ಕೋಲಾರ: ಕೆಜಿಎಫ್ ಮಾಜಿ ಶಾಸಕರ ಕುಟುಂಬಕ್ಕೆ ಮತ್ತೊಂದು ಆಘಾತವಾಗಿದ್ದು ಮಾಜಿ ಶಾಸಕ ಭಕ್ತವತ್ಸಲಂ ಅಂತ್ಯಕ್ರಿಯೆಗೂ ಮುನ್ನವೇ ಅವರ ಸೋದರ ಮೃತಪಟ್ಟಿದ್ದಾರೆ.
ಭಕ್ತವತ್ಸಲಂ ಸೋದರ ಗುಣಶೇಖರನ್ ಸಹ ಅನಾರೋಗ್ಯದಿಂದ ಬಳಲುತ್ತಿದ್ದು, ಇಂದು ಬೆಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ.
ಅಣ್ಣನ ಅಂತ್ಯ ಸಂಸ್ಕಾರಕ್ಕೂ ಮುಂಚೆಯೇ ಮಾಜಿ ಶಾಸಕರ ಸೋದರ ಮೃತಪಟ್ಟಿದ್ದು, ಮೊದಲೇ ಶೋಕಾಚರಣೆಯಲ್ಲಿದ್ದ ಕುಟುಂಬ ವರ್ಗಕ್ಕೆ ಮತ್ತೊಂದು ಆಘಾತ ಎದುರಾದಂತಾಗಿದೆ. ಗುಣಶೇಖರನ್ ಕಿಡ್ನಿ ಸಮಸ್ಯೆ ಸೇರಿ ಇನ್ನಿತರ ಅನಾರೋಗ್ಯದಿಂದ ಬಳಲುತ್ತಿದ್ದರು ಎನ್ನಲಾಗಿದೆ.
ಎಂ.ಭಕ್ತಭತ್ಸಲಂ (60) ಅವರು ಹೃದಯ ಸಂಬಂಧಿ ಕಾಯಿಲೆಯಿಂದ ಬಳಲುತ್ತಿದ್ದು, ಕೋಲಾರದ ಆರ್.ಎಲ್.ಜಾಲಪ್ಪ ಆಸ್ಪತ್ರೆಯಲ್ಲಿ ಬುಧವಾರ ರಾತ್ರಿ ನಿಧನರಾಗಿದ್ದರು.ಇವರು ಮೂರು ಬಾರಿ ಶಾಸಕರಾಗಿ, 5 ಬಾರಿ ಕೆಜಿಎಫ್ ನಗರಸಭೆ ಅಧ್ಯಕ್ಷರಾಗಿದ್ದರು.
Comments are closed.