ಕರ್ನಾಟಕ

ವಿಶ್ವದಲ್ಲೇ ವೇಗವಾಗಿ ಬೆಳೆಯುತ್ತಿದೆ ಬೆಂಗಳೂರು ಮಹಾನಗರ: ಸಮೀಕ್ಷೆ

Pinterest LinkedIn Tumblr

bangalore

ಸಿಂಗಾಪುರ: ಭಾರತದ ಮೂರು ಮೆಟ್ರೊಪಾಲಿಟನ್ ನಗರಗಳಾದ ಕೋಲ್ಕೊತಾ, ಮುಂಬಯಿ ಮತ್ತು ಬೆಂಗಳೂರು ವಿಶ್ವದಲ್ಲಿ ವೇಗವಾಗಿ ಬೆಳೆಯುತ್ತಿರುವ ನಗರಗಳ ಪಟ್ಟಿಯಲ್ಲಿ ಸ್ಥಾನ ಗಳಿಸಿವೆ.

ಲಂಡನ್ ಮೂಲದ ಅಂತಾರಾಷ್ಟ್ರೀಯ ಮ್ಯಾನೇಜ್‌ಮೆಂಟ್ ಕನ್ಸಲ್ಟಿಂಗ್ ಸಮೂಹ ಎ.ಟಿ ಕೇರ್ನ್ಸ್‌ದ ಜಾಗತಿಕ ನಗರಗಳ ಸೂಚ್ಯಂಕದಲ್ಲಿ ಭಾರತದ ಈ ಮೂರು ನಗರಗಳು ಸ್ಥಾನ ಪಡೆದಿವೆ.

ನಗರಗಳ ವಾಣಿಜ್ಯ ಚಟುವಟಿಕೆ, ಮಾಹಿತಿಗಳ ವಿನಿಮಯ, ಮಾನವ ಸಂಪನ್ಮೂಲ, ಸಾಂಸ್ಕೃತಿಕ ಪರಿಸರ ಮತ್ತು ರಾಜಕೀಯದಲ್ಲಿ ಜನತೆಯ ಪಾಲ್ಗೊಳ್ಳುವಿಕೆ ಎಂಬ ಅಂಶಗಳನ್ನು ಮುಖ್ಯವಾಗಿ ಮಾನದಂಡವಾಗಿಟ್ಟುಕೊಂಡು ಈ ಪಟ್ಟಿಯನ್ನು ಸಿದ್ಧಪಡಿಸಲಾಗಿದೆ. ಭಾರತದ ಈ ಮೂರು ನಗರಗಳು ಮುಖ್ಯವಾಗಿ ಮಾಹಿತಿ ವಿನಿಮಯದಲ್ಲಿ ಸುಧಾರಿಸಿವೆ. ಬ್ರಾಡ್‌ಬಾಂಡ್ ಬಳಕೆದಾರರ ಸಂಖ್ಯೆ ಹೆಚ್ಚಾಗಿರುವುದು ಇದಕ್ಕೆ ಕಾರಣವೆಂದು ವರಸಿ ತಿಳಿಸಿದೆ.

ಯಾವುದೇ ನಗರದ ಯಶಸ್ಸಿಗೆ ಮಾನವ ಸಂಪನ್ಮೂಲವನ್ನು ಸೆಳೆಯುವ ಸಾಮರ್ಥ್ಯ ಅಗತ್ಯ. ಇದಕ್ಕಾಗಿ ನಗರಗಳಲ್ಲಿ ವಾಸ್ತವ್ಯಕ್ಕೆ ಪೂರಕ ಪರಿಸರ, ಅವಕಾಶಗಳು ಇರಬೇಕಾಗುತ್ತದೆ. ಭಾರತದ ಪ್ರಮುಖ ನಗರಗಳಲ್ಲಿ ನಗರಾಭಿವೃದ್ಧಿಗೆ ಒತ್ತು ನೀಡಲಾಗುತ್ತಿದೆ. ಸರಕಾರ 100 ಸ್ಮಾರ್ಟ್ ಸಿಟಿಗಳ ಅಭಿವೃದ್ಧಿಗೆ ಮುಂದಾಗಿದೆ ಎಂದು ಎಟಿ ಕೇರ್ನ್ಸ್ ಜತೆ ಪಾಲುದಾರಿಕೆ ಹೊಂದಿರುವ ದೇಬಶೀಷ್ ಮುಖರ್ಜಿ ಹೇಳಿದ್ದಾರೆ. 2008ರಿಂದ ಈ ಪಟ್ಟಿ ಬಿಡುಗಡೆಯಾಗುತ್ತಿದ್ದು, ಗ್ಲೋಬಲ್ ಸಿಟೀಸ್ 2015 ಮತ್ತು ಗ್ಲೋಬಲ್ ಸಿಟೀಸ್ ಇಂಡೆಕ್ಸ್ ಎಂಬ ಎರಡು ವಿಭಾಗವನ್ನು ಒಳಗೊಂಡಿದೆ.

ಜಾಗತಿಕ ನಗರಗಳ ಸೂಚ್ಯಂಕದಲ್ಲಿ ನ್ಯೂಯಾರ್ಕ್ ಮೊದಲ ಸ್ಥಾನ ಮತ್ತು ಲಂಡನ್ ಎರಡನೇ ಸ್ಥಾನದಲ್ಲಿದೆ. ಲಾಸ್ ಏಂಜಲೀಸ್, ಶಿಕಾಗೊ, ಟೊರೊಂಟೊ, ಸನ್ ಫ್ರಾನ್ಸಿಸ್ಕೊ, ಬೋಸ್ಟನ್, ಪ್ಯಾರಿಸ್, ಬ್ರುಸ್ಸೆಲ್ಸ್, ಬರ್ಲಿನ್, ಟೋಕಿಯೊ, ಸಿಂಗಾಪುರ, ಸಿಡ್ನಿ, ಮೆಲ್ಬೋರ್ನ್ ಸ್ಥಾನ ಗಳಿಸಿವೆ.

Write A Comment