ಮನೋರಂಜನೆ

ಅಪರೂಪದ ಫೋಟೋ ಹಂಚಿಕೊಂಡ ಬಿಗ್​ಬಿ

Pinterest LinkedIn Tumblr


ಕೆಲವು ಹಳೆಯ ಫೋಟೋಗಳು ಕಳೆದ ದಿನಗಳನ್ನು ಮತ್ತೆ ನೆನಪಿಸುವಂತೆ ಮಾಡುತ್ತವೆ. ಅವು ಕೇವಲ ಫೋಟೋ ಆಗಿರುವುದಿಲ್ಲ. ಅದರೊಂದಿಗೆ ಆ ಕಾಲದ ಘಟನೆಗಳೂ ತಳುಕುಹಾಕಿಕೊಂಡಿರುತ್ತದೆ. ಅದರಲ್ಲೂ ಸಿನಿಮಾರಂಗದ ದಿಗ್ಗಜರ ಹಳೆಯ ಫೋಟೋಗಳನ್ನು ನೋಡುವುದೇ ಒಂದು ರೀತಿಯ ಖುಷಿ.

ಅಂಥದ್ದೊಂದು ಅಪರೂಪದ ಫೋಟೋವನ್ನು ಬಿಗ್​ಬಿ ಅಮಿತಾಭ್​ ಬಚ್ಚನ್​ ತಮ್ಮ ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಯಾರೂ ನೋಡಿರಲು ಸಾಧ್ಯವಿಲ್ಲದ ಅಪರೂಪದ ಫೋಟೋ ಇದಾಗಿದ್ದು, ಅಮಿತಾಭ್​ ಬಚ್ಚನ್​ ಜೊತೆಗೆ ಬಾಲಿವುಡ್​ ಸ್ಟಾರ್​ಗಳಾದ ಸಲ್ಮಾನ್​ ಖಾನ್​, ಆಮೀರ್​ ಖಾನ್​ ಮತ್ತು ಶ್ರೀದೇವಿ ಇರುವ ಈ ಫೋಟೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಅಮಿತಾಭ್​ ಬಚ್ಚನ್​ ಸಾಮಾಜಿಕ ಜಾಲತಾಣದಲ್ಲಿ ಬಹಳ ಆ್ಯಕ್ಟೀವ್​ ಆಗಿದ್ದಾರೆಂದು ಪ್ರತ್ಯೇಕವಾಗಿ ಹೇಳಬೇಕಾಗಿಲ್ಲ. ಈಗಾಗಲೇ ಇನ್​ಸ್ಟಾಗ್ರಾಂನಲ್ಲಿ 1.14 ಕೋಟಿ ಫಾಲೋವರ್​ಗಳನ್ನು ಹೊಂದಿರುವ ಅಮಿತಾಭ್​ ಬಚ್ಚನ್​ ಒಂದು ಫೋಟೋ ಹಾಕಿದರೂ ಅದು ಲಕ್ಷಾಂತರ ಶೇರ್​ ಆಗುತ್ತದೆ.

ಲಂಡನ್​ನ ವೆಂಬ್ಲಿ ಸ್ಟೇಡಿಯಂನಲ್ಲಿ ಕಾರ್ಯಕ್ರಮವೊಂದಕ್ಕೆ ಆಮೀರ್​ ಖಾನ್​, ಸಲ್ಮಾನ್​ ಖಾನ್​, ಶ್ರೀದೇವಿ ಅವರನ್ನು ಕರೆದುಕೊಂಡು ಹೋಗಿದ್ದಾಗ ತೆಗೆದ ಬ್ಲಾಕ್​ ಆ್ಯಂಡ್​ ವೈಟ್​ ಫೋಟೋವೊಂದನ್ನು ಅಮಿತಾಭ್​ ಶೇರ್ ಮಾಡಿದ್ದಾರೆ. ಈ ಫೋಟೋದಲ್ಲಿನ ಸಲ್ಮಾನ್​ ಖಾನ್​ ಪೋಸ್​ಗೆ ಭಾರೀ ಮೆಚ್ಚುಗೆಯ ಕಾಮೆಂಟ್​ಗಳು ಬರುತ್ತಿವೆ. ಅಂದಹಾಗೆ. ಆ ಕಾನ್ಸರ್ಟ್​ ಆಮೀರ್​, ಸಲ್ಮಾನ್​, ಶ್ರೀದೇವಿಗೆ ಮೊದಲ ಕಾನ್ಸರ್ಟ್​ ಆಗಿತ್ತು ಎಂದು ಬರೆದುಕೊಂಡಿರುವ ಅಮಿತಾಭ್​, ಆ ಕಾರ್ಯಕ್ರಮದಲ್ಲಿ 70 ಸಾವಿರ ಜನರು ಸೇರಿದ್ದರು. ಅದೊಂದು ಐತಿಹಾಸಿಕ ಕಾರ್ಯಕ್ರಮವಾಗಿತ್ತು ಎಂದು ಬರೆದುಕೊಂಡಿದ್ದಾರೆ. ಈಗ ವೆಂಬ್ಲಿ ಸ್ಟೇಡಿಯಂ ಅನ್ನು ನವೀಕರಣಗೊಳಿಸಲಾಗಿದ್ದು, ಆಧುನಿಕ ತಂತ್ರಜ್ಞಾನವನ್ನು ಅಳವಡಿಸಲಾಗಿದೆ. ಇಲ್ಲಿ ಫುಟ್​ಬಾಲ್ ಪಂದ್ಯಾವಳಿಗಳು ನಡೆಯುತ್ತವೆ.

ಚಿತ್ರರಂಗದಲ್ಲಿ 50 ವರ್ಷಗಳನ್ನು ಪೂರೈಸಿರುವ ಅಮಿತಾಭ್​ ಬಚ್ಚನ್​ ಈ ಮೂವರು ನಟರೊಂದಿಗೂ ತೆರೆ ಹಂಚಿಕೊಂಡಿದ್ದಾರೆ ಎಂಬುದು ವಿಶೇಷ. ಶ್ರೀದೇವಿಯೊಂದಿಗೆ ಖುದಾ ಗವಾಹ್​, ಆಖ್ರೀ ರಸ್ತಾ, ಇನ್​ಕ್ವಿಲಾಬ್​, ಇಂಗ್ಲಿಷ್​ ವಿಂಗ್ಲಿಷ್​ ಸಿನಿಮಾಗಳಲ್ಲಿ ಬಿಗ್​ ಬಿ ನಟಿಸಿದ್ದಾರೆ. ಸಲ್ಮಾನ್​ ಖಾನ್​ ಜೊತೆಗೆ ಬಾಗ್​ಬನ್​, ಬಾಬುಲ್, ಗಾಡ್​ ತುಸ್ಸಿ ಗ್ರೇಟ್​ ಹೋ ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ. ಹಾಗೇ, ಆಮೀರ್​ ಖಾನ್​ ಜೊತೆಗೆ ಇತ್ತೀಚಿನ ಥಗ್ಸ್​ ಆಫ್​ ಹಿಂದುಸ್ತಾನ್​ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದಾರೆ.

Comments are closed.