ಕಳೆದ 5 ವರ್ಷಗಳಿಂದ ಪ್ರಣಯ ಪಕ್ಷಿಗಳಾಗಿ ಸುತ್ತುತ್ತಿದ್ದ ರಣವೀರ್ ಸಿಂಗ್‌-ದೀಪಿಕಾ ತಮ್ಮ ಪ್ರೀತಿ-ಸಂಬಂಧವನ್ನು ಮತ್ತಷ್ಟು ಗಟ್ಟಿಯಾಗಿಸಲು ತೀರ್ಮಾನಿಸಿದ್ದು ಇದೇ ನವೆಂಬರ್‌ 10ಕ್ಕೆ ಸತಿ-ಪತಿಯಾಗಿ ಹೊಸ ಬಾಳಿಗೆ ಕಾಲಿಡಲಿದ್ದಾರೆ ಎಂಬ ಸುದ್ದಿ ಬಿಟೌನ್‌ನಲ್ಲಿ ಹರಿದಾಡುತ್ತಿದೆ.
ಸಂಜಯ್‌ ಲೀಲಾ ಬನ್ಸಾಲಿ ಅವರ ರಾಮ್‌ ಲೀಲಾದಲ್ಲಿ ಇವರಿಬ್ಬರೂ ಮೊದಲ ಬಾರಿಗೆ ಒಟ್ಟಿಗೆ ನಟಿಸಿದ್ದರು. ಆಗಲೇ ಪ್ರೇಮ ಅಂಕುರವಾಗಿತ್ತು ಎಂದು ಹೇಳಲಾಗುತ್ತಿದೆ. ಬಳಿಕ ಸುಮಾರು ಐದು ವರ್ಷಗಳ ಕಾಲ ಈ ಪ್ರಣಯ ಪಕ್ಷಿಗಳು ಜೊತೆ ಜೊತೆಗೆ ಓಡಾಟ ನಡೆಸುತ್ತಲೇ ಇದ್ದರು.
ಲವ್‌ಬ್ರೇಕ್‌ ಅಪ್‌ ನೋವು ಏನೆಂದು ತಿಳಿದಿರುವ ದೀಪಿಕಾ ಈ ಬಾರಿ ತುಂಬಾ ಎಚ್ಚರಿಕೆವಹಿಸಿದ್ದರು. ರಿಲೇಷನ್‌ಶಿಪ್‌ ವಿಷಯದಲ್ಲಿ ರಣವೀರ್ ದೀಪಿಕಾರಿಗೆ ಸಂಪೂರ್ಣವಾಗಿ ಕಮಿಟ್‌ ಆಗಿದ್ದರು. ಆದರೂ ದೀಪಿಕಾರಲ್ಲಿ ಹಳೆಯ ಕಹಿ ನೆನಪು ಬಂದು ಈ ಸಂಬಂಧ ಎಲ್ಲಿ ಮುರಿದು ಹೋಗುತ್ತದೋ ಎಂಬ ಭಯ ಇದ್ದೇ ಇತ್ತು. ಅದಕ್ಕಾಗಿಯೇ ಇಷ್ಟು ವರ್ಷ ಮದುವೆ ಕುರಿತು ಯೋಚಿಸಲಿಲ್ಲ. ಇದೀಗ ದೀಪಿಕಾರ ಮನಸ್ಸು ಸಂಪೂರ್ಣ ಗೆದ್ದಿರುವ ರಣವೀರ್‌ಗೆ ದೀಪಿಕಾ ಮದುವೆಯ ಗ್ರೀನ್ ಸಿಗ್ನಲ್‌ ನೀಡಿದ್ದಾರೆ.
ದೀಪಿಕಾ ರಣವೀರ್
ಈ ಹಿಂದೆ ರಣಬೀರ್‌ ಕಪೂರ್‌ ಜತೆ ಪ್ರೇಮ ಸಂಬಂಧದಲ್ಲಿದ್ದಾಗ ತನ್ನ ಕೆರಿಯರ್‌ ಬಿಟ್ಟು ಮಿಸ್ಸಸ್‌ ರಣಬೀರ್‌ ಆಗಲು ಸಿದ್ಧರಾಗಿದ್ದರು. ಮದುವೆಯಾಗಬೇಕು, ಮಕ್ಕಳಾಗಬೇಕು ಎಂದು ಬಯಸಿದ್ದರು. ಆದರೆ ರಣಬೀರ್‌ ಕೈಕೊಟ್ಟಾಗ ದೀಪಿಕಾ ಮಾನಸಿಕವಾಗಿ ಸಂಪೂರ್ಣ ಕುಸಿದು ಹೋಗಿದ್ದರು’ ಎಂದು ಅವರ ಆಪ್ತ ಸ್ನೇಹಿತೆಯೊಬ್ಬರು ತಿಳಿಸಿದ್ದಾರೆ.
ಅದಾದ ಬಳಿಕ ದೀಪಿಕಾ ಬದುಕಿನಲ್ಲಿ ಬಂದ ರಣವೀರ್ ಈ 5 ವರ್ಷದಲ್ಲಿ ದೀಪಿಕಾರ ಮನಸ್ಸು ಹಾಗೂ ವಿಶ್ವಾಸ ಗೆದ್ದಿದ್ದಾರೆ.
Comments are closed.