ಕನ್ನಡ ಜನಪ್ರಿಯ ಶೋ ಕಿಚ್ಚ ಸುದೀಪ್ ನಡೆಸಿಕೊಡುವ ಬಿಗ್ಬಾಸ್ ಸೀಸನ್ 6 ಗ್ರಾಂಡ್ ಫಿನಾಲೆಗೆ ವೇದಿಕೆ ರೆಡಿ ಆಗಿದ್ದು, ನಾಳೆ ಅಂದ್ರೆ ಭಾನುವಾರ ದೊಡ್ಮನೆ ಆಟಕ್ಕೆ ತೆರೆ ಬೀಳಲಿದೆ.
ಈ ಬಾರಿಯ ಬಿಗ್ಬಾಸ್ ರಿಯಾಲಿಟಿ ಶೋ ಕಾರ್ಯಕ್ರಮದ ಟಾಪ್ 5 ಸ್ಪರ್ಧಿಗಳಲ್ಲಿ ರೇಡಿಯೋ ಜಾಕಿ ರ‍್ಯಾಪಿಡ್ ರಶ್ಮಿ ಹಾಗೂ ಆಂಡಿ ಬಿಗ್ಬಾಸ್ ಮನೆಯಿಂದ ಹೊರ ಬಿದ್ದಿದ್ದಾರೆ.
ಗ್ರಾಂಡ್ ಫಿನಾಲೆ ವೇಳೆಯೇ ಹೊರಬಿದ್ದಿರುವುದು ರಶ್ಮಿಗೆ ಮತ್ತು ಆಂಡಿ ನಿರಾಸೆ ಮೂಡಿಸಿದ್ದು, ಇಷ್ಟು ದಿನ ಬಿಗ್ಬಾಸ್ ಮನೆಯಲ್ಲಿ ತನ್ನ ನೇರ ಮಾತಿನ ಮೂಲಕ ರ‍್ಯಾಪಿಡ್ ರಶ್ಮಿ ಎಲ್ಲರನ್ನು ಸೆಳೆದಿದ್ದರು.
ಸಿಂಗರ್ ನವೀನ್ ಸಜ್ಜು, ನಟಿ ಕವಿತಾ, ಶಶಿ, ರ‍್ಯಾಪಿಡ್ ರಶ್ಮಿ ಮತ್ತು ಆಂಡಿ ಈ ಬಾರಿಯ ಬಿಗ್ಬಾಸ್ ಸೀಸನ್ 6 ಶೋನಲ್ಲಿ ಟಾಪ್ 5 ಸ್ಪರ್ಧಿಗಳಾಗಿದ್ದರು. ಈ ಪೈಕಿ ಇದೀಗ ರ‍್ಯಾಪಿಡ್ ರಶ್ಮಿ ಮತ್ತು ಆಂಡಿ ಹೊರ ಬಿದ್ದಿದ್ದಾರೆ.
ಇನ್ನುಳಿದ ಸ್ಪರ್ಧಿಗಳಾದ ನವೀನ್ ಸಜ್ಜು, ನಟಿ ಕವಿತಾ, ಶಶಿ ನಾಳೆ [ಭಾನುವಾರ] ನಡೆಯುವ ಗ್ರಾಂಡ್ ಫಿನಾಲೆಗೆ ಎಂಟ್ರಿ ಪಡೆದುಕೊಳ್ಳಲಿದ್ದು, ಇದರಲ್ಲಿ ಗೆದ್ದವರು 50 ಲಕ್ಷ ರೂಪಾಯಿ ಮತ್ತು ಆಕರ್ಷಕ ಟ್ರೋಫಿ ಮುಡಿಗೇರಿಸಿಕೊಳಲಿದ್ದಾರೆ.
Comments are closed.