ಮುಂಬೈ

ಉದ್ಯೋಗಕ್ಕಾಗಿ ಉತ್ತರದ ಪ್ರತಿಭೆಗಳು ದಕ್ಷಿಣಕ್ಕೆ ವಲಸೆ

Pinterest LinkedIn Tumblr


ಮುಂಬಯಿ: ದಕ್ಷಿಣ ಭಾಗದಲ್ಲಿ ನವೋದ್ಯಮಗಳು, ಇ-ಕಾಮರ್ಸ್‌, ರಿಟೈಲ್‌ ಫರ್ಮ್‌ ವಹಿವಾಟುಗಳು, ಗುಣಮಟ್ಟದ ಶಿಕ್ಷಣ ಸಂಸ್ಥೆಗಳು ವೃದ್ಧಿಸುತ್ತಿದ್ದು, ಉದ್ಯೋಗಾವಕಾಶಗಳು ಹೆಚ್ಚುತ್ತಿರುವ ಈ ದಿನಗಳಲ್ಲಿ ಉದ್ಯೋಗ ನೇಮಕ ಏಜೆನ್ಸಿಗಳು ಹೊಸ ಸವಾಲು ಎದುರಿಸುತ್ತಿವೆ. ಅದೇ ಪ್ರತಿಭೆಗಳ ಮಹಾವಲಸೆ ಪ್ರಕ್ರಿಯೆ. ಉತ್ತರ ಭಾಗದಿಂದ ಬೆಂಗಳೂರು, ಹೈದರಾಬಾದ್‌, ಚೆನ್ನೈಗಳತ್ತ ಬ್ಲ್ಯೂ ಕಾಲರ್‌ ಉದ್ಯೋಗಿಗಳು ಹೆಜ್ಜೆ ಹಾಕುತ್ತಿದ್ದಾರೆ.

ಉದ್ಯೋಗಾವಕಾಶಗಳು ದಕ್ಷಿಣಭಾಗದಲ್ಲಿ ಗರಿಗೆದರಿಕೊಳ್ಳುತ್ತಿದ್ದರೆ, ಅದಕ್ಕೆ ಅಗತ್ಯವಿರುವ ಪ್ರತಿಭೆಗಳು ಉತ್ತರ ಭಾಗದಲ್ಲಿವೆ.

ರಾಂಡ್‌ಸ್ಟದ್‌ ರಿಕ್ರೂಟ್‌ಮೆಂಟ್‌ ಏಜೆನ್ಸಿ ನೀಡುಬವ ಅಂಕಿ-ಅಂಶಗಳ ಪ್ರಕಾರ, ಅದರ ನೇಮಕಾತಿಯಲ್ಲಿ ಶೇ ದಕ್ಷಿಣದವರು ಶೇ 40, ಪಶ್ಚಿಮದವರು 28%, ಉತ್ತರದವರು 25% , ಪೂರ್ವದವರು 7%. ರಷ್ಟು ಮಂದಿಯಿದ್ದಾರೆ.

ಟೀಂ ಲೀಸ್‌ ಸರ್ವಿಸ್‌ನ ಋತುಪರ್ಣ ಚಕ್ರವರ್ತಿ ಪ್ರಕಾರ, ಎಲ್ಲಿ ಅರ್ಹತೆಗೆ ಹೆಚ್ಚಿನ ಬೇಡಿಕೆಯಿದೆಯೋ ಅಲ್ಲಿಗೆ ಜನ ತೆರಳುತ್ತಾರೆ. ಹೀಗಾಗಿ ಉತ್ತರದಿಂದ ದಕ್ಷಿಣದತ್ತ ಬರುತ್ತಿದ್ದಾರೆ . ಅವರ ಸಂಸ್ಥೆಯ ನೇಮಕಾತಿಯಲ್ಲೂ ದಕ್ಷಿಣ ಮತ್ತು ಪಶ್ಚಿಮದವರು 70% ಹತ್ತಿರವಿದ್ದಾರಷ್ಟೆ.

ಮಧ್ಯಮಕ್ಕಿಂತ ಮೇಲಿನ ಪ್ರತಿಭೆಗಳ ನೇಮಕದಲ್ಲಿ ಕಂಪೆನಿಗಳು ಸಂದಿಗ್ಧ ಎದುಸುತ್ತಿದ್ದು, ಭಾರತದಾದ್ಯಂತ ಅದರಲ್ಲೂ ಉತ್ತರ ಭಾಗದಿಂದ ಪ್ರತಿಭೆಗಳ ಹುಡುಕಾಟ ನಡೆಸುತ್ತಿದೆ ಎಂದು ಬೆಂಗಳೂರಿನ ಟ್ಯಾಲಿ ಸೊಲ್ಯುಷನ್ಸ್‌ನ ಮುಖ್ಯಸ್ಥ ಕನಕ ಬರುವಾ ಹೇಳಿದ್ದಾರೆ.

ಈಗ ಜನರು ಭಾಷೆ, ಆಹಾರ ಪದ್ಧತಿಯ ಕಾರನ ಮುಂದಿಟ್ಟು ಬೇರೆ ಕಡೆಗೆ ಹೋಗುವುದನ್ನು ತಪ್ಪಿಸಿಕೊಳ್ಳುವ ಪ್ರವೃತ್ತಿ ಇಲ್ಲವಾಗಿದೆ. ಕಂಪೆನಿ ಉತ್ತಮ ಅವಕಾಶಗಳನ್ನು ನೀಡಿದರೆ ಎಲ್ಲಾದರೂ ಹೋಗಲು ಸಿದ್ಧವಿದ್ದಾರೆ. ಹೈದರಾಬಾದ್‌, ಬೆಂಗಳೂರು, ಚೆನ್ನೈಗಳಿಗೆ ನಾನಾ ಭಾಗಗಳಿಂದ ಉದ್ಯೋಗಕ್ಕೆ ಜನರ ಹರಿವು ಇರುವುದರಿಂದ ಈ ನಗರಗಳಲ್ಲಿ ಸಾಂಸ್ಕೃತಿಕ ವೈವಿಧ್ಯತೆ ಬೆಳೆಯುತ್ತಿದೆ. ಚೆನ್ನೈನಲ್ಲೂ ಜನ ಹಿಂದಿಯಲ್ಲಿ ಸಂಭಾಷಣೆ ನಡೆಸುತ್ತಾರೆ ಎಂದು ಬರುವಾ ವಿಶ್ಲೇಷಿಸುತ್ತಾರೆ.

ದಕ್ಷಿಣವು ಭಾರತದ ಏಳು ವಿಶಾಲ ನಗರ ಕೇಂದ್ರಗಳಲ್ಲಿ ಮೂರನ್ನು ಒಳಗೊಂಡಿದ್ದು, ಇಲ್ಲಿ ಒಟ್ಟು ಆಗುವ ಉದ್ಯೋಗ ಸೃಷ್ಟಿಯಲ್ಲಿ ಅರ್ಧಕ್ಕಿಂತಲೂ ಹೆಚ್ಚಿನ ಉದ್ಯೋಗ ಔಪಚಾರಿಕ ವಲಯದಲ್ಲಿರುತ್ತದೆ. ಪದವೀಧರರಿಗೆ ಉದ್ಯೋಗ ನೀಡುವಲ್ಲಿ ಐಟಿ ಇಂಡಸ್ಟ್ರಿ ಪ್ರಮುಖ ಪಾತ್ರ ವಹಿಸುತ್ತಿದೆ.

Comments are closed.