ಮುಂಬೈ: ಟಾಟಾ ಮೋಟಾರ್ಸ್ ಹೊಸ ವಿನ್ಯಾಸದ ಟಾಟಾ ಜೆನ್‌ಎಕ್ಸ್ ನ್ಯಾನೋ ಕಾರನ್ನು ಮಂಗಳವಾರ ಮಾರುಕಟ್ಟೆಗೆ ಬಿಡುಗಡೆ ಮಾಡಿದ್ದು, ಹೊಸ ಕಾರಿನ ಬೆಲೆ 1.99 ಲಕ್ಷದಿಂದ 2.89 ಲಕ್ಷ(ಎಕ್ಸ್ ಶೋರೂಂ ಬೆಲೆ)ದವರೆಗಿದೆ.
ಮ್ಯಾನುವಲ್‌ನಲ್ಲಿ ಮೂರು ಮಾದರಿಗಳು(ಎಕ್‌ಇ, ಎಕ್ಸ್‌ಎಂ ಮತ್ತು ಎಕ್ಸ್‌ಟಿ) ಹಾಗೂ ಆಟೋಮ್ಯಾಟಿಕ್‌ನಲ್ಲಿ ಎರಡು ಮಾದರಿ(ಎಕ್ಸ್‌ಎಂಎ ಮತ್ತು ಎಕ್ಸ್‌ಟಿಎ)ಗಳನ್ನು ಬಿಡುಗಡೆ ಮಾಡಲಾಗಿದ್ದು, ಆಟೋಮ್ಯಾಟಿಕ್ ಮಾದರಿಯ ಬೆಲೆ 2.69 ಲಕ್ಷ.
ಹೊಸ ನ್ಯಾನೋ ಹಲವಾರು ಬದಲಾವಣೆಗಳಿಗೆ ಒಗ್ಗಿಕೊಂಡಿದೆ. ನ್ಯಾನೋ ಕಾರಿನ ಮುಂಭಾಗದಲ್ಲಿ ಹೊಸ ಬಂಪರ್, ಹೆಡ್ ಲ್ಯಾಂಪ್, ಗ್ರಿಲ್ಸ್‌ನಂತಿರುವ ಪ್ಲಾಸ್ಟಿಕ್ ಸ್ಟ್ರಾಪ್ ಬದಲಾವಣೆಯ ಕುರುಹು ನೀಡುತ್ತದೆ. ಅದೇ ವೇಳೆ ಫೋಗ್ ಲ್ಯಾಂಪ್, ಸ್ಮೋಕ್‌ಡ್ ಹೆಡ್ ಲ್ಯಾಂಪ್‌ಗಳಿಂದಾಗಿ ನ್ಯಾನೋಗೆ ಹೊಸ ಲುಕ್ ಬಂದಿದೆ. ಕಾರಿನ ಹಿಂಭಾಗದಲ್ಲಿನ ಬದಲಾವಣೆಯೆಂದರೆ ತೆರೆಯಲ್ಪಡುವ ಡಿಕ್ಕಿ ಮಾತ್ರ. ಡಿಕ್ಕಿಯಲ್ಲಿ ಸಾಧಾರಣ ದೊಡ್ಡದೇ ಎನ್ನುವಷ್ಟು ಜಾಗವೂ ಇದೆ.
