ನವದೆಹಲಿ: ಕ್ರಿಕೆಟಿಗ ಯುವರಾಜ್ ಸಿಂಗ್ ಬಾಲಿವುಡ್ ನಟಿ ಹಜೇಲ್ ಕೀಚ್ ರನ್ನು ಮುಂದಿನ ವರುಷ ಫೆಬ್ರವರಿಯಲ್ಲಿ ಮದುವೆಯಾಗಲಿದ್ದಾರೆ ಎಂಬ ಸುದ್ದಿ ನಿನ್ನೆ ಕೇಳಿ ಬಂದಿತ್ತು.
ಆದರೆ ಇದೆಲ್ಲಾ ವದಂತಿ ಎಂದು ಯುವರಾಜ್ ಹೇಳಿದ್ದಾರೆ. ಮಾಧ್ಯಮಗಳಲ್ಲಿ ಬಂದ ಸುದ್ದಿ ಬಗ್ಗೆ ಟ್ವಿಟರ್‌ನಲ್ಲಿ ಪ್ರತಿಕ್ರಿಯಿಸಿದ ಯುವಿ, ನನ್ನ ಪ್ರೀತಿಯ ಮಾಧ್ಯಮದವರೇ ನೀವೇ ನನ್ನ ಮದುವೆಯ ಜಾಗ ಮತ್ತು ಮದುವೆಯ ತಿಂಗಳನ್ನು ತೀರ್ಮಾನಿದ್ದೀರಿ. ಇನ್ನು ಮದುವೆಯ ದಿನ ಕೂಡಾ ಹೇಳಿ ಬಿಟ್ಟರೆ, ಸರಿಯಾದ ಸಮಯಕ್ಕೆ ನಾನು ರೆಡಿಯಾಗಿ ಬರುವೆ ಎಂದಿದ್ದಾರೆ.
34ರ ಹರೆಯದ ಯುವರಾಜ್ ಸಿಂಗ್ ಬ್ರಿಟಿಷ್ ಮಾಡೆಲ್ ಕಂ ಬಾಲಿವುಡ್ ನಟಿ ಹಜೇಲ್ ಜತೆ ಹಲವಾರು ಬಾರಿ ಕಾಣಿಸಿಕೊಂಡು ಸುದ್ದಿಯಾಗಿದ್ದರು.
ಹಜೇಲ್ ಸಲ್ಮಾನ್ ಖಾನ್ ಸೂಪರ್ ಹಿಟ್ ಸಿನಿಮಾ ಬಾಡಿಗಾರ್ಡ್‌ನಲ್ಲಿ ಕರೀನಾಳ ಗೆಳತಿ ಪಾತ್ರ ಮಾಡಿದ ನಟಿಯಾಗಿದ್ದಾಳೆ.
