ಶಾರುಖ್ಗೆ ಸಲ್ಮಾನ್ ಖಾನ್ ಜೊತೆ ನಟಿಸಬೇಕಂತೆ! ಇದಕ್ಕೆ ಅವಕಾಶ ಕಲ್ಪಿಸಿಕೊಡುವಂತೆ ಸಲ್ಮಾನ್ ಖಾನ್ ತಂದೆ ಸಲೀಮ್ ಖಾನ್ ಹಿಂದೆ ಬಿದ್ದಿದ್ದಾರೆ ಶಾರುಖ್! ಈ ಪ್ರಕರಣ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದು, ಬೆದರಿಕೆ ಹಾಕಿದ ಆರೋಪದ ಮೇಲೆ ಶಾರುಖ್ ಅರೆಸ್ಟ್ ಆಗಿದ್ದಾರೆ!
ನಿಜಕ್ಕೂ ಶಾರುಖ್ ಬಂಧನಕ್ಕೊಳಗಾದರಾ? ಅಸಲಿಗೆ ನಾವು ಹೇಳುತ್ತಿರುವುದು ಬಾಲಿವುಡ್ ಹೀರೋ ಶಾರುಖ್ ಕಥೆಯನ್ನಲ್ಲ. ಉತ್ತರ ಪ್ರದೇಶದ ಪ್ರಯಾಗ್ರಾಜ್ ಪ್ರದೇಶದ ಶಾರುಖ್ ಗುಲಾಮ್ ನಬಿಯ ಕಥೆ. ಈತನಿಗೆ ಸಲ್ಮಾನ್ ಜತೆ ನಟಿಸುವಾಸೆ. ಇದೇ ಕಾರಣಕ್ಕೆ ಅವನು ಸಿಕ್ಕ ಸಿಕ್ಕವರ ಕಾಲು ಹಿಡಿದಿದ್ದ. ಅವರಿಗೆ ವಿಪರೀತ ಕಿರಿಕಿರಿ ಉಂಟು ಮಾಡಿದ್ದ. ಈ ತಪ್ಪಿಗೆ ಈಗ ಜೈಲಿನಲ್ಲಿ ಕಂಬಿ ಎಣಿಸುತ್ತಿದ್ದಾನೆ.
ಸಲ್ಮಾನ್ ಖಾನ್ ಆಪ್ತ ಸಹಾಯಕ ಬಿಬಾಶ್ ಚಾಯಾ ಅವರ ದೂರವಾಣಿ ಸಂಖ್ಯೆಯನ್ನು ಹುಡುಕಿ ಕರೆ ಮಾಡಿ ಸಲ್ಲು ಜತೆ ನಟಿಸಲು ಒಂದು ಚಾನ್ಸ್ ನೀಡುವಂತೆ ಕೇಳಿದ್ದಾನೆ ಶಾರುಖ್. ಆದರೆ ಶಾರುಖ್ಗೆ ಸರಿಯಾದ ಪ್ರತಿಕ್ರಿಯೆ ಸಿಗಲಿಲ್ಲ. ಈ ವೇಳೆ ಆತ ಸಲ್ಲು ತಂದೆ ಸಲೀಮ್ ಖಾನ್ಗೆ ಕರೆ ಮಾಡಿದ್ದ. ಅಷ್ಟೇ ಅಲ್ಲ, ‘ನಾನು ಭೂಗತ ಪಾತಕಿ ಛೋಟಾ ಶಕೀಲ್ ಬಳಿ ಕೆಲಸ ಮಾಡುತ್ತೇನೆ. ಚಾನ್ಸ್ ನೀಡದೇ ಇದ್ದರೆ ಹುಶಾರ್ ಎಂದು’ ಬೆದರಿಕೆಯನ್ನೂ ಹಾಕಿದ್ದ.
ಈ ವಿಚಾರಕ್ಕೆ ಸಂಬಂಧಿಸಿದಂತೆ ಸಲ್ಲು ಪಿಎ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ದೂರಿನ ಆಧಾರದ ಮೇಲೆ ಪೊಲೀಸರು ಶಾರುಖ್ನನ್ನು ಬಂಧಿಸಿದ್ದಾರೆ. ಸದ್ಯ ಆತ ಪೊಲೀಸರ ವಶದಲ್ಲಿದ್ದು, ತನಿಖೆ ನಡೆಯುತ್ತಿದೆ.
Comments are closed.