ಹಾಸ್ಟೆಲ್​ಗೆ ಬೆತ್ತಲೆಯಾಗಿ ಹೋಗುತ್ತಿದ್ದ ವಿಕೃತ ಕಾಮಿ ಬಂಧನ

ಚಿತ್ರದುರ್ಗ: ಹಾಸ್ಟೆಲ್​​​ಗಳಿಗೆ ಬೆತ್ತಲೆಯಾಗಿ ನುಗ್ಗಿ ಮಹಿಳೆಯರ ಒಳಉಡುಪು ಕದಿಯುತ್ತಿದ್ದ ವಿಕೃತ ಕಾಮಿಯನ್ನು ಪೊಲೀಸರು ಬಂಧಿಸಿದ್ದಾರೆ.

ಚಿಕ್ಕಮಗಳೂರು ಜಿಲ್ಲೆ ತರೀಕೆರೆ ತಾಲೂಕಿನ ಶಿವನಿ ಗ್ರಾಮದವನಾದ ಕಲ್ಲೇಶ(27), ಚಿತ್ರದುರ್ಗದ ಹೊಸದುರ್ಗದಲ್ಲಿದ್ದ ಹಾಸ್ಟೆಲ್​ಗೆ ಬೆತ್ತಲೆಯಾಗಿ ನುಗ್ಗಿ ಅಲ್ಲಿ ಸಿಗುವ ಮಹಿಳೆಯರ ಒಳ ಉಡುಪುಗಳನ್ನು ಧರಿಸಿ ಅಸಭ್ಯವಾಗಿ ವರ್ತಿಸುತ್ತಿದ್ದ ದೃಶ್ಯಗಳು ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ದೇವರಾಜ ಅರಸು ಹಿಂದುಳಿದ ವರ್ಗಗಳ ಮೆಟ್ರಿಕ್​ ನಂತರ ಬಾಲಕಿಯರ ವಿದ್ಯಾರ್ಥಿ ನಿಲಯದಲ್ಲಿ ಆತಂಕ ಮೂಡಿಸಿದ್ದ ಕಲ್ಲೇಶನ ವಿರುದ್ಧ ಪೊಲೀಸರಿಗೆ ದೂರು ನೀಡಲಾಗಿತ್ತು. ಹೊಸದುರ್ಗ ಪೊಲೀಸರು ವಿಕೃತ ಕಾಮಿಯನ್ನು ಬಂಧಿಸಿದ್ದಾರೆ.