ಮನೋರಂಜನೆ

ಮನೆಗೆ ಬಂದ ಅತಿಥಿಗಳು ಹೋಗದಿದ್ದಾಗ ನಟ ಅಮೀರ್ ಖಾನ್ ಮಾಡುತ್ತಿದ್ದದ್ದು ಏನು…?

Pinterest LinkedIn Tumblr

aamir-khan

ನವದೆಹಲಿ: ಮನೆಗೆ ಬಂದ ಅತಿಥಿ ಎಷ್ಟು ಹೊತ್ತಾದರೂ ಹೋಗುವ ಸೂಚನೆ ಕಾಣದಾದಾಗ ಬಾಲಿವುಡ್ ನಟ ಅಮೀರ್ ಖಾನ್ ಏನು ಮಾಡ್ತಾರೆ ಗೊತ್ತಾ?

ನೇರವಾಗಿ ಹೋಗಿ ಎನ್ನುವಂತಿಲ್ಲ. ಹಾಗಾಗಿ ಅವರು ಇದ್ದಕ್ಕಿದ್ದಂತೆ ಎದ್ದು ನಿಂತು “ಸರಿ. ನಿಮ್ಮನ್ನು ಭೇಟಿಯಾಗಿ ಬಹಳ ಸಂತೋಷವಾಯಿತು” ಎನ್ನುತ್ತಾರಂತೆ. ಇದರ ಅರ್ಥ “ಸಾಕಪ್ಪಾ.. ಇನ್ನು ಮನೆಗೆ ಎದ್ದು ಹೋಗಿ” ಎಂದು.

ಹಾಗಂತ ಸ್ವತಃ ಅಮೀರ್ ಹೇಳಿಕೊಂಡಿದ್ದಾರೆ. ತಮ್ಮ ಸಂಬಂಧಿ ಸಿನಿಮಾ ನಿರ್ಮಾಪಕ ನಾಸಿರ್ ಹುಸೇನ್ ಅವರ ಆತ್ಮಕತೆ ಬಿಡುಗಡೆ ಸಮಾರಂಭದಲ್ಲಿ ಮಾತನಾಡಿದ ಅವರು ಈ ವಿಷಯ ಬಹಿರಂಗಪಡಿಸಿದ್ದಾರೆ.

ಅವರಿಗೆ ಈ ಐಡಿಯಾ ಕೊಟ್ಟಿದ್ದು ನಾಸಿರ್ ಅಂಕಲ್ ಅಂತೆ. “ನಾವು ಚಿಕ್ಕವರಿದ್ದಾಗ ಅವರ ಕೊಠಡಿಗೆ ಹೋಗಿ ತಿಂಡಿ ತಿನ್ನುತ್ತಾ ಕೂರುತ್ತಿದ್ದೆವು. ನಾಸಿರ್ ಅಂಕಲ್ ವಿಶ್ರಾಂತಿ ಪಡೆಯಬೇಕೆಂದಿದ್ದರೆ ಎದ್ದು ನಿಂತು ಹೀಗೆಯೇ ಹೇಳುತ್ತಿದ್ದರು. ಅದನ್ನೇ ನಾನು ನನ್ನ ಪತ್ನಿ ನಮ್ಮ ಜೀವನದಲ್ಲೂ ಅಳವಡಿಸಿಕೊಂಡಿದ್ದೇವೆ” ಎಂದು ಅಮೀರ್ ಹೇಳಿದ್ದಾರೆ.

ವಿಶೇಷವೆಂದರೆ ಈ ಕಾರ್ಯಕ್ರಮ ಕೊನೆಗೆ ತಮ್ಮ ವಿಮಾನದ ಸಮಯವಾಯಿತು ಎಂದು ಅವರು ಇದೇ ಡೈಲಾಗ್ ಹೇಳಿ ಮತ್ತೊಮ್ಮೆ ಸಭಿಕರನ್ನು ನಗೆಗಡಲಲ್ಲಿ ಮುಳುಗಿಸಿ ಅಲ್ಲಿಂದ ನಿರ್ಗಮಿಸಿದರು.

Comments are closed.