ಮನೋರಂಜನೆ

ಸೆಕ್ಯುರಿಟಿ ಕೆನ್ನೆಗೆ ಹೊಡೆದ ಸಲ್ಮಾನ್ ಖಾನ್! ಕಾರಣ ಏನು ಗೊತ್ತೇ…?

Pinterest LinkedIn Tumblr

ಬಾಲಿವುಡ್ ಸ್ಟಾರ್ ನಟ ಸಲ್ಮಾನ್ ಖಾನ್ ನಾಯಕತ್ವದ ‘ಭಾರತ್’ ಸಿನಿಮಾ ಇಂದು ಜಗತ್ತಿನಾದ್ಯಂತ ಬಿಡುಗಡೆಯಾಗಿದೆ. ಈ ಚಿತ್ರವು ಭಾರಿ ನಿರೀಕ್ಷೆ ಮೂಡಿಸಿರುವ ಸಿನಿಮಾ. ಈ ಚಿತ್ರದ ಪೂರ್ವಭಾವಿ ಪ್ರದರ್ಶನ ನಿನ್ನೆ (Jun 4, 2019) ರಂದು ಮುಂಬೈನಲ್ಲಿ ಏರ್ಪಟ್ಟಿತ್ತು. ಅದರಲ್ಲಿ ಸಹಜವಾಗಿಯೇ ಸಾಕಷ್ಟು ಸಂಖ್ಯೆಯ ಸೆಲೆಬ್ರೆಟಿಗಳು ಭಾಗಿಯಾಗಿದ್ದರು.

ಅಲ್ಲಿ ಅನಿರೀಕ್ಷಿತವಾಗಿ ಬಂದಿದ್ದ ಹಲವು ಸಲ್ಮಾನ್ ಅಭಿಮಾನಿಗಳು ಅವರನ್ನು ಮುತ್ತಿಕೊಳ್ಳಲು ಪ್ರಯತ್ನಿಸಿದ್ದಾರೆ. ಅವರಲ್ಲಿ ಇದ್ದ ಒಂದು ಮಗುವನ್ನು ಕಂಟ್ರೋಲ್ ಮಾಡುವ ಭರದಲ್ಲಿ ಅಲ್ಲಿದ್ದ ಸೆಕ್ಯುರಿಟಿ ಮಿಸ್ ಬಿಹೇವ್ ಮಾಡಿದ್ದಾರೆ. ಅದರಿಂದ ಕೋಪಗೊಂಡ ಸಲ್ಮಾನ್ ಖಾನ್ ಅವರು ಸೆಕ್ಯುರಿಟಿ ಕೆನ್ನೆಗೊಂದು ಭಾರಿಸಿದ್ದಾರೆ. ಆ ವಿಡಿಯೋವೀಗ ಸೋಷಿಯಲ್ ಮೀಡಿಯಾಗಳ ಮೂಲಕ ಭಾರೀ ಎನ್ನುವಷ್ಟು ವೈರಲ್ ಆಗಿದೆ.

ಈ ಪ್ರೀಮಿಯರ್ ಶೋದಲ್ಲಿ ನಟ, ಭಾರತ್ ಚಿತ್ರದ ನಾಯಕ ಸಲ್ಮಾನ್ ಖಾನ್ ಅವರ ಭಾರೀ ಎನ್ನುವಷ್ಟು ಸಂಖ್ಯೆಯ ಅಭಿಮಾನಿಗಳು ಜಮಾಯಿಸಿದ್ದರು. ಅದಾಗಲೇ ಭಾರತ್ ಚಿತ್ರದ ಬಗ್ಗೆ ನಿರೀಕ್ಷೆ ಮುಗಿಲುಮುಟ್ಟಿತ್ತು. ಸಹಜವಾಗಿಯೇ ಚಿತ್ರದ ನಾಯಕ ಸಲ್ಮಾನ್ ಖಾನ್ ಅವರ ಸುತ್ತ ಸಾಕಷ್ಟು ಸಂಖ್ಯೆಯಲ್ಲಿ ಜನರು ಜಮಾಯಿಸಿದ್ದರು. ಅಭಿಮಾನಿಗಳನ್ನು ಕಂಟ್ರೋಲ್ ಮಾಡುವುದು ಹರಸಾಹಸ ಎಂಬುದು ಎಲ್ಲರಿಗೂ ಗೊತ್ತು. ಆದರೆ, ಅಭಿಮಾನಿಗಳ ಜೊತೆ ಕೆಟ್ಟದಾಗಿ ನಡೆದುಕೊಂಡರೆ ಸಹಿಸುವುದಾದರೂ ಹೇಗೆ ಎಂಬುದು ಸಲ್ಮಾನ್ ಖಾನ್ ಅನಿಸಿಕೆ ಎನ್ನಬಹುದೇನೋ!

ಆದರೆ, ಕೂಲ್ ಆಗಿ ಹ್ಯಾಂಡಲ್‌ ಮಾಡಬಹುದಾದ ಸನ್ನಿವೇಶದಲ್ಲಿ ಕೋಪಗೊಂಡು ರಿಯಾಕ್ಟ್‌ ಮಾಡುವ ಅಭ್ಯಾಸ ನಟ ಸಲ್ಮಾನ್ ಖಾನ್ ಅವರಿಗಿದೆ ಎಂಬುದು ಹಲವು ಸನ್ನಿವೇಶಗಳಲ್ಲಿ ಸಾಕ್ಷಿ ಸಮೇತ ಸಾಬೀತಾಗಿದೆ ಎನ್ನುತ್ತಾರೆ ಹಲವರು. ಏಕೆಂದರೆ, ಇಂತಹ ಹಲವು ಸನ್ನಿವೇಶಗಳು, ಘಟನೆಗಳು ನಡೆದ ಮೇಲೆಯೇ ಸಲ್ಲುಗೆ ಬಾಲಿವುಡ್ ‘ಬ್ಯಾಡ್ ಬಾಯ್’ ಪಟ್ಟ ಕಟ್ಟಿರುವುದು ಎನ್ನಲಾಗುತ್ತಿದೆ. ಅದೇನೇ ಇದ್ದರೂ ಅಭಿಮಾನಿಗಳಿಗೆ ಮರ್ಯಾದೆ ಕೊಡುವ ಸಲ್ಮಾನ್ ಗುಣವನ್ನು ಕೊಂಡಾಡುವವರೂ ಇದ್ದಾರೆ.

Comments are closed.