ಸ್ವಸ್ಥ ಹಾಗೂ ಸುಂದರ ಆರೋಗ್ಯಕ್ಕೆ ತುಳಸಿ ಎಲೆ ಸೇವಸಿ

ಕಾರ್ತಿಕ ಮಾಸದಲ್ಲಿ ವಿಶೇಷವಾಗಿ ಪೂಜಿಸಲ್ಪಡುವ ತುಳಸಿಯಲ್ಲಿ ಹಲವಾರು ಅದ್ಬುತ ಔಷಧೀಯ ಗುಣಗಳು ಅಡಗಿವೆ. ಹಲವಾರು ರೋಗ ರುಜಿನಗಳಿಗೆ ತುಳಸಿಯ ಎಲೆ, ಬೇರು, ಬೀಜ, ಸೇರಿದಂತೆ ಸಂಪೂರ್ಣ ಗಿಡವೇ ಔಷಧಿಯುಕ್ತವಾಗಿದೆ.

* ತುಳಸಿ ಎಲೆಗಳ ಸೇವನೆಯಿಂದ ಸ್ವಸ್ಥ ಹಾಗೂ ಸುಂದರವಾದ ಮೈಕಟ್ಟನ್ನು ಹೊಂದಬಹುದು.
* ಅಜೀರ್ಣ, ಮಲಬದ್ಧತೆ, ಗ್ಯಾಸ್‌, ಹುಳಿ ತೇಗು ಇತ್ಯಾದಿಗಳಿಗೆ ತುಳಸಿ ರಾಮಬಾಣ.
* ಸೂರ್ಯೋದಯಕ್ಕೆ ಮುನ್ನ, ಅಂದರೆ ಬ್ರಾಹ್ಮೀ ಮುಹೂರ್ತದಲ್ಲಿ ಇದರ ಸೇವನೆಯಿಂದ ಹಲವು ರೋಗಗಳು ನಿವಾರಣೆಯಾಗುತ್ತವೆ.
* ತುಳಸಿ ಎಲೆಯನ್ನು ಜಗಿಯುತ್ತಿದ್ದರೆ ಬಾಯಿಯೊಳಗಿನ ದುರ್ಗಂಧ ನಿವಾರಣೆಯಾಗುತ್ತದೆ.
* ತುಳಸಿಯ ಸುವಾಸನೆಯು ಕ್ರಿಮಿ, ಕೀಟ ರೋಗಾಣುಗಳನ್ನು ದೂರವಿಡುತ್ತದೆ.
* ತುಳಸಿ ಎಲೆಗಳನ್ನು ನೀರಿನಲ್ಲಿ ಹಾಕಿಟ್ಟರೆ ಸೂಕ್ಷ್ಮರೋಗಾಣುಗಳು ನಾಶವಾಗುತ್ತವೆ.