ಮುಂಬಯಿ: ಐಸಿಸಿ 2019 ಏಕದಿನ ವಿಶ್ವಕಪ್‌ನಲ್ಲಿ ಭಾನುವಾರ ನಡೆಯಲಿರುವ ಹೈ ವೋಲ್ಟೇಜ್ ಕದನದಲ್ಲಿ ಸಾಂಪ್ರಾದಾಯಿಕ ಬದ್ಧ ವೈರಿಗಳಾದ ಭಾರತ ಹಾಗೂ ಪಾಕಿಸ್ತಾನ ತಂಡಗಳು ಮುಖಾಮುಖಿಯಾಗುತ್ತಿದೆ.
ಈ ನಡುವೆ ಭಾರತೀಯ ಯೋಧ ಅಭಿನಂದನ್ ವರ್ಧಮಾನ್ ಅಣಕವಾಡಿದ ಪಾಕಿಸ್ತಾನ ಚಾನೆಲ್ ಜಾಹೀರಾತು ಪ್ರದರ್ಶಿಸಿರುವುದು ಅಭಿಮಾನಿಗಳಲ್ಲಿ ತೀವ್ರ ಅಸಮಾಧಾನಕ್ಕೆ ಕಾರಣವಾಗಿತ್ತು. ಬಾಲಾಕೋಟ್ ದಾಳಿಯ ವೇಳೆ ಪಾಕಿಸ್ತಾನ ಯುದ್ಧ ವಿಮಾನಗಳನ್ನು ಅಟ್ಟಾಡಿಸಿಕೊಂಡು ಹೋಗಿದ್ದ ವಿಂಗ್ ಕಮಾಂಡರ್ ಅಭಿನಂದನ್ ವರ್ಧಮಾನ್‌ರನ್ನು ಸೆರೆ ಹಿಡಿದ ಪಾಕಿಸ್ತಾನ ಆರ್ಮಿ ವಿಚಾರಣೆಗೊಳಪಡಿಸಿತ್ತು.
ಇದನ್ನೇ ಇಟ್ಟುಕೊಂಡು ಪಾಕಿಸ್ತಾನ ಅವಮಾನವೀಯ ರೀತಿಯಲ್ಲಿ ಜಾಹೀರಾತು ನಿರ್ಮಿಸಿತ್ತು. ಅಲ್ಲದೆ ಕಪ್ ಎಲ್ಲಿಗೆ ತೆಗೆದುಕೊಂಡು ಹೋಗುತ್ತಿದ್ದೀಯಾ ಎಂದು ಟೀಕಿಸಿದ್ದರು.
ಇದಕ್ಕೀಗ ಬಾಲಿವುಡ್ ನಟಿ ಪೂನಂ ನಟಿ ತಕ್ಕ ಉತ್ತರ ನೀಡಿದ್ದಾರೆ. ಇನ್‌ಸ್ಟಾಗ್ರಾಂ ಪುಟದಲ್ಲಿ ವೀಡಿಯೋ ಹಂಚಿಕೊಂಡಿರುವ ಪೂನಂ ನಾನು ನಿನ್ನೆಯಷ್ಟೇ ವಾಟ್ಸಪ್‌ನಲ್ಲಿ ಪಾಕಿಸ್ತಾನ ಜಾಹೀರಾತು ನೋಡಿದೆ. ವಾರ್ ಹೀರೊರನ್ನು ತಮಾಷೆ ಮಾಡುತ್ತಿರುವರೇ? ನೋಡಿ ಪಾಕಿಸ್ತಾನ. ಇದು ಸರಿಯಲ್ಲ. ಇದುವೇ ನೋಡಿ ನಿಮ್ಮ ಜಾಹೀರಾತಿಗಿರುವ ನನ್ನ ಉತ್ತರ ಎಂದು ಹೇಳುತ್ತಾ ಯಾಕೆ ಟೀ ಕಪ್‌ಗಾಗಿ ಸಂತುಷ್ಟಿಗೊಳ್ಳುವೀರಾ? ನಿಜವಾಗ್ಲೂ ಡಿ ಕಪ್ ಇದೆ. ಡಬಲ್ ಡಿ ಕಪ್. ನೀವಿದರಲ್ಲಿ ಚಾಹಾ ಸಹ ಕುಡಿಯಬಹುದು ಎಂದು ತಕ್ಕ ಉತ್ತರ ನೀಡಿದರು.
ಪಾಕ್ ವೀಡಿಯೋದಲ್ಲಿ ಏನಿದೆ?
ಜೂನ್‌ 16ರಂದು ಭಾರತ ಹಾಗೂ ಪಾಕಿಸ್ತಾನ ನಡುವೆ ಹೈವೋಲ್ಟೇಜ್‌ ಪಂದ್ಯ ನಡೆಯಲಿರುವ ಹಿನ್ನೆಲೆಯಲ್ಲಿ ಅಲ್ಲಿನ ‘ಜಾಜ್‌ ಟಿವಿ’, 33 ಸೆಕೆಂಡ್‌ಗಳ ಜಾಹೀರಾತನ್ನು ಪ್ರಸರಣ ಮಾಡುತ್ತಿದೆ. ಅದರಲ್ಲಿ ಅಭಿನಂದನ್ ರೀತಿ ಮೀಸೆ ಬಿಟ್ಟಿರುವ ವ್ಯಕ್ತಿಯೊಬ್ಬ ಟೀಮ್‌ ಇಂಡಿಯಾದ ಜರ್ಸಿ ಬಣ್ಣದ ಟೀ ಶರ್ಟ್‌ ಧರಿಸಿ ಟೀ ಕಪ್ ಹಿಡಿದುಕೊಂಡು ಕುಳಿತಿರುತ್ತಾನೆ. ಆತನನ್ನು ಗಡಸು ಧ್ವನಿಯೊಂದು ವಿಚಾರಣೆ ನಡೆಸುತ್ತಿರುತ್ತದೆ.
ನಿಮ್ಮ ಹನ್ನೊಂದರ ಬಳಗದ ಬಗ್ಗೆ ಹೇಳು ಎಂದು ಆ ಧ್ವನಿ ಕೇಳಿದಾಗ ‘ನಾನು ಆ ಬಗ್ಗೆ ಹೇಳುವ ಹಾಗಿಲ್ಲ’ (ಐ ಆ್ಯಮ್‌ ನಾಟ್‌ ಸಪೋಸ್‌ ಟು ಟೆಲ್‌ ಯು ದಿಸ್‌) ಎಂದು ಅಭಿನಂದನ್ ವೇಷಧಾರಿ ಉತ್ತರಿಸುತ್ತಾನೆ. ಟಾಸ್‌ ಗೆದ್ದರೆ ನಿಮ್ಮ ಯೋಜನೆ ಏನು ಎನ್ನುವ ಪ್ರಶ್ನೆಗೆ, ಮತ್ತದೇ ಉತ್ತರ ನೀಡುತ್ತಾನೆ. ಈ ವೇಳೆ ತನಿಖಾಧಿಕಾರಿ ‘ಟೀ ಹೇಗಿದೆ’ ಎಂದು ಪ್ರಶ್ನಿಸುತ್ತಾನೆ. ಈ ವೇಳೆ ‘ಚೆನ್ನಾಗಿದೆ’ ಎನ್ನುತ್ತಾನೆ. ಬಳಿಕ ತನಿಖಾಧಿಕಾರಿ ನೀನಿನ್ನು ಹೊರಡಬಹುದು ಎನ್ನುತ್ತಾನೆ. ಅಭಿನಂದನ್ ವೇಷಧಾರಿ ಹೊರಡುತ್ತಾನೆ. ತಕ್ಷಣ ಆತನನ್ನು ತಡೆಯುವ ತನಿಖಾಧಿಕಾರಿ ‘ಒಂದ್ನಿಮಿಷ ನಿಲ್ಲು, ಕಪ್ ಎಲ್ಲಿಗೆ ತೆಗೆದುಕೊಂಡು ಹೋಗುತ್ತಿದ್ದೀಯಾ’ ಎಂದು ಟೀ ಕಪ್ ವಾಪಸ್‌ ಕಸಿದುಕೊಳ್ಳುತ್ತಾರೆ.
Comments are closed.