ಕರಾವಳಿ

ಒತ್ತಡವನ್ನು ಕಡಿಮೆ ಮಾಡಲು ಶಕ್ತಿಶಾಲಿ ಮತ್ತು ಸುರಕ್ಷಿತ ಚಿಕಿತ್ಸೆ”ಬ್ಯಾಂಬೂ ಮಸಾಜ್‌”

Pinterest LinkedIn Tumblr

ಒತ್ತಡವನ್ನು ನಿವಾರಿಸುವ ಬ್ಯಾಂಬೂ ಮಸಾಜ್‌ ಇತ್ತೀಚೆಗೆ ಆರೋಗ್ಯ ಕ್ಷೇತ್ರದಲ್ಲಿ ಗಮನ ಸೆಳೆಯುತ್ತಿದೆ. ಅಂಗ ಮರ್ಧನದ ಮೂಲಕ ದೈಹಿಕ, ಮಾನಸಿಕ ಮತ್ತು ಆಧ್ಯಾತ್ಮಿಕವಾಗಿ ಪುನಃಶ್ಚೇತನಗೊಳಿಸುವ ಮಸಾಜ್‌ ಚಿಕಿತ್ಸೆಯಾಗಿ ಖ್ಯಾತವಾಗುತ್ತಿದೆ.

ಬಿದಿರಿನ ಕಾಂಡಗಳನ್ನು ಬಳಸಿ ಮಸಾಜ್‌ ನೀಡಲಾಗುತ್ತದೆ. ಇದೊಂದು ಪುರಾತನ ಚಿಕಿತ್ಸಾ ಪದ್ಧತಿ ಎಂದೆನಿಸಿಕೊಂಡಿದ್ದು, ಹಲವಾರು ರೂಪಾಂತರಗಳೊಂದಿಗೆ ಇದೀಗ ಮತ್ತೆ ವೆಲ್‌ನೆಸ್‌ ಕ್ಷೇತ್ರವನ್ನು ಸೆಳೆದಿದೆ.

ನೋವು ನಿವಾರಕ
ವಿಶ್ರಾಂತಿ, ಪ್ರಶಾಂತತೆ ಮತ್ತು ಆಂತರಿಕ ಯೋಗಕ್ಷೇಮವನ್ನು ಈ ಮಸಾಜ್‌ ವೃದ್ಧಿಸುತ್ತದೆ. ಒತ್ತಡವನ್ನು ಕಡಿಮೆ ಮಾಡಲು ಶಕ್ತಿಶಾಲಿ ಮತ್ತು ಸುರಕ್ಷಿತ ಚಿಕಿತ್ಸೆ ಎಂದು ನಂಬಲಾಗುತ್ತದೆ. ಔಷಧ ಗುಣ ಹೊಂದಿರುವ ಬಿದಿರು ದೀರ್ಘಕಾಲದ ನೋವು, ಒತ್ತಡ ನಿವಾರಣೆ ಸೇರಿದಂತೆ ಸೌಂದರ‍್ಯ ವರ್ಧಕಗಳಲ್ಲಿ ಹೆಚ್ಚಾಗಿ ಬಳಸಲಾಗುತ್ತಿದೆ. ಚರ್ಮ ಸಂಬಂಧಿಧಿ ಔಷಧ, ಸೌಂದರ‍್ಯವರ್ಧಕಗಳಲ್ಲಿ ಬಿದಿರಿನ ಬಳಕೆ ಇತ್ತೀಚೆಗೆ ಹೆಚ್ಚುತ್ತಿದ್ದು ಇದು ಯುವ ಜನತೆಯನ್ನು ಸೆಳೆಯುತ್ತಿದೆ.

ದೈಹಿಕ ಮತ್ತು ಭಾವನಾತ್ಮಕ ಸಮಸ್ಯೆಗಳಿಂದ ಪರಿಹಾರ ಪಡೆಯಲು ಇದು ಸಹಕಾರಿ. ದೇಹವು ಪೊಟ್ಯಾಸಿಯಂ, ಕ್ಯಾಲ್ಷಿಯಂ ಮತ್ತು ಮೆಗ್ನೀಸಿಯಂನಂತಹ ಅಗತ್ಯ ಖನಿಜಗಳನ್ನು ಹೀರಿಕೊಳ್ಳಲು ಸಹಾಯ ಮಾಡುತ್ತದೆ. ದೇಹದಿಂದ ವಿಷವನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ. ದೇಹದ ನೈಸರ್ಗಿಕ ಸಾಮರ್ಥ್ಯ‌ವನ್ನು ಉತ್ತೇಜಿಸುತ್ತದೆ. ಬಿದಿರು ಫಲವತ್ತತೆ, ಸಮೃದ್ಧತೆ ಮತ್ತು ಶಾಂತಿಯನ್ನು ಸಂಕೇತಿಸುತ್ತದೆ. ಹೀಗಾಗಿ ಇದರಿಂದ ಮಾನಸಿಕ ಹಾಗೂ ದೈಹಿಕ ಪ್ರಯೋಜನಗಳು ಹಲವು ಇವೆ ಎನ್ನುತ್ತಾರೆ ತಜ್ಞರು.

ಉಪಯೋಗಗಳು:
ರಕ್ತ ಪರಿಚಲನೆಯನ್ನು ಸಕ್ರಿಯಗೊಳಿಸುತ್ತದೆ, ಮೈಗ್ರೇನ್‌ ನಿವಾರಣೆಗೆ ಸಹಕಾರಿ,ನಿದ್ರೆಯ ಗುಣಮಟ್ಟವನ್ನು ಸುಧಾರಿಸುತ್ತದೆ.
ಉಸಿರಾಟದ ಕಾಯಿಲೆಗಳನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಸಂಧಿವಾತ, ವಿಶೇಷವಾಗಿ ಕುತ್ತಿಗೆ ಮತ್ತು ಭುಜಗಳಲ್ಲಿ ನೋವು ನಿವಾರಿಸಲು ಸಹಾಯ ಮಾಡುತ್ತದೆ. ನರಮಂಡಲದ ಕಾರ್ಯಗಳನ್ನು ಹೆಚ್ಚಿಸುತ್ತದೆ. ಚರ್ಮದ ಸಮಸ್ಯೆಯನ್ನು ನಿವಾರಿಸಲು ಇದು ಸಹಕಾರಿ. ಒತ್ತಡ ಸಂಬಂಧಿಧಿ ಸಮಸ್ಯೆಗಳ ನಿವಾರಣೆಗೆ ಪರಿಣಾಮಕಾರಿ ಮಾರ್ಗ.

Comments are closed.