ಹೊಸದಿಲ್ಲಿ: ಸರಬ್‌ಜಿತ್ ಸಿಂಗ್ ಕುರಿತಾದ ಸಿನಿಮಾವೊಂದು ಬಾಲಿವುಡ್ ನಟಿ ಐಶ್ವರ್ಯಾ ರೈಗೆ ಕಾನೂನು ಸಂಕಷ್ಟವನ್ನು ತಂದೊಡ್ಡಿದೆ.
ಬೇಹುಗಾರಿಕೆ ಆರೋಪದ ಮೇಲೆ ಪಾಕಿಸ್ತಾನದ ಕಾರಾಗೃಹ ಸೇರಿ, ಅಲ್ಲೇ ಕೊನೆ ಉಸಿರೆಳೆದ ಸರಬ್‌ಜಿತ್ ಸಿಂಗ್‌ರ ಜೀವನ ಆಧರಿಸಿದ ಚಿತ್ರದಲ್ಲಿ ಐಶ್ವರ್ಯ ರೈ ಅವರು ಸರಬ್‌ಜಿತ್ ಸಹೋದರಿ ದಲ್ಬೀರ್ ಕೌರ್ ಪಾತ್ರವನ್ನು ಮಾಡುತ್ತಿದ್ದಾರೆ. ಈ ಚಿತ್ರದಲ್ಲಿ ಸರಬ್‌ಜಿತ್‌ರನ್ನು ಕೆಟ್ಟದಾಗಿ ಬಿಂಬಿಸಲಾಗಿದೆ ಎಂದು ಅವರ ಕುಟುಂಬ ಆರೋಪಿಸಿದೆ.
ಅಲ್ಲದೇ, ಈ ಸಂಬಂಧ ಚಿತ್ರ ನಿರ್ದೇಶಕ ಒಮುಂಗ್ ಕುಮಾರ್ ಮತ್ತು ಐಶ್ವರ್ಯ ರೈ ಅವರಿಗೆ ಸರಬ್‌ಜಿತ್ ಸೋದರಿ ಬಲ್ಜಿಂದರ್ ಸಿಂಗ್ ಅವರು ಲೀಗಲ್ ನೋಟಿಸ್ ನೀಡಿದ್ದಾರೆ. ಪಾಕ್ ಕಾರಾಗೃಹದಲ್ಲಿ ಸಹ ಕೈದಿಗಳಿಂದ ಗಂಭೀರ ಹಲ್ಲೆಗೊಳಗಾಗಿದ್ದ ಸರಬ್‌ಜಿತ್ ಸಿಂಗ್, 2014ರಲ್ಲಿ ಮೃತಪಟ್ಟಿದ್ದ.
