ಮುಂಬೈ: ನಟ ಸೈಫ್ ಅಲಿ ಖಾನ್ ಹಾಗೂ ನವಾಜುದ್ದೀನ್ ಸಿದ್ದೀಕಿ ನಟಿಸುತ್ತಿರುವ ವೆಬ್ ಸಿರೀಸ್ ‘ಸೇಕ್ರೆಡ್ ಗೇಮ್ಸ್’ನಲ್ಲಿ ನಟಿ ಕುಬ್ರಾ ಸೇಠ್ ರನ್ನು 7 ಬಾರಿ ನಗ್ನಗೊಳಿಸಿ ಚಿತ್ರಿಕರಿಸಿದ್ದಾರೆ.
ಸೇಕ್ರೆಡ್ ಗೇಮ್ಸ್ ನಲ್ಲಿ ಕುಬ್ರಾ ಮಂಗಳಮುಖಿ ಕ್ಯಾಬರೆ ಡ್ಯಾನ್ಸರ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ಕುಬ್ರಾ ನನ್ನನ್ನು 7 ಬಾರಿ ನಗ್ನಗೊಳಿಸಿ ಚಿತ್ರೀಕರಿಸಿದ್ದಾರೆ ಎಂದು ಸ್ವತಃ ನಟಿಯೇ ಹೇಳಿಕೊಂಡಿದ್ದಾರೆ.
ಚಿತ್ರದಲ್ಲಿ 7 ಬಾರಿ ನನ್ನನ್ನು ನಗ್ನಗೊಳಿಸಿ ಚಿತ್ರಕರಿಸಿದ ಮೇಲೆ ನಿರ್ದೇಶಕ ಅನುರಾಗ್ ಕಶ್ಯಪ್ ನನ್ನ ಬಳಿ ಕ್ಷಮೆ ಕೇಳಿದ್ದರು. ಪ್ರತಿ ಬಾರಿ ಆ ಸೀನ್ ಚಿತ್ರೀಕರಿಸಿದ ಮೇಲೆ ಅವರು ನನ್ನ ಬಳಿ ಬಂದು “ನಾನು ಈ ಸೀನ್ ಸಾಕಷ್ಟು ಸಲ ಮಾಡಿಸುತ್ತಿದ್ದೇನೆ. ನನ್ನನ್ನು ಕ್ಷಮಿಸು. ದಯವಿಟ್ಟು ನನ್ನನ್ನು ದ್ವೇಷಿಸಬೇಡ. ನನಗೆ ಗೊತ್ತು ನೀನು ದ್ವೇಷಿಸುತ್ತೀಯಾ ಎಂದು ಆದರೂ ದ್ವೇಷಿಸಬೇಡ ಎಂದು ಹೇಳುತ್ತಿದ್ದರು.
ನಾನು ಈ ಸೀನ್ ಮಾಡುವಾಗ ನೆಲದ ಮೇಲೆ ಬಿದ್ದು ಅಳಬೇಕಿತ್ತು. ಆದರೆ ಅನುರಾಗ್ ನನಗೆ ನಿಜವಾಗಿಯೂ ಏಳು ಬಾರಿ ಅಳಿಸಿದ್ದಾರೆ. ಸೀನ್ ಮುಗಿದ ಮೇಲೂ ನಾನು ನೆಲದ ಮೇಲೆ ಕೂತು ಅಳುತ್ತಿದೆ. ಆಗ ಅನುರಾಗ್ ನನ್ನ ಬಳಿ ಬಂದು ನನ್ನನ್ನು ತಪ್ಪಿಕೊಂಡು ಐ ಲವ್ ಯೂ ಸೋ ಮಚ್ ಹಾಗೂ ಈ ಸೀನ್ ಕೊಟ್ಟಿದ್ದಕ್ಕೆ ಧನ್ಯವಾದಗಳು ಎಂದು ಹೇಳಿದ್ದರು. ಆಗ ನಾನು ಆ ರೂಮಿನಿಂದ ಹೊರಬಂದೆ. ಅಲ್ಲಿ ಇದ್ದವರು ಜೋರಾಗಿ ಚಪ್ಪಾಳೆ ತಟ್ಟುತ್ತಿದ್ದರು. ಅದು ತುಂಬಾ ಅದ್ಭುತವಾಗಿ ಬರುತ್ತೆ ಎಂದು ನಾನು ಎಂದುಕೊಂಡಿರಲಿಲ್ಲ ಎಂದು ಕುಬ್ರಾ ತಿಳಿಸಿದ್ದಾರೆ.
ಈ ಸೀನ್ ಚಿತ್ರಿಕರಿಸುವ ಮೊದಲು ನಾನು ತುಂಬಾ ನಗುತ್ತಿದ್ದೆ. ಆದರೆ ಆ ಸೀನ್‍ನಲ್ಲಿ ನಾನು ಅಳಬೇಕಿತ್ತು. ಆಗ ಅನುರಾಗ್ ನನ್ನ ಬಳಿ ಬಂದು ನೀನು ಏನು ಕುಡಿತೀಯಾ ಎಂದು ಕೇಳಿದ್ದಾಗ ವೈನ್ ಎಂದು ಹೇಳಿದೆ. ಆದರೆ ಅವರು ನನಗೆ ವಿಸ್ಕಿ ನೀಡಿ ಸೀನ್‍ನಲ್ಲಿರುವ ಲೈನ್ಸ್‍ಗಳನ್ನು ಓದುತ್ತಿದ್ದರು. ನಾನು ಓದಿದ ಮೇಲೆ ಅವರು ಪೇಪರ್ ತೆಗೆದುಕೊಂಡು ನಾನು ಹೇಳುವುದ್ದನ್ನು ಅನುಭವ ಮಾಡಿಕೋ ಎಂದು ಹೇಳಿದ್ದರು.
ಅವರು ಹೇಳಿದ ಮಾತು ಕೇಳಿ ಆ ಕ್ಷಣವೇ ನನ್ನ ಕಣ್ಣಲ್ಲಿ ನೀರು ಬಂತು. ಆಗ ಅವರು ಯಾರೂ ಏನು ಮಾತಾಡಬೇಡಿ, ನಾನು ಅವಳನ್ನು ಸಿನಿಮಾ ಸೆಟ್‍ನಲ್ಲಿ ಭೇಟಿ ಮಾಡುತ್ತೇನೆ ಎಂದು ಹೇಳಿ ಅಲ್ಲಿಂದ ಹೊರಟು ಹೋದರು. ಆದರೆ ನಾನು ಸಿನಿಮಾ ಸೆಟ್ ಹೋಗುವರೆಗೂ ನನ್ನ ಜೊತೆ ಯಾರೂ ಮಾತನಾಡಲಿಲ್ಲ. ನಾನು ಆ ಸೀನ್ ಅದ್ಭುತವಾಗಿ ಮಾಡಿದ್ದೇನೆ ಹಾಗೂ ಆ ಸೀನ್ ತುಂಬಾ ಚೆನ್ನಾಗಿ ಚಿತ್ರೀಕರಿಸಲಾಗಿದೆ ಎಂದು ನಿರ್ದೇಶಕ ಅನುರಾಗ್ ಕಶ್ಯಪ್ ಹೇಳಿದ್ದರು ಎಂದು ನಟಿ ಕುಬ್ರಾ ಸೇಠ್ ಹೇಳಿದ್ದಾರೆ.
Comments are closed.