯಾಗಿಲ್ಲ. ಈ ಬಾರಿ ಸೈಮಾ ಅವಾರ್ಡ್ಸ್ನಲ್ಲೂ ಕೆಜಿಎಫ್ ಚಿತ್ರದ್ದೇ ಸಿಂಹಪಾಲು. ಇನ್ನು ಸೈಮಾದಲ್ಲಿ ಯಶ್ಗೆ ಏನೆಲ್ಲಾ ಸರ್ಪ್ರೈಸ್ ಕಾದಿತ್ತು..? ಏನದು ಯಶ್ ಔಟ್ ಆಗಿ, ವಿಜಯ್ ದೇವರಕೊಂಡ ಇನ್ ಆದ ಸ್ಟೋರಿ..? ಇಲ್ಲಿದೆ ನೋಡಿ ಡೀಟೈಲ್ಡ್ ರಿಪೋರ್ಟ್.
ಒಂದು ಸಿನಿಮಾದಿಂದ ಒಬ್ಬ ನಟ, ಹೊರ ಬರೋದು, ಮತ್ತೊಬ್ಬ ನಟ ಆ ಪಾತ್ರವನ್ನ ಮಾಡೋದು ಇದೆಲ್ಲಾ ಮಾಮೂಲು. ಆದ್ರೆ ಎಷ್ಟೋ ಸಲ ಅದು ಸುದ್ದಿಯಾಗೋದಿಲ್ಲ. ಇದೀಗ ಯಶ್ ಜಾಗಕ್ಕೆ ವಿಜಯ್ ದೇವರಕೊಂಡ ಆಗಮನವಾಗಿದೆ. ಹಾಗಂತ ಯಶ್ ಹೊರ ಬಂದಿದ್ದಾರೆ ಅಂತಲ್ಲ.
ಇಸ್ಮಾರ್ಟ್ ಶಂಕರ್ ಸಿನಿಮಾ ಬ್ಲಾಕ್ ಬಸ್ಟರ್ ಹಿಟ್ ನಂತ್ರ ಪೂರಿ ಜಗನ್ನಾಥ್, ಜನಗಣಮನ ಚಿತ್ರ ಕೈಗೆತ್ತಿಕೊಳ್ಳೊ ಸುದ್ದಿ ಹೊರಬಂದಿತ್ತು. ಇದು ಅವ್ರ ಡ್ರೀಮ್ ಪ್ರಾಜೆಕ್ಟ್. ಈ ಹಿಂದೆ ಮಹೇಶ್ ಬಾಬು ಮತ್ತು ಪೂರಿ ಕಾಂಬಿನೇಷನ್ನಲ್ಲಿ ಈ ಸಿನಿಮಾ ಬರತ್ತೆ ಅನ್ನಲಾಗಿತ್ತು. ಬಟ್ ಅದು ನಿಜವಾಗ್ಲೇಯಿಲ್ಲ. ಇತ್ತೀಚೆಗೆ ಅದೇ ಚಿತ್ರದಲ್ಲಿ ರಾಕಿಂಗ್ ಸ್ಟಾರ್ ಯಶ್ ಹೀರೋ ಆಗಿ ನಟಿಸ್ತಾರೆ. ಈ ಬಗ್ಗೆ ಈಗಾಗಲೇ ಇಬ್ಬರೂ ಮಾತುಕತೆ ನಡೆಸಿದ್ದಾರೆ ಅಂತೆಲ್ಲಾ ಸುದ್ದಿಯಾಯ್ತು. ಕೆಜಿಎಫ್-2 ನಂತ್ರ ಯಶ್-ಪೂರಿ ಜನಗಣಮನ ಹಾಡ್ತಾರೆ ಅಂತ್ಲೇ ಎಲ್ಲಾ ಅಂದುಕೊಂಡಿದ್ರು.
ಜನಗಣಮನ ಚಿತ್ರಕ್ಕಿಂತ ಮೊದ್ಲು ಪೂರಿ ಜಗನ್ನಾಥ್ ಹೊಸ ಸಿನಿಮಾ ಅನೌನ್ಸ್ ಮಾಡಿದ್ದಾರೆ. ಹಾಗಂತ ಜನಗಣಮನ ಸಿನಿಮಾ ನಿಂತಿಲ್ಲ. ಪೂರಿ ಹೊಸ ಚಿತ್ರದಲ್ಲಿ ವಿಜಯ್ ದೇವರಕೊಂಡ ನಟಿಸ್ತಿದ್ದಾರೆ. ಹಾಗಾಗಿ ಪೂರಿ ನೆಕ್ಸ್ಟ್ ಸಿನಿಮಾ ಹೀರೋ ಯಶ್ ಅಲ್ಲ, ಬದಲಿಗೆ ರೌಡಿ ವಿಜಯ್ ದೇವರಕೊಂಡ. ಕೆಜಿಎಫ್-2 ಶೂಟಿಂಗ್ ಮುಗ್ದು, ಸಿನಿಮಾ ರಿಲೀಸ್ ಆಗೋಕ್ಕೆ ಸಾಕಷ್ಟು ಟೈಂ ಇದೆ. ಅಲ್ಲಿವರೆಗೂ ಯಶ್ ಹೊಸ ಸಿನಿಮಾ ಒಪ್ಪಿಕೊಳ್ಳಲ್ಲ. ಈ ಗ್ಯಾಪ್ನಲ್ಲೇ ಟಾಲಿವುಡ್ ಸ್ಟಾರ್ ಡೈರೆಕ್ಟರ್ ಒಂದು ಸಿನಿಮಾ ಮಾಡಿ ಮುಗಿಸೋ ಲೆಕ್ಕಚಾರದಲ್ಲಿದ್ದಾರೆ ಅಷ್ಟೆ.
ಬಾಕ್ಸಾಫೀಸ್ ಮಾತ್ರವಲ್ಲ, ನ್ಯಾಷನಲ್ ಅವಾರ್ಡ್ಸ್, ಸೈಮಾ ಅವಾರ್ಡ್ ಎಲ್ಲೆಲ್ಲೂ ಕೆಜಿಎಫ್ ಹವಾ ಜೋರಾಗಿದೆ. ಕತಾರ್ನಲ್ಲಿ ನಡೆದ ಸೌತ್ ಇಂಡಿಯನ್ ಇಂಟರ್ನ್ಯಾಷನಲ್ ಮೂವಿ ಅವಾರ್ಡ್ಸ್ ಕಾರ್ಯಕ್ರಮದಲ್ಲಿ ಕೆಜಿಎಫ್ ಟೀಂ ವಿವಿಧ ವಿಭಾಗಗಳಲ್ಲಿ ಪ್ರಶಸ್ತಿ ಪಡೆದುಕೊಂಡಿದೆ. ಕನ್ನಡದಲ್ಲಿ ಅತ್ಯುತ್ತಮ ನಟನಾಗಿ ಯಶ್, ಅತ್ಯುತ್ತಮ ನಿರ್ದೇಶಕರಾಗಿ ಪ್ರಶಾಂತ್ ನೀಲ್, ಅತ್ಯುತ್ತಮ ಪೋಷಕ ನಟಿಯಾಗಿ ಅರ್ಚನಾ ಜೋಯಿಸ್, ಅತ್ಯುತ್ತಮ ಛಾಯಾಗ್ರಾಹಕನಾಗಿ ಭುವನ್ ಗೌಡ ಹೀಗೆ ಅತಿ ಹೆಚ್ಚು ಪ್ರಶಸ್ತಿಗಳು ಕೆಜಿಎಫ್ ಚಿತ್ರತಂಡದ ಪಾಲಾಗಿದೆ.
ಸೈಮಾ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮಕ್ಕೆ ತೆರಳಿದ್ದ ಯಶ್ಗೆ ಸರ್ಪ್ರೈಸ್ಗಳು ಕಾದಿತ್ತು. ಕಾರ್ಯಕ್ರಮಕ್ಕೆ ತೆರಳಿದ್ದ ಯಶ್ ಅವ್ರನ್ನ ಸೈಮಾ ಮತ್ತು ಡಬ್ಲೂ ದೋಹಾ ಹೋಟೆಲ್ ಸಿಬ್ಬಂದಿ ವಿಶೇಷವಾಗಿ ಸ್ವಾಗತಿಸಿದ್ರು. ಕಾದಿರಿಸಿದ್ದ ಹೋಟೆಲ್ ಕೋಣೆಯಲ್ಲಿ ಯಶ್, ಮಡದಿ ಮತ್ತು ಮಗಳ ಜೊತೆಗಿರೋ ಫೋಟೋಗಳನ್ನ ಕೋಣೆಯಲ್ಲಿ ಅಂಟಿಸಲಾಗಿತ್ತು. ಇದನ್ನ ನೋಡಿ ಖುಷಿಯಾದ ಯಶ್ ಫೋಟೋ ಸಮೇತ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಹೀಗೆ ಎಲ್ಲೆಲ್ಲೂ ರಾಕಿ ಭಾಯ್ ಹವಾ ಜೋರಾಗಿದೆ.
ಮತ್ತೊಂದು ಸರ್ಪ್ರೈಸ್ ಅಂದ್ರೆ, ಕೆಜಿಎಫ್ ಚಿತ್ರದ ಅಭಿನಯಕ್ಕಾಗಿ ಅತ್ಯುತ್ತಮ ನಟ ಪ್ರಶಸ್ತಿ ಮಾತ್ರವಲ್ಲ, ಮತ್ತೊಂದು ಪ್ರಶಸ್ತಿ ಯಶ್ಗೆ ಸಿಕ್ಕಿದೆ. ಸೌತ್ ಸೂಪರ್ ಸ್ಟಾರ್ಗಳನ್ನೆಲ್ಲಾ ಹಿಂದಿಕ್ಕಿ ರಾಕಿಂಗ್ ಸ್ಟಾರ್, ಸೈಮಾ ಬೆಸ್ಟ್ ಸ್ಟೈಲ್ ಐಕಾನ್ ಆಫ್ ದಿ ಇಯರ್ ಅವಾರ್ಡ್ ಪಡ್ಕೊಂಡಿದ್ದಾರೆ. ಇನ್ನು ಚಿರಂಜೀವಿ ಅವರಿಂದ ಪ್ರಶಸ್ತಿ ಸ್ವೀಕರಿಸಿದ್ದು, ಮತ್ತೊಂದು ವಿಶೇಷ. ಹೀಗೆ ಈ ಬಾರಿ ಸೈಮಾ, ಯಶ್ಗೆ ಸರ್ಪ್ರೈಸ್ಗಳ ಗುಚ್ಚ ಅನ್ಬೋದು.
Comments are closed.