ಪೂಜೆ ಮಾಡೋಣ ಬಾ ಎಂದು ಬಾಲಕಿಯನ್ನು ಕರೆದು ಹಾಸಿಗೆಗೆಳೆಯುತ್ತಿದ್ದ ಮಾಂತ್ರಿಕ ಅರೆಸ್ಟ್

ಮುಂಬೈ: ನೆರೆಮನೆಯಲ್ಲಿ ವಾಸವಾಗಿದ್ದ ಮಾಂತ್ರಿಕನೊಬ್ಬ ತಮ್ಮ ಪುತ್ರಿಯ ಮೇಲೆ ಐದು ವರ್ಷಗಳಿಂದ ಅತ್ಯಾಚಾರವೆಸಗುತ್ತಿದ್ದಾನೆ ಎಂದು ಬಾಲಕಿಯ ತಾಯಿ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾಳೆ
ಮನೆಯಲ್ಲಿ ಪೂಜೆ ಮಾಡಬೇಕು ಬಾ ಎಂದು ಬಾಲಕಿಯನ್ನು ಮಾಂತ್ರಿಕ ನಾಗೇಶ್ ಭಂಡಾರಿ ಕರೆಯುತ್ತಿದ್ದ. ಇದನ್ನು ಗಂಭೀರವಾಗಿ ಪರಿಗಣಿಸದ ಪೋಷಕರು ಒಳ್ಳೆಯ ಕೆಲಸಕ್ಕಾಗಿ ಕರೆಯುತ್ತಿದ್ದಾನೆ ಯಾಕೆ ಅಡ್ಡಿಪಡಿಸಬೇಕು ಎಂದು ಮಗಳನ್ನು ಕಳುಹಿಸುತ್ತಿದ್ದರು.

ಆದರೆ, ನಿರಂತರವಾಗಿ ಪುತ್ರಿಯ ದೇಹದಲ್ಲಾಗುತ್ತಿರುವ ಬದಲಾವಣೆಗಳು ಕಂಡು ಪೋಷಕರಿಗೆ ಅನುಮಾನ ಉಂಟಾಗಿದೆ. ಕೆಲ ದಿನಗಳ ಹಿಂದೆ ಪುತ್ರಿಯನ್ನು ಮಾಂತ್ರಿಕ ಕರೆದಾಗ ಅನುಮಾನಗೊಂಡ ಪೋಷಕರು ಪುತ್ರಿಯನ್ನು ಹಿಂಬಾಲಿಸಿ ಹೋಗಿದ್ದಾರೆ. ಆದರೆ, ಮನೆಯಲ್ಲಿ ಮಾಂತ್ರಿಕ ಪೂಜೆ ಮಾಡುವುದರ ಬದಲಿಗೆ ಬಾಲಕಿಯೊಂದಿಗೆ ಸೆಕ್ಸ್‌ನಲ್ಲಿ ತೊಡಗಿರುವುದು ನೋಡಿ ಆಘಾತಗೊಂಡಿದ್ದಾರೆ.

ಮನೆಗೆ ಬಂದ ಪುತ್ರಿಯನ್ನು ಪೋಷಕರು ವಿಚಾರಣೆ ನಡೆಸಿದಾಗ ಹಲವು ವರ್ಷಗಳಿಂದ ಅತ್ಯಾಚಾರವೆಸಗುತ್ತಿದ್ದಾನೆ ಎಂದು ತಿಳಿಸಿದ್ದಾಳೆ.

ಆರೋಪಿ ನಾಗೇಶ್ ಭಂಡಾರಿಯನ್ನು ಬಂಧಿಸಿರುವ ಪೊಲೀಸರು ಆತನ ವಿರುದ್ಧ ಪೋಸ್ಕೋ ಕಾಯ್ದೆಯಡಿ ಪ್ರಕರಣ ದಾಖಲಿಸಿದ್ದಾರೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.