ಲಂಡನ್: ಪ್ರಿನ್ಸ್ ಹ್ಯಾರಿ ಹಾಗೂ ಅಮೆರಿಕ ನಟಿ ಮೇಘನ್ ಮಾರ್ಕೆಲ್ ನಡುವೆ ಕುಛ್ ಕುಛ್ ಇದೆ ಅನ್ನೋ ಸುದ್ದಿ ಲಂಡನ್ನಲ್ಲಿ ಕಳೆದ ಹಲವು ದಿನಗಳಿಂದ ಹರಿದಾಡುತ್ತಾ ಇತ್ತು. ಇದಕ್ಕೆ ಪ್ರಿನ್ಸ್ ಹ್ಯಾರಿ ತಂದೆಯೇ ವಿರಾಮ್ ಹಾಕಿದ್ದು, 2018ರ ಅಂತ್ಯದೊಳಗೆ ಈ ಜೋಡಿಹಕ್ಕಿ ಹಸೆಮಣೆ ಏರಲಿದ್ದಾರೆ ಎಂದು ಅಧಿಕೃತ ಹೇಳಿಕೆ ನೀಡಿದ್ದಾರೆ.
ಅಮೆರಿಕದ ಪ್ರಸಿದ್ಧ ಧಾರವಾಹಿಗಳಲ್ಲಿ ಒಂದಾಗಿರುವ ಸೂಟ್ಸ್ನಲ್ಲಿ ಫೇಮಸ್ ಆಗಿರುವ ಮೇಘನ್ ಮಾರ್ಕೆಲ್ ಹಾಗೂ ಬ್ರಿಟನ್ನ ರಾಜಕುಮಾರ ಹ್ಯಾರಿ ಇಬ್ಬರಿಗೂ ನವೆಂಬರ್ ಮೊದಲ ವಾರದಲ್ಲೇ ನಿಶ್ಚಿತಾರ್ಥ ಮಾಡಲಾಗಿತ್ತು ಎಂದು ಕ್ಲಾರೆನ್ಸ್ ಹೌಸ್ನಿಂದ ಬಂದ ಹೇಳಿಕೆಯಲ್ಲಿ ಉಲ್ಲೇಖಿಸಲಾಗಿದೆ.
ಕಳೆದ ವರ್ಷ ಇಬ್ಬರೂ ಮದುವೆ ಸಮಾರಂಭವೊಂದರಲ್ಲಿ ಭೇಟಿಯಾಗಿದ್ದರು, ಇದಾದ ಬಳಿಕ ಹಲವಾರು ಸಂದರ್ಭದಲ್ಲಿ ಒಬ್ಬರಿಗೊಬ್ಬರು ಭೇಟಿಯಾಗುತ್ತಿದ್ದರು. ಇದೂ ಮಾಧ್ಯಮ ಕ್ಷೇತ್ರದಲ್ಲೀ ಭಾರೀ ಚರ್ಚೆ ಹುಟ್ಟು ಹಾಕಿತ್ತು. ಆದರೆ ಇದ್ಯಾವುದಕ್ಕೂ ಹ್ಯಾರಿ ತಲೆಕೆಡಿಸಿಕೊಂಡಿರಲಿಲ್ಲ.
ಆದರೆ ಕಳೆದ ಸೆಪ್ಟೆಂಬರ್ನಲ್ಲಿ ಕ್ರೀಡಾ ಕಾರ್ಯಕ್ರಮವೊಂದಕ್ಕೆ ಜತೆಯಲ್ಲೇ ಇಬ್ಬರೂ ಬಂದಿದ್ದರು. ಈ ವೇಳೆ ಮಾಧ್ಯಮಗಳು ನೇರವಾಗಿ ಇಬ್ಬರಿಗೂ ಪ್ರಶ್ನಿಸಿದ್ದರೂ ಹ್ಯಾರಿ ಯಾವುದಕ್ಕೂ ತುಟಿ ಎರಡು ಮಾಡಿರಲಿಲ್ಲ. ಇದೀಗ ಇಂಗ್ಲೆಂಡ್ ರಾಜ ಚಾರ್ಲ್ಸ್ ಅಧಿಕೃತವಾಗಿ ಮಗ ಹ್ಯಾರಿ ಮತ್ತು ಮೇಘನ್ ಮದುವೆ ವಿಚಾರ ಹೇಳಿದ್ದಾರೆ.
ಮೇಘನ್ ಕುಟುಂಬ ಸಂತಸ ವ್ಯಕ್ತ ಪಡಿಸಿದೆ.
‘ಮಗಳು ಎಲ್ಲರನ್ನೂ ಪ್ರೀತಿಸುವ ವ್ಯಕ್ತಿತ್ವವುಳ್ಳವಳು. ಬ್ರಿಟನ್ ರಾಜ ಹ್ಯಾರಿ ಮತ್ತು ಮೇಘನ್ ಮದುವೆ ನಮಗೆ ಬಹಳ ಸಂತಸ ನೀಡುವ ವಿಚಾರ’ ಎಂದು ಮೇಘನ ಪೋಷಕರು ಹೇಳಿದ್ದಾರೆ.
Comments are closed.