ವಯಸ್ಸಾದಂತೆ ತಲೆ ಕೂದಲು ಉದುರುವುದು ಸಾಮಾನ್ಯ. ಕೂದಲು ಉದುರುವಿಕೆಗೆ ಗ್ರಂಥಿಗಳಲ್ಲಿನ ಬದಲಾವಣೆ, ಅನುವಂಶಿಕತೆಯೂ ಕಾರಣವಾಗಿರಬಹುದು. ಸಾಮಾನ್ಯವಾಗಿ ತೀವ್ರವಾದ ಮಾನಸಿಕ ಒತ್ತಡ, ಭಯ, ಆತಂಕ ಕೂಡಾ ಕೂದಲು ನಷ್ಟಕ್ಕೆ ಕಾರಣವಾಗುತ್ತದೆ. ಕೂದಲು ಉದುರುವುದಕ್ಕೆ ಇನ್ನೂ ಹಲವು ಕಾರಣಗಳಿವೆ ಅವು ಇಲ್ಲಿವೆ ನೋಡಿ.
ಒತ್ತಡ: ತೀವ್ರವಾದ ದೈಹಿಕ ಒತ್ತಡ ಮತ್ತು ಮಾನಸಿಕ ಒತ್ತಡ ಕೂದಲು ಉದುರುವಿಕೆಗೆ ಕಾರಣವಾಗುತ್ತದೆ. ದೈಹಿಕ ಒತ್ತಡ ಎಂದರೆ ಹೆರಿಗೆ , ಶಸ್ತ್ರಚಿಕಿತ್ಸೆ, ಹಾಗೂ ಪ್ರಸವದ ನಂತರದ ಹಲವಾರು ತಿಂಗಳುಗಳ ಕಾಲ ಕೂದಲು ವುದುರುವಿಕೆ ಇರಬಹುದು. ತೀವ್ರವಾದ ಮಾನಸಿಕ ಒತ್ತಡ, ಭಯ, ಆತಂಕ ಕೂಡಾ ಕೂದಲು ನಷ್ಟಕ್ಕೆ ಕಾರಣವಾಗುತ್ತದೆ.
ಗ್ರಂಥಿಯಲ್ಲಿನ ಬದಲಾವಣೆಗಳು: ಗರ್ಭಾವಸ್ಥೆ, ಹೆರಿಗೆ, ಅಥವಾ ಮಟ್ಟು, ಅಥವಾ ಮುಟ್ಟು ನಿಲ್ಲುವ ಅವಧಿಯಲ್ಲಿ ದೇಹದಲ್ಲಿ ಆಗುವ ಗ್ರಂಥಿ (ಹಾರ್ಮೋನ್) ಗಳ ಬದಲಾವಣೆ ಕೂದಲು ಉದುರುವಿಕೆಗೆ ಕಾರಣವಾಗುತ್ತದೆ.
ಥೈರಾಯ್ಡ್ ಕಾಯಿಲೆಗಳು: ಥೈರಾಯ್ಡ್ ಸಮಸ್ಯೆ ಇದ್ದಾಗ ಕೂಡಾ ಕೂದಲು ಉದುರುತ್ತದೆ. ಇದಕ್ಕೆ ನೀಡುವ ಚಿಕಿತ್ಸೆ ಯಿಂದ ಮತ್ತೆ ಕೂದಲು ಬೆಳವಣಿಗೆಗೆ ಸಹಾಯವಾಗುತ್ತದೆ.
ಔಷಧಗಳು: ಕ್ಯಾನ್ಸರ್, ಸಂಧಿವಾತ, ಖಿನ್ನತೆ, ಹೃದಯ ಸಮಸ್ಯೆಗಳು, ಅಧಿಕ ರಕ್ತದೊತ್ತಡ, ಮತ್ತು ಜನನ ನಿಯಂತ್ರಣ ಔಷಧಿಗಳು ಕೂದಲು ಉದುರುವಿಕೆಗೆ ಕಾರಣವಾಗುತ್ತದೆ.
ಅನುವಂಶಿಕತೆ: ಅನುವಂಶಿಕತೆಯಿಂದ ಸಾಮಾನ್ಯವಾಗಿ ಪುರುಷ ಮತ್ತು ಸ್ತ್ರೀ ಇಬ್ಬರಲ್ಲಿಯೂ ಕೂದಲು ಉದರುವ ಸಾಧ್ಯತೆಗಳಿವೆ. ಇದು ವಯಸ್ಯಾದ ಮೇಲೆ ಉದುರಬಹುದು ಅಥವಾ ಮದ್ಯವಯಸ್ಸಿನಲ್ಲಿಯೇ ಅಗಬಹುದು. ಅನುವಂಶಿಕತೆಯಿಂದ ಕೂದಲು ನಿಧಾನವಾಗಿ ಉದುರುತ್ತದೆ.
ಲೂಪಸ್: ಇದು ಕೂದಲು ತೆಳುವಾಗುವಂತೆ ಮಾಡುತ್ತದೆ. ಇದು ನೆತ್ತಿಯ ಮೇಲಿನ ಕೂದಲು ತೆಳುವಾಗುವಂತೆ ಮಾಡುವ ರೋಗವಾಗಿದೆ. ಈ ರೋಗದಿಂದ ಕೆಲವರಲ್ಲಿ ಗಡ್ಡ, ಹುಬ್ಬುಗಳು, ಕಣ್ಣು ರೆಪ್ಪೆ, ಮತ್ತು ದೇಹದ ಮೇಲಿನ ಕೂದಲುಗಳು ತೆಳುವಾಗುವಂತೆ ಮಾಡುತ್ತದೆ.
ವೈದ್ಯಕೀಯ ಪರಿಸ್ಥಿತಿಗಳು: ದೀರ್ಘಕಾಲದ ಅನಾರೋಗ್ಯ, ಕ್ಯಾನ್ಸರ್, ಯಕೃತ್ತಿನ ರೋಗ ಅಥವಾ ಕರುಳಿಗೆ ಸಂಬಂಧಿಸಿದ ಕಾಯಿಲೆಗಳುಕೂದಲು ತೆಳುವಾಗಲು, ಅಥವಾ ಉದುರಲು ಕಾರಣವಾಗಬಹುದು.ಇಂತಹ ರೋಗಗಳಿಂದ ಚರ್ಮದ ಮೇಲಿನ ಕೂದಲುಗಳ ಬೆಳವಣಿಗೆಯ ಮೇಲೂ ಹಸ್ತಕ್ಷೇಪ ಮಾಡುತ್ತವೆ.
Comments are closed.