ಗನ್ ತೋರಿಸಿ ರಿಯೋ ಒಲಿಂಪಿಕ್ ಅಥ್ಲೀಟ್ ಗಳ ಚಿನ್ನದ ಪದಕ ದರೋಡೆ

ರಿಯೋಡಿ ಜನೈ ರೋ,ಆ.15- ರಿಯೋ ಒಲಿಂಪಿಕ್ಸ್‍ನಲ್ಲಿ ಚಿನ್ನದ ಪದಕ ಗೆದ್ದ ಅಮೆರಿಕದ ರಯಾನ್ ಲೋಚೆಟ್ ಅವರಿಗೆ ಗನ್ ತೋರಿಸಿ ದರೋಡೆ ಮಾಡಿರುವ ಘಟನೆ ತಡರಾತ್ರಿ ಇಲ್ಲಿ ನಡೆದಿದೆ.

ರಿಯೋದಲ್ಲಿ ಒಲಿಂಪಿಕ್ ಪಾರ್ಟಿಯಲ್ಲಿ ಭಾಗವಹಿಸಿ ತಮ್ಮ ತಂಡದ ಮೂವರೊಂದಿಗೆ ರಯಾನ್ ಟ್ಯಾಕ್ಸಿಯಲ್ಲಿ ಹಿಂದಿರುಗುತ್ತಿದ್ದಾಗ ಅವರನ್ನು ಪೊಲೀಸರ ಸೋಗಿನಲ್ಲಿ ಅಡ್ಡಗಟ್ಟಿದ ದರೋಡೆಕೋರರು ಗನ್ ತೋರಿಸಿ ಹೆದರಿಸಿ ಹಣ ಮತ್ತು ಇತರೆ ವಸ್ತುಗಳನ್ನು ದರೋಡೆ ಮಾಡಿ ಪರಾರಿಯಾಗಿದ್ದಾರೆ.

ರಿಯೋ ಒಲಿಂಪಿಕ್ಸ್‍ನ 4×200 ಮೀಟರ್ ಫ್ರೀಸ್ಟೈಲ್ ರಿಲೆಯಲ್ಲಿ ರಯಾನ್ ಚಿನ್ನದ ಪದಕ ಗೆದ್ದಿದ್ದಾರೆ. ರಿಯೋ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ದರೋಡೆಕೋರರಿಗೆ ಶೋಧ ನಡೆಸುತ್ತಿದ್ದಾರೆ.