“ಆ್ಯಂಗ್ರಿ ಬರ್ಡ್ಸ್’ ಗೇಮ್ ಬಗ್ಗೆ ಬಹುಶಃ ಬಹಳಷ್ಟು ಜನರಿಗೆ ಗೊತ್ತಿರುತ್ತದೆ. ಅದರಲ್ಲೂ ಮಕ್ಕಳ ಫೇವರೇಟ್ಗಳ ಪಟ್ಟಿಯಲ್ಲಿ “ಟೆಂಪಲ್ ರನ್’, “ಸಬ್ವೇ ಸಫìರ್ಸ್’, “ಕ್ಯಾಂಡಿ ಕ್ರಶ್’ ಮುಂತಾದ ಗೇಮ್ಗಳ ಜೊತೆಗೆ “ಆ್ಯಂಗ್ರಿ ಬರ್ಡ್ಸ್’ ಸಹ ಒಂದು ಜಾಗ ಪಡೆಯುತ್ತದೆ. ಈಗ ಆ ಗೇಮ್, ಮೊದಲ ಬಾರಿಗೆ ಚಿತ್ರವಾಗಿದೆ. ಅಷ್ಟೇ ಅಲ್ಲ, ಇದೇ ತಿಂಗಳ 27ರಂದು ಬಿಡುಗಡೆಯಾಗುತ್ತಿರುವುದು ವಿಶೇಷ.
ಈ ಚಿತ್ರದ ವಿಶೇಷವೇನು ಎಂದರೆ, ನೀವು ಚಿತ್ರಮಂದಿರಕ್ಕೆ ಹೋಗಬೇಕು. ಆದರೂ ಚಿತ್ರದ ಕಥೆಯೇನು ಎಂದರೆ ಪರಿಚಯ ಕೊಡಬಹುದು. “ಆ್ಯಂಗ್ರಿ ಬರ್ಡ್ಸ್’ ಎಂಬ ಹೆಸರು, ಹಕ್ಕಿಗಳು ಸಿಟ್ಟಾಗಿವೆ ಎಂದು ಸೂಚಿಸುತ್ತವೆ. ಆದರೆ, ಹಕ್ಕಿಗಳು ಸಿಟ್ಟಾಗುವುದಕ್ಕೆ ಕಾರಣವೇನೆಂದರೆ, ಅದಕ್ಕೆ ಈ ಚಿತ್ರದಲ್ಲಿ ಉತ್ತರವಿದೆ. ಚಿತ್ರ ಶುರುವಾಗುವುದು ಒಂದು ದ್ವೀಪದಲ್ಲಿ. ಆ ದ್ವೀಪದಲ್ಲಿ ಹಕ್ಕಿಗಳದ್ದೇ ಕಾರುಬಾರು. ಇಂಥದ್ದೊಂದು ದ್ವೀಪಕ್ಕೆ ರೆಡ್, ಸ್ಪೀಡಿ ಚಕ್ ಮತ್ತು ವೊಲಟೈಲ್ ಬಾಂಬ್ ಎಂಬ ಮೂರು ಹೊರಗಿನ ಹಕ್ಕಿಗಳು ಬರುತ್ತವೆ. ಸ್ಥಳೀಯ ಹಕ್ಕಿಗಳೇ ಇರುವ ಆ ದ್ವೀಪದಲ್ಲಿ, ಈ ಮೂವರು ಹಕ್ಕಿಗಳನ್ನು ಹೊರಗಿನವರು ಎಂದು ದೂರ ಇಟ್ಟಿರಲಾಗಿರುತ್ತದೆ. ಇಂತಹ ಒಂದು ಸಂದರ್ಭದಲ್ಲಿ ಆ ದ್ವೀಪಕ್ಕೆ ಹಸಿರು ಹಂದಿಗಳು ಬರುತ್ತವೆ. ಆ ಹಂದಿಗಳು ಅಲ್ಲಿಗೆ ಏಕೆ ಬಂದಿವೆ ಮತ್ತು ಅದರ ಉದ್ದೇಶವೇನು ಎಂದು ತಿಳಿಯುವ ಜವಾಬ್ದಾರಿಯನ್ನು ಈ ಮೂರು ಹೊರಗಿನ ಹಕ್ಕಿಗಳಿಗೆ ವಹಿಸಲಾಗುತ್ತದೆ. ಆ ಹಕ್ಕಿಗಳು ಅದೇನು ಪತ್ತೆ ಮಾಡುತ್ತವೆ ಎಂಬುದು ಚಿತ್ರದ ಸಸ್ಪೆನ್ಸ್.
“ಆ್ಯಂಗ್ರಿ ಬರ್ಡ್ಸ್’ ಗೇಮ್ ಫ್ರಾಂಚೈಸಿಯಿಂದ ಸ್ಫೂರ್ತಿಗೊಂದು ನಿರ್ಮಾಣವಾದ ಈ ಚಿತ್ರ ಸುಮಾರು 95 ನಿಮಿಷದಷ್ಟು ಇದೆ. ಈ ಚಿತ್ರವನ್ನು ಸುಮಾರು 80 ಮಿಲಿಯನ್ ಡಾಲರ್ ವೆಚ್ಚದಲ್ಲಿ ನಿರ್ಮಿಸಲಾಗಿದೆ. ಇದು ಬರೀ ಅನಿಮೇಟೆಡ್ ಚಿತ್ರಷ್ಟೇ ಅಲ್ಲ, ಥ್ರಿàಡಿ ಅನಿಮೇಟೆಡ್ ಚಿತ್ರವೂ ಹೌದು. ಮಕ್ಕಳು ರಜಾ ಮುಗಿಸಿ, ಶಾಲೆಗೆ ಹೋಗುವುದಕ್ಕಿಂತ ಮುನ್ನ, ಒಮ್ಮೆ ಈ ಚಿತ್ರವನ್ನು ನೋಡಿ ಎಂಜಾಯ್ ಮಾಡಬಹುದು.
-ಉದಯವಾಣಿ
