ರಾಕಿ ಭಾಯ್ ಸದ್ದಿಲ್ಲದೆ ಸೈಲೆಂಟ್ ಆಗಿ ಕೆಜಿಎಫ್ ಚಾಪ್ಟರ್ 2 ಶೂಟಿಂಗ್ ಅಖಾಡಕ್ಕೆ ಇಳಿದೇ ಬಿಟ್ಟಿದ್ದಾರೆ. ಇಷ್ಟಕ್ಕೂ ಕೆಜಿಎಫ್ ಶೂಟಿಂಗ್ ಎಲ್ಲಿ ನಡೀತಿದೆ..? ಯಾರೆಲ್ಲಾ ಬಣ್ಣ ಹಚ್ಚಿದ್ದಾರೆ..? ಅದ್ರ ವಿಶೇಷತೆಗಳೇನು ಅಂತೀರಾ..? ಇಲ್ಲಿದೆ ನೋಡಿ ಪೂರ್ತಿ ಡಿಟೇಲ್ಸ್..
ಜಗಮೆಚ್ಚಿದ ಕೆಜಿಎಫ್ ಸೀಕ್ವೆಲ್ನ ಶೂಟಿಂಗ್ ಶುರುವಾಗಿರೋದು ಎಲ್ರಿಗೂ ಗೊತ್ತೇಯಿದೆ. ಆದ್ರೆ ರಾಕಿಂಗ್ ಸ್ಟಾರ್ ಯಶ್ ಶೂಟಿಂಗ್ ಅಖಾಡಕ್ಕಿಳಿದಿರೋದು ಯಾರಿಗೂ ಗೊತ್ತಿಲ್ಲ. ಸದ್ದಿಲ್ಲದೆ ಸೈಲೆಂಟ್ ಆಗಿ ಜೂನ್ 11ರಿಂದಲೇ ಯಶ್ ರಾಕಿಭಾಯ್ ಪಾತ್ರದ ಒಳಹೊಕ್ಕಿದ್ದಾರೆ. ಅದೂ ಅರಮನೆ ನಗರಿ ಮೈಸೂರಿನ್ಲಲಿರೋ ಲಲಿತಮಹಲ್ನಲ್ಲಿ ಅನ್ನೋದು ವಿಶೇಷ.
ಕೆಜಿಎಫ್ ಚಾಪ್ಟರ್ 2 ಶೂಟಿಂಗ್ ಸದ್ಯ ಲಲಿತಮಹಲ್ನಲ್ಲಿ ನಡೆಯುತ್ತಿದ್ದು, ಈಗಾಗ್ಲೇ ಯಶ್ ಹೊರತುಪಡಿಸಿ ಒಂದಷ್ಟು ವಿಲನ್ಗಳ ಟಾಕಿ ಪೋರ್ಷನ್ ಅಲ್ಲಿಯೇ ಚಿತ್ರಿಸಲಾಗ್ತಿತ್ತು. ಅದಕ್ಕೀಗ ಯಶ್ ಕೂಡ ಕಾಲಿಟ್ಟಿದ್ದು, ಚಿತ್ರದಲ್ಲಿ ಅದು ನಾಯಕಿ ರೀನಾ ಅಲಿಯಾಸ್ ಶ್ರೀನಿಧಿ ಶೆಟ್ಟಿಯ ಬಂಗಲೆ ಆಗಿರಲಿದೆ. ಈ ಹಿಂದೆಯೇ ಅದ್ರ ದೃಶ್ಯಗಳು ಮೊದಲ ಭಾಗದಲ್ಲಿ ಕಾಣಸಿಕ್ಕಿತ್ತು.
ಅಂದಹಾಗೆ ಕೆಜಿಎಫ್ನಲ್ಲಿ ಸಿನಿಮಾಗಾಗಿ ಬೃಹತ್ ಸೆಟ್ಗಳು ನಿರ್ಮಾಣದ ಹಂತದಲ್ಲಿದ್ದು, ಅಲ್ಲಿಗೆ ಚಿತ್ರತಂಡ ಶಿಫ್ಟ್ ಆಗಲು ಇನ್ನೂ ಒಂದು ತಿಂಗಳು ಹಿಡಿಯಲಿದೆ ಎನ್ನಲಾಗಿದೆ. ಹಾಗಾಗಿ ಲಲಿತಮಹಲ್ ನಂತ್ರ ಕೆಜಿಎಫ್ 2 ಶೂಟಿಂಗ್ ಬೆಂಗಳೂರಿನಲ್ಲೂ ಒಂದಷ್ಟು ಭಾಗ ಚಿತ್ರಿತಗೊಳ್ಳಲಿದೆ. ಪ್ರಶಾಂತ್ ನೀಲ್, ಎಂದಿನಂತೆ ಭುವನ್, ಯೋಗಿ, ಶಿವು, ರವಿ ಬಸ್ರೂರು ಟೀಂ ಕಟ್ಟಿಕೊಂಡು ಹಗಲಿರುಳು ಶೂಟಿಂಗ್ ಮಾಡ್ತಿರೋದು ವಿಶೇಷ.
Comments are closed.