ಸಲ್ಮಾನ್ ಖಾನ್ ನಿರೂಪಣೆಯಲ್ಲಿ ಮೂಡಿಬಂದ ಬಿಗ್ಬಾಸ್ ಸೀಸನ್ 11 ಕಳೆದ ವಾರ ಅದ್ಧೂರಿಯಾಗಿ ಮುಕ್ತಾಯಗೊಂಡಿತು. ಈ ಬಾರಿಯ ಹಿಂದಿ ಬಿಗ್ಬಾಸ್ನ ವಿನ್ನರ್ ಆಗಿ ಶಿಲ್ಪಾ ಶಿಂಧೆ ಹೊರಹೊಮ್ಮಿದ್ದು ನಿಮಗೆಲ್ಲ ಗೊತ್ತೇ ಇದೆ. ವಿಜೇತೆ ಶಿಲ್ಪಾ ಜತೆ ಮತ್ತೊಬ್ಬ ಸ್ಪರ್ಧಿ ಸಿಕ್ಕಾಪಟ್ಟೆ ಸದ್ದು ಮಾಡಿದರು. ಅವರ ಹೆಸರೇ ಆರ್ಶಿ ಖಾನ್.
ಬಿಗ್ಬಾಸ್ ಸೀಸನ್ 11 ಶುರುವಾದಾಗಿನಿಂದ ಒಂದಿಲ್ಲೊಂದು ಕಾರಣಕ್ಕೆ ಆರ್ಶಿ ಖಾನ್ ಸುದ್ದಿಯಾಗುತ್ತಲೇ ಇದ್ದರು. ಉಳಿದ ಸ್ಪರ್ದಿಗಳ ಜತೆ ಫ್ಲರ್ಟ್ ಮಾಡುತ್ತ, ಕಾಲಕ್ಕೆ ತಕ್ಕಂತೆ ಜಗಳವಾಡುತ್ತ ಎಲ್ಲರ ಗಮನ ಸೆಳೆಯುತ್ತಿದ್ದರು ಆರ್ಶಿ. ಬಿಗ್ಬಾಸ್ ಮುಕ್ತಾಯದ ನಂತರ ಆರ್ಶಿ ಖಾನ್ ಕುರಿತು ಮತ್ತೊಂದು ಇಂಟ್ರೆಸ್ಟಿಂಗ್ ಸುದ್ದಿ ಎಲ್ಲೆಡೆ ಜೋರಾಗಿ ಹಬ್ಬಿದೆ.
ಅದೇನಪ್ಪಾ ಅಂದ್ರೆ, ಬಾಹುಬಲಿ ಸ್ಟಾರ್ ಪ್ರಭಾಸ್ ನಟಿಸುತ್ತಿರುವ ಚಿತ್ರಕ್ಕೆ ಆರ್ಶಿ ಸೈನ್ ಮಾಡಿದ್ದಾರಂತೆ. ಆರ್ಶಿ ಖಾನ್ ಹೆಸರಿನಲ್ಲಿರುವ ಟ್ವಿಟರ್ ಅಕೌಂಟ್ನಿಂದ ಈ ತರಹದ ಮಾಹಿತಿ ಹೊರಬಿದ್ದಿದೆ. ಆದರೆ ಈ ಟ್ವಿಟರ್ ಅಕೌಂಟ್ ನಿಜಕ್ಕೂ ಆರ್ಶಿ ಖಾನ್ ಅವರಿಗೆ ಸಂಬಂಧಿಸಿದ್ದಾ ಎಂಬ ಅನುಮಾನ ದಟ್ಟವಾಗಿದೆ. ಅಷ್ಟೇ ಅಲ್ಲದೆ ಪ್ರಭಾಸ್ ಅವರಿಂದ ಸಹ ಈ ಕುರಿತು ಯಾವುದೇ ಅಧಿಕೃತ ಮಾಹಿತಿ ಬಂದಿಲ್ಲ.
ಸದ್ಯಕ್ಕೆ ಟಾಲಿವುಡ್ ರೆಬೆಲ್ ಸ್ಟಾರ್ ‘ಸಾಹೋ’ ಚಿತ್ರದ ಶೂಟಿಂಗ್ನಲ್ಲಿ ಬ್ಯುಸಿಯಾಗಿದ್ದಾರೆ. ಈ ಚಿತ್ರದಲ್ಲಿ ಬಾಲಿವುಡ್ ನಟಿ ಶ್ರದ್ಧಾ ಕಪೂರ್ ಪ್ರಭಾಸ್ಗೆ ನಾಯಕಿಯಾಗಿ ಅಭಿನಯಿಸುತ್ತಿರುವುದು ನಿಮಗೆಲ್ಲ ಗೊತ್ತಿರುವ ಸಂಗತಿ. ಇನ್ನು ಆರ್ಶಿ ಖಾನ್ ಹೆಸರಿನ ಟ್ವಿಟರ್ ಅಕೌಂಟ್ನಿಂದ ಬಂದಿರುವ ಹೊಸ ಸುದ್ದಿ ಎಷ್ಟರ ಮಟ್ಟಿಗೆ ನಿಜ ಎಂಬುದನ್ನು ಕಾಲವೇ ಉತ್ತರಿಸಲಿದೆ.
Comments are closed.