ಸದ್ಯಕ್ಕೆ ಬಾಲಿವುಡ್‌ ಮತ್ತು ಹಾಲಿವುಡ್‌ಗಳಲ್ಲಿ ಸಿಕ್ಕಾಪಟ್ಟೆ ಮಿಂಚುತ್ತಿರುವ ನಟಿಯರಲ್ಲಿ ದೀಪಿಕಾ ಪಡುಕೋಣೆ ಸಹ ಒಬ್ಬರು. ಯಶಸ್ಸಿನ ಉತ್ತುಂಗದಲ್ಲಿರುವ ಈ ನಟಿ ಓದಿದ್ದು ಮಾತ್ರ 12ನೇ ಕ್ಲಾಸ್‌ ಅಂದ್ರೆ ನಂಬಲೇಬೇಕು.
ಇತ್ತೀಚೆಗೆ ನಡೆದ ಹೇಮಾ ಮಾಲಿನಿ ಜೀವನಾಧಾರಿತ ಪುಸ್ತಕ ‘ಬಿಯಾಂಡ್‌ ದ ಡ್ರೀಮ್‌ ಗರ್ಲ್‌’ ಬಿಡುಗಡೆ ಸಮಾರಂಭದಲ್ಲಿ ಭಾಗವಹಿಸಿದ ದೀಪಿಕಾ, ಈ ಇಂಟ್ರೆಸ್ಟಿಂಗ್‌ ವಿಚಾರವನ್ನು ಹಂಚಿಕೊಂಡಿದ್ದಾರೆ. ಇದೇ ಸಂದರ್ಭದಲ್ಲಿ , ಈ ಮಟ್ಟಿನ ಯಶಸ್ಸಿಗೆ ಕಾರಣವೇನು ಎಂಬ ವಿಚಾರದ ಬಗ್ಗೆಯೂ ದೀಪಿಕಾ ಮಾತನಾಡಿದರು. ಯಶಸ್ಸಿಗೆ ಬೇಕಾಗಿರುವುದು ಕಠಿಣ ಪರಿಶ್ರಮ ಮತ್ತು ಶಿಸ್ತು ಎಂಬ ಅಂಶವನ್ನು ದೀಪಿಕಾ ಹೇಳಿಕೊಂಡರು. ಅದಕ್ಕಾಗಿ ಬದುಕಲ್ಲಿ ಒಂದಿಷ್ಟು ತ್ಯಾಗವನ್ನೂ ಮಾಡಲು ಸಿದ್ಧರಿರಬೇಕೆಂದು ಬಾಲಿವುಡ್‌ ಪದ್ಮಾವತಿ ಅಭಿಪ್ರಾಯಪಟ್ಟಿದ್ದಾರೆ.
‘ಯಶಸ್ಸನ್ನು ಅರಸಲು ನಾನು ನನ್ನ ಕುಟುಂಬದಿಂದ ದೂರವಿದ್ದೆ. ಬದುಕಲ್ಲಿ ಸಾಕಷ್ಟು ಋಣಾತ್ಮಕ ಅಂಶಗಳ ವಿರುದ್ಧ ಹೋರಾಡಿ ಸದೃಢಳಾದೆ. 12ನೇ ಕ್ಲಾಸ್‌ ಪಾಸ್‌ ಆದ ತಕ್ಷಣವೇ ಕನಸಿನ ಬೆನ್ನಟ್ಟಿದೆ. ಹಾಗಾಗಿ ಔಪಚಾರಿಕ ಶಿಕ್ಷಣವನ್ನು ನನ್ನಿಂದ ಪೂರ್ಣಗೊಳಿಸಲು ಆಗಲಿಲ್ಲ. ಪ್ರಾರಂಭದಲ್ಲಿ ನನ್ನ ತಂದೆ-ತಾಯಿ ಈ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದರು. ಔಪಚಾರಿಕ ಶಿಕ್ಷಣವನ್ನು ಪೂರೈಸಿದ ನಂತರವೇ ಸಿನಿಮಾ ಇಂಡಸ್ಟ್ರಿಗೆ ಹೋಗಲು ಸೂಚಿಸಿದರು.
ಸಿನಿಮಾ ಕ್ಷೇತ್ರದ ಬಗ್ಗೆ ಅವರಿಗಿದ್ದ ಭಯದಿಂದಾಗಿ ನನ್ನನ್ನು ಬೆಂಬಲಿಸಲಿಲ್ಲ. ನಂತರದ ದಿನಗಳಲ್ಲಿ ನನ್ನ ಕಠಿಣ ಪರಿಶ್ರಮವನ್ನು ಕಂಡು ಬೆಂಬಲಕ್ಕೆ ನಿಂತರು. ಈ ಭರದಲ್ಲಿ ನಾನು ಪದವಿ ಶಿಕ್ಷಣ ಸಹ ಪಡೆಯಲಿಲ್ಲ. ನಾನು 12ನೇ ಕ್ಲಾಸ್‌ ಪಾಸ್‌ ಅಷ್ಟೆ’ ಎಂದು ದೀಪಿಕಾ ತಮ್ಮ ಹಿಂದಿನ ದಿನಗಳನ್ನು ಮೆಲುಕು ಹಾಕಿದರು.
Comments are closed.