ಬೆಂಗಳೂರು: ಕೊರೊನಾ ವೈರಸ್‌ನಿಂದಾಗಿ ಇಡೀ ದೇಶವೇ ಬದಲಾಗುತ್ತಿದೆ. ಸ್ವಚ್ಚತೆ, ಸುರಕ್ಷತೆಗೆ ಹೆಚ್ಚಿನ ಆದ್ಯತೆ ನೀಡಲಾಗುತ್ತಿದೆ. ಹಲವಾರು ಮುನ್ನೆಚ್ಚರಿಕಾ ಕ್ರಮಗಳ ಮೂಲಕ ರೆಸ್ಟೋರೆಂಟ್‌ಗಳು ಇಂದಿನಿಂದ ಕಾರ್ಯಾರಂಭಗೊಂಡಿವೆ. ವಾಹನ ಪಾರ್ಕಿಂಗ್‌ ಮಾಡುವುದರಿಂದ ಆರಂಭವಾಗಿ ಆಹಾರ ಸೇವಿಸುವವರೆಗೂ ಎಲ್ಲಾವೂ ಬದಲಾಗಿದೆ. ತಮಗೆ ತಾವೇ ಹೊಸ ನಿಯಮಗಳನ್ನ ರಚಿಸಿಕೊಂಡಿದ್ದಾರೆ. ಬೆಂಗಳೂರಿನ ಪ್ರತಿಷ್ಠಿತ ಐಟಿಸಿ ಗಾರ್ಡೇನಿಯಾ ಸೇರಿ ರೆಸ್ಟೋರೆಂಟ್‌ ಹಾಗೂ ರೂಮ್‌ಗಳು ನೀಡುವ ಸ್ಟಾರ್‌ ಹೋಟೆಲ್‌ಗಳಲ್ಲಿ ಯಾವ ರೀತಿ ಮುನ್ನೆಚ್ಚರಿಕಾ ಕ್ರಮಗಳನ್ನ ಕೈಗೊಳ್ಳಲಾಗುತ್ತಿದೆ ಅನ್ನುವುದರ ಮಾಹಿತಿ ಇಲ್ಲಿದೆ.
ಏನೆಲ್ಲಾ ಬದಲಾವಣೆ!
ರೆಸ್ಟೋರೆಂಟ್‌ಗೆ ಕಾರಿನ ಮೂಲಕ ಬಂದರೆ ಆ ವಾಹನವನ್ನ ಅಲ್ಲಿನ ಸಿಬ್ಬಂದಿ ಚಲಾಯಿಸಿಕೊಂಡು ಹೋಗಿ ಪಾರ್ಕ್‌ ಮಾಡುವುದು ರೂಢಿ. ಸದ್ಯದ ಮಟ್ಟಿಗೆ ಸೆಲ್ಫ್‌ ಡ್ರೈವ್‌ ಮಾಡಿ ಪಾರ್ಕ್‌ ಮಾಡಲು ಪ್ರೋತ್ಸಾಹಿಸಲಾಗುತ್ತಿದೆ.
ರೆಸ್ಟೋರೆಂಟ್‌ಗೆ ಬರುವ ಕಾರಿನ ಡೋರನ್ನ ಅಲ್ಲಿನ ಸಿಬ್ಬಂದಿ ತೆರೆದು, ಒಳಗಿರುವ ಗೆಸ್ಟ್‌ಗಳು ಹೊರಬರುವವರೆಗೆ ಬಾಗಿಲನ್ನ ಹಿಡಿದಿಟ್ಟುಕೊಂಡಿರುತ್ತಾರೆ. ಸದ್ಯ ಸ್ವಯಂ ಬಾಗಿಲು ತೆರೆಯುವಂತೆ ಪ್ರೋತ್ಸಾಹ
ರೆಸ್ಟೋರೆಂಟ್‌ಗೆ ಬರುವ ಎಲ್ಲಾ ಕಾರುಗಳನ್ನ ಸಂಪೂರ್ಣವಾಗಿ ಸ್ಯಾನಿಟೈಸ್‌ ಮಾಡಲಾಗುತ್ತೆ
ಹಾಗೇ ಇಲ್ಲಿಗೆ ಬರುವ ಎಲ್ಲಾ ಅತಿಥಿಗಳಿಗೂ ಸರಿಯಾಗಿ ಥರ್ಮಲ್‌ ಪರೀಕ್ಷೆ ನಡೆಸಲಾಗುತ್ತಿದೆ
ರೆಸ್ಟೋರೆಂಟ್‌ಗೆ ಬರುವ ಅತಿಥಿಗಳಿಗೆ ಇಲ್ಲಿವೆ ನಿಯಮ!
ರೆಸ್ಟೋರೆಂಟ್‌ಗೆ ಆಗಮಿಸುವ ಅತಿಥಿಗಳಿಗೆ ಆರಂಭದಲ್ಲೇ ಒಂದು ಪೌಚನ್ನ ನೀಡಲಾಗುತ್ತೆ. ಇದರಲ್ಲಿ ಎರಡು ಹ್ಯಾಂಡ್‌ ಗ್ಲೌಸ್‌, ಒಂದು ಸ್ಯಾನಿಟೈಸರ್‌ ಬಾಟಲ್‌ ಹಾಗೂ ಮಾಸ್ಕ್‌ ಇರುತ್ತದೆ.
ಇನ್ನು ರೆಸ್ಟೋರೆಂಟ್‌ಗಳಲ್ಲಿರುವ ಚೇರ್‌, ಟೇಬಲ್‌ಗಳನ್ನ ಸಾಮಾಜಿಕ ಅಂತರ ಪಾಲನೆ ದೃಷ್ಟಿಯಿಂದ ದೂರ ದೂರ ಇಡಲಾಗಿದೆ.
ರೆಸ್ಟೋರೆಂಟ್‌ನಲ್ಲಿ ಯಾವುದೇ ರೀತಿಯ ಮೆನು ಕಾರ್ಡ್‌ ಇರುವುದಿಲ್ಲ. ಅಲ್ಲಿನ ಕ್ಯೂರ್‌ ಕೋಡ್‌ ಮೂಲಕ ಮೆನು ಮೊಬೈಲ್‌ನಲ್ಲಿ ಪಡೆದು ಆರ್ಡರ್‌ ಮಾಡಬಹುದು.
ಆಹಾರ ಕೂಡ ಅಷ್ಟೇ ನೀಟಾಗಿ ಟೇಬಲ್‌ಗೆ ತರಲಾಗುತ್ತೆ. ಆಹಾರವನ್ನ ಪೇಪರ್‌ಗಳಿಂದ ಮುಚ್ಚಿ ತಂದರೆ, ಪಾನೀಗಳನ್ನು ಕವರಪ್‌ ಮಾಡಲಾಗಿರುತ್ತೆ.
ಆಹಾರವನ್ನ ಅತಿಥಿಗಳೇ ಬಡಿಸಿಕೊಂಡರೆ, ಪಾನೀಯವನ್ನ ಲೋಟದಲ್ಲಿ ಹಾಕಿಕೊಳ್ಳಬೇಕಾಗುತ್ತದೆ. ಇನ್ನು ಪೇಮೆಂಟ್‌ ಕೂಡ ಡಿಜಿಟಲ್‌ ಅಲ್ಲೇ ಇರುತ್ತದೆ.
ಅತಿಥಿಗಳೊಂದಿಗೆ ಮಾತುಕತೆ ನಡೆಸುವ ಸಿಬ್ಬಂದಿ ಗ್ಲೌಸ್‌, ಮುಖಕ್ಕೆ ಮಾಸ್ಕ್‌ ಹಾಗೂ ಕೂದಲಿಗೆ ನೆಟ್‌ ಹಾಕಿ ಕಾರ್ಯಾಚರಿಸುವುದು ನಿಯಮ
ಇನ್ನು ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಐಟಿಸಿ ಗಾರ್ಡೇನಿಯಾದ ಜಿಎಂ ಅಮನ್‌.ಆರ್‌. ಕಿದ್ವಾಯಿ, ‘ಅತಿಥಿಗಳನ್ನ ಸ್ವಾಗತಿಸುವ ರಿಸೆಪ್ಷನಿಸ್ಟ್‌ಗಳಿಗೂ ಗ್ಲಾಸ್ ಪ್ರೂಫ್‌ ಮಾಡಿಸಿದ್ದೇವೆ. ಎಲ್ಲೆಲ್ಲಿ ಸಿಬ್ಬಂದಿ ಹಾಗೂ ಅತಿಥಿಗಳ ಸಂಪರ್ಕ ತಪ್ಪಿಸಲು ಸಾಧ್ಯವೋ, ಅಲ್ಲಿ ಮಾಡಲು ಪ್ರಯತ್ನಿಸಿದ್ದೇವೆ. ಎಲ್ಲರ ಸುರಕ್ಷತೆ ಬಹಳ ಮುಖ್ಯ’ ಎಂದು ತಿಳಿಸಿದ್ದಾರೆ.
ರೂಂಗೆ ಬರುವ ಅತಿಥಿಗಳಿಗೆ ನಿಯಮ ಹೀಗಿವೆ!
ರೆಸ್ಟೋರೆಂಟ್‌ಗೆ ಬೇರೆ ರೀತಿಯ ನಿಮಯಗಳಾದ್ರೆ ರೂಂ ಚೆಕ್‌ ಇನ್‌ಗೆ ಬರುವವರಿಗೂ ಕೆಲವೊಂದು ನಿಮಯಗಳನ್ನ ರೆಡಿ ಮಾಡಲಾಗಿದೆ. ಚೆಕ್‌ ಇನ್‌ ಡೆಸ್ಕ್‌ಗಳಲ್ಲಿ ಹೆಚ್ಚು ಸಮಯ ಅತಿಥಿಗಳು ವ್ಯಯಿಸುವುದನ್ನ ತಡೆಯಲು ಮೊದಲೇ ಸ್ವಯಂ ಘೋಷಣೆ ಪತ್ರಗಳನ್ನ ಅತಿಥಿಗಳಿಗೆ ಕಳುಹಿಸುತ್ತಿದ್ದಾರಂತೆ. ಇನ್ನು ಚೆಕ್‌ ಇನ್‌ ಡೆಸ್ಕ್‌ನಲ್ಲಿ ಬಳಸುವ ಎಲ್ಲಾ ವಸ್ತುಗಳಿಗೆ(ಪೆನ್‌) ಸ್ಯಾನಿಟೈಸ್‌ ಮಾಡಲಾಗುತ್ತಂತೆ.
ಲಿಫ್ಟ್‌ ಹಾಗೂ ಬಾಗಿಲುಗಳ ಹ್ಯಾಂಡಲ್‌ಗಳನ್ನ 60 ನಿಮಿಷಕೊಮ್ಮೆ ಸ್ಯಾನಿಟೈಸ್‌ ಮಾಡಲಾಗುತ್ತಂತೆ. ಇನ್ನು ಈ ಹಿಂದೆ ಅತಿಥಿಗಳಿಗೆ ಕೊಠಡಿ ತೋರಿಸಲು ಸಿಬ್ಬಂದಿ ತೆರಳುತ್ತಿದ್ದರು. ಆದರೆ ಇದೀಗ ಈ ಸಂಪ್ರದಾಯಕ್ಕೆ ಬ್ರೇಕ್‌ ಹಾಕಲಾಗಿದೆ. ಅಲ್ಲದೇ ಆಹಾರ ಕೂಡ ಆರ್ಡರ್‌ ಮಾಡಿದರೆ, ಅವರ ರೂಂನ ಮುಂಭಾಗ ಇಡುವಂತಹ ಕ್ರಮಗಳನ್ನ ಕೈಗೊಳ್ಳಲಾಗಿದೆ.
ಇನ್ನು ಅತಿಥಿ ರೂಂ ಬಿಟ್ಟು ಹೋದ ನಂತರ 24 ಗಂಟೆ ಆ ಕೊಠಡಿಯನ್ನ ಯಾರಿಗೂ ನೀಡುವುದಿಲ್ಲವಂತೆ. ಅಲ್ಲದೆ ಪಿಪಿಇ ಕಿಟ್‌ಗಳನ್ನ ಧರಿಸಿಯೇ ಆ ರೂಂಗಳನ್ನ ಸ್ವಚ್ಚಗೊಳಿಸಲಾಗುತ್ತೆ ಎಂದು ಐಟಿಸಿ ಗಾರ್ಡೇನಿಯಾದ ಜಿಎಂ ಮಾಹಿತಿ ನೀಡಿದ್ದಾರೆ.
Comments are closed.