ಸ್ಯಾಂಡಲ್‍ವುಡ್‌ನಿಂದ ಬಾಲಿವುಡ್‌ಗೆ ಹೋಗಿ ಅಲ್ಲಿಂದ ಹಾಲಿವುಡ್‍ಗೆ ನೆಗೆದಿರುವ ಬೆಡಗಿ ದೀಪಿಕಾ ಪಡುಕೋಣೆ. ಅವರ ಚೊಚ್ಚಲ ಹಾಲಿವುಡ್ ಚಿತ್ರ xXx ಮೊದಲು ಭಾರತದಲ್ಲಿ ಬಿಡುಗಡೆಯಾಗಿ ಆ ಬಳಿಕ ಜಗತ್ತಿನ ಉಳಿದ ಕಡೆ ತೆರೆಕಾಣಲಿದೆಯಂತೆ.
ಇದೇ ಜನವರಿ 14ಕ್ಕೆ ಚಿತ್ರಮಂದಿರಗಳಲ್ಲಿ ದೀಪಿಕಾ ಅಭಿನಯದ ಹಾಲಿವುಡ್ ಚಿತ್ರ xXx ರಿಟರ್ನ್ ಆಫ್ ಕ್ಸಾಂಡಲ್ ಕೇಜ್ ರಿಲೀಸ್ ಆಗುತ್ತಿದೆ. ಈ ಬಗ್ಗೆ ಟ್ವೀಟಿಸಿ ದೀಪಿಕಾ ಪಡುಕೋಣೆ ಸಂತಸ ವ್ಯಕ್ತಪಡಿಸಿದ್ದಾರೆ. ಹಾಲಿವುಡ್‌‍ನಲ್ಲಿ ಏನೆಲ್ಲಾ ಮಾಡಿದ್ದಾರೆ ಎಂಬ ದೀಪಿಕಾ ಅಭಿಮಾನಿಗಳ ಕುತೂಹಲಕ್ಕೆ ತೆರೆಬೀಳುವ ಸಮಯ ಬಂದಿದೆ.
ಚಿತ್ರದಲ್ಲಿ ದೀಪಿಕಾ ಹೆಸರು ಸೆರೆನಾ ಉಂಗರ್ ಅಂತ. ಹಾಲಿವುಡ್‌ನ ಖ್ಯಾತ ನಟ ವಿನ್ ಡೀಸೆಲ್ ನಾಯಕನಟನಾಗಿದ್ದು ದೀಪಿಕಾ ಈ ಸಿನಿಮಾದಲ್ಲಿ ಯಾವ ರೀತಿ ಕಾಣಿಸಲಿದ್ದಾರೆ ಎಂಬುದು ಜನವರಿ 14ರಂದು ತಿಳಿಯಲಿದೆ. ಡಿಜೆ ಕಾರುಸೋ ನಿರ್ದೇಶಿಸರುವ ‘xXx : ರಿಟರ್ನ್ ಆಫ್ ಕ್ಸಾಂಡರ್ ಕೇಜ್’, ೨೦೦೨ ರಲ್ಲಿ ಬಿಡುಗಡೆಯಾದ ‘xXx ‘ ಮತ್ತು ೨೦೦೫ ರಲ್ಲಿ ಬಿಡುಗಡೆಯಾದ ‘xXx : ಸ್ಟೇಟ್ ಆಫ್ ಯೂನಿಯನ್’ ಸಿನೆಮಾ ಸರಣಿಗಳ ಮುಂದಿನ ಭಾಗ. ಈ ಸಿನೆಮಾದಲ್ಲಿ ರೂಬಿ ಜೋಸ್, ಸ್ಯಾಮ್ಯುಯೆಲ್ ಎಲ್ ಜಾಕ್ಸನ್, ಡಾನ್ನಿ ಯೆನ್ ಮತ್ತು ಟೋನಿ ಜಾ ಕೂಡ ನಟಿಸಿದ್ದಾರೆ.
Comments are closed.