ಹಿರಿಯ ನಟಿಯೊಬ್ಬರು ಜಯಂತಿ ಅವರ ನಟನೆಯನ್ನು ಖುದ್ದಾಗಿ ನೋಡಬೇಕು ಅಂತ ಅವರ ತಾಯಿಯ ಮೂಲಕ ಹೇಳಿಸಿದ್ದರಂತೆ. ನಟನೆ ನೋಡಿದ ನಂತರ ಜಯಂತಿ ಹಳೆ ಕಾಲದ ರೀತಿಯಂತೆ ನಟಿಸುತ್ತಾರೆ ಎಂದು ಕಾಮೆಂಟ್‌ ಮಾಡಿದ್ದರಂತೆ. ಹಳೆಯ ಕಾಲದ ನಟನೆ ಯಾವುದು ಅಂತ ನನಗೆ ಗೊತ್ತಿಲ್ಲ. ಪ್ರತಿ ದಿನವೂ ಹೊಸದನ್ನು ಕಲಿತುಕೊಂಡು ನಟಿಸುತ್ತೇನೆ. ಅವರ ಮಾತು ನನಗೆ ತುಂಬಾನೇ ನೋವು ತಂದಿತು ಎಂದು ಹೇಳಿದ್ದಾರೆ ಹಿರಿಯ ನಟಿ ಜಯಂತಿ. ಇವರಿಗೆ ಈ ರೀತಿ ಬೇಸರ ತರಿಸಿದವರು ಮತ್ತೋರ್ವ ಖ್ಯಾತ ನಟಿ ಎನ್ನುವುದು ಚರ್ಚೆಯ ವಿಷಯ. ಹಾಗಾಗಿ ಇಂದಿಗೂ ಈ ಘಟನೆ ಜಯಂತಿ ಅವರನ್ನು ಕಾಡುತ್ತಿದೆಯಂತೆ.
ಫ್ಲಮಿಂಗೋ ಫ್ಯಾಶನ್‌ ಸ್ಟುಡಿಯೋದ ನೂತನ ಕ್ಯಾಲೆಂಡರ್‌ ಬಿಡುಗಡೆ ಮಾಡಿ ಮಾತನಾಡಿದ ಜಯಂತಿ. ತಮ್ಮ ಹಳೆಯ ದಿನಗಳನ್ನು ಮೆಲುಕು ಹಾಕಿದರು. ಈ ಸಂದರ್ಭದಲ್ಲಿ ನಿರ್ದೇಶಕ ಮೋಹನ್‌. ನಟಿ ರೇಖಾದಾಸ್‌, ನಟರಾದ ಸರಿಗಮವಿಜಿ ಮತ್ತು ಧವನ್‌ ಸೋಹ ಮೊದಲಾದವರು ಉಪಸ್ಥಿತರಿದ್ದರು.
Comments are closed.