ಮುಂಬೈ: ಬಾಲಿವುಡ್‍ನಲ್ಲಿ ‘ಸ್ಟುಡೆಂಟ್ ಆಫ್ ದಿ ಇಯರ್- 2’ ಚಿತ್ರದ ಮೂಲಕ ಎಂಟ್ರಿ ಕೊಟ್ಟಿರುವ ನಟಿ ಅನನ್ಯ ಪಾಂಡೆ ನಟ ಟೈಗರ್ ಶ್ರಾಫ್ ಒಳ್ಳೆಯ ಕಿಸ್ಸರ್ ಎಂಬ ಹೇಳಿಕೆಯನ್ನು ನೀಡಿ ಎಲ್ಲರಿಗೂ ಅಚ್ಚರಿ ಮೂಡಿಸಿದ್ದಾರೆ.
ಇತ್ತೀಚೆಗೆ ಟೈಗರ್ ಶ್ರಾಫ್, ನಟಿಯರಾದ ಅನನ್ಯ ಪಾಂಡೆ ಹಾಗೂ ತಾರಾ ರೇಡಿಯೋ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಈ ವೇಳೆ ರೆಡಿಯೋ ಜಾಕಿ ನೀವು ಯಾವುದರಲ್ಲಿ ಬೆಸ್ಟ್ ಎಂದು ಟೈಗರ್ ಗೆ ಪ್ರಶ್ನಿಸಿದ್ದಾರೆ. ಈ ವೇಳೆ ಟೈಗರ್ ನಾನು ಯಾವುದರಲ್ಲಿ ಬೆಸ್ಟ್ ಇದ್ದೀನಿ ಎಂಬುದು ನನಗೆ ಗೊತ್ತಿಲ್ಲ ಎಂದು ಹೇಳಿದ್ದರು. ಆಗ ನಟಿ ಅನನ್ಯ ಪಾಂಡೆ, ಟೈಗರ್ ಕಿಸ್ ಮಾಡುವುದರಲ್ಲಿ ಬೆಸ್ಟ್ ಎಂದು ಹೇಳಿದ್ದಾರೆ.
ಈ ಚಿತ್ರದಲ್ಲಿ ಟೈಗರ್, ನಟಿ ಅನನ್ಯ ಹಾಗೂ ತಾರಾ ಜೊತೆ ಕಿಸ್ಸಿಂಗ್ ಸೀನ್ ಮಾಡಿದ್ದಾರೆ. ಕಾರ್ಯಕ್ರಮದಲ್ಲಿ ಕಿಸ್ಸಿಂಗ್ ಸೀನ್ ಬಗ್ಗೆ ಅನನ್ಯ ಅವರ ಅನುಭವವನ್ನು ಕೇಳಿದ್ದರು. ಆಗ ಅನನ್ಯ ‘ಇದು ನನ್ನ ಮೊದಲನೇ ಕಿಸ್. ನಾನು ಇದುವರೆಗೂ ಯಾರನ್ನು ಕಿಸ್ ಮಾಡಿಲ್ಲ. ಹಾಗಾಗಿ ನಾನು ಟೈಗರ್ ಅವರನ್ನು ಬೇರೆ ಯಾರಿಗೂ ಹೋಲಿಕೆ ಮಾಡಲು ಆಗುವುದಿಲ್ಲ. ನನ್ನ ಫಸ್ಟ್ ಕಿಸ್ ಬೆಸ್ಟ್ ಆಗಿತ್ತು ಎಂದು ಅನನ್ಯ ತಿಳಿಸಿದ್ದಾರೆ.
ಖ್ಯಾತ ನಿರ್ದೇಶಕ ಕರಣ್ ಜೋಹರ್ ಅವರ ಧರ್ಮ ಪ್ರೊಡಕ್ಷನ್ ಮೂಲಕ ಪುನೀತ್ ಮಲ್ಹೋತ್ರ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಈ ಚಿತ್ರ ಇದೇ ತಿಂಗಳು ಮೇ 10ರಂದು ಬಿಡುಗಡೆ ಆಗಲಿದ್ದು, ಸದ್ಯ ಚಿತ್ರತಂಡ ಪ್ರಚಾರದಲ್ಲಿ ಬ್ಯುಸಿಯಾಗಿದ್ದಾರೆ.
Comments are closed.