ಬಿಗ್ ಬಾಸ್ ಮನೆಯಿಂದ ಈ ಬಾರಿ ಔಟ್ ಆದದ್ದು ಯಾರು ಗೊತ್ತೇ..?

ನೋಡು ನೋಡುತ್ತಿದ್ದಂತೆ ಬಿಗ್ ಬಾಸ್ ಆರನೇ ಆವೃತ್ತಿ ಮೂರು ವಾರ ಪೂರೈಸಿದ್ದು, ಈ ವಾರ ಬಿಗ್ ಬಾಸ್ ಮನೆಯಿಂದ ಸ್ನೇಹಾ ಹೊರ ನಡೆದಿದ್ದಾರೆ.

ಶನಿವಾರ ಎಲಿಮಿನೇಷನ್ ರೌಂಡ್ ಇರುವ ಕಾರಣ ಸಹಜವಾಗಿ ಬಿಗ್‌ ಬಾಸ್ ಮನೆಯಲ್ಲಿ ಒಂದು ರೀತಿ ಬಿಗುವಿನ ವಾತಾವರಣ ಆವರಿಸಿತ್ತು. ಬಿಸಿ ಬಿಸಿ ಚರ್ಚೆಗಳು ನಡೆದವು.

ಈ ವಾರ ಜಯಶ್ರೀ, ರಾಕೇಶ್, ಅಕ್ಷತಾ, ರಶ್ಮಿ, ಆಡಮ್ ಪಾಶಾ, ಸೋನು, ಮುರಳಿ, ಕವಿತಾ, ರವಿ, ಸ್ನೇಹಾ, ಆನಂದ ಅವರು ನಾಮಿನೇಟ್ ಆಗಿದ್ದರು. ಕಳೆದ ವಾರ ರೀಮಾ ಬಿಗ್ ಬಾಸ್ ಮನೆಯಿಂದ ಹೊರ ಹೋಗಿದ್ದರು.

ಪ್ರತಿ ವಾರದಂತೆ ಬಿಗ್‌ ಬಾಸ್ ಮನೆಗೆ ಆಗಮಿಸಿರುವ ಕಿಚ್ಚ ಸುದೀಪ್, ಉಭಯಕುಶಲೋಪರಿ ವಿಚಾರಿಸಿದರು. ಬಳಿಕ ಬಿಗ್‌ಬಾಸ್ ಮನೆಯಲ್ಲಿ ಎರಡು ಗುಂಪುಗಳಿರುವ ಬಗ್ಗೆ ಕೇಳಿ ತಿಳಿದುಕೊಂಡರು.

ಈ ಮೊದಲು ನಾಮಿನೇಟ್ ಆದವರ ಪೈಕಿ ರಾಕೇಶ್, ರವಿ ಹಾಗೂ ಕವಿತಾ ಸೇಫ್ ಎಂದು ಸುದೀಪ್ ಘೋಷಿಸುತ್ತಿದ್ದಂತೆ, ಮತ ನೀಡಿದ ಎಲ್ಲರಿಗೂ ಧನ್ಯವಾದಗಳು ಎಂದು ಸೇಫ್ ಜೋನ್ ಸೇರಿದ ಸ್ಪರ್ಧಿಗಳು ತಿಳಿಸಿದರು.

ರಾಕೇಶ್ ಹಾಗೂ ಅಕ್ಷತಾ ನಡುವಿನ ಕಲಹಕ್ಕೆ ಬ್ರೇಕ್ ಹಾಕಲು ಮುಂದಾದ ಸುದೀಪ್, ಕೆಲ ಸಲಹೆಗಳನ್ನು ನೀಡದರು. ಬಳಿಕ ಬಾಡಿ ಬಿಲ್ಡರ್ ರವಿ ಕಾಲೆಳೆಯಲು ಪ್ರಾರಂಭಿಸಿ, ‘ದೇಹಕ್ಕೆ ತಕ್ಕ ಧೈರ್ಯ’ ಎಂದು ಬಿರುದು ಕೊಟ್ಟರು. ಚಪಾತಿಗಾಗಿ ಧನರಾಜ್ ಮತ್ತು ಆಂಡ್ರಿ ನಡುವೆ ನಡೆದ ಗಲಾಟೆ ಬಗ್ಗೆ ವಿಚಾರಿಸಿದ ಸುದೀಪ್, ಇಬ್ಬರ ವಾದ ಪ್ರತಿವಾದವನ್ನು ಆಲಿಸಿದರು. ಬಳಿಕ ಇಬ್ಬರಿಗೂ ಬುದ್ದಿವಾದ ಹೇಳಿದರು.

ಬಳಿಕ ಆಡಮ್ ಪಾಶಾ, ಜಯಶ್ರೀ ಹಾಗೂ ಸೋನು ಸೇಫ್ ಜೋನ್ ಸೇರಿದರೆ, ಆನಂದ್ ಮನದಲ್ಲಿ ಆತಂಕ ಮೂಡಿತ್ತು. ‘ನನಗೆ ವೋಟ್ ಮಾಡಿರುವ ಎಲ್ಲರಿಗೂ ಧನ್ಯವಾದಗಳು’ ಎಂದು ಆಡಮ್ ತಮ್ಮ ಎಂದಿನ ಶೈಲಿಯಲ್ಲೇ ತಿಳಿಸಿದರು.

ರಶ್ಮಿ, ಮುರುಳಿ, ಅಕ್ಷತಾ ಸೇಫ್ ಜೋನ್ ಸೇರಿದರೆ, ಆನಂದ್ ಹಾಗೂ ಸ್ನೇಹ ನಡುವೆ ಸ್ಪರ್ಧೆ ಏರ್ಪಟು ಕುತೂಹಲ ಮೂಡಿಸಿತು. ಕೊನೆಗಳಿಗೆಯಲ್ಲಿ ಆನಂದ್ ಸೇಫ್ ಆದರೆ, ಸ್ನೇಹಾ ಮನೆಯಿಂದ ಹೊರ ನಡೆಯಬೇಕಾಯಿತು.